अत्यंत गंभीर, धक्कादायक! 25 लाख बोगस मतदार; राहुल गांधींचा हायड्रोजन बाॅम्ब, 1 मनिटांत वाचा 5 मुद्दे

Rahul gandhi press conference marathi news : लोकसभा निवडणुकीतील पराभवानंतरही 'ईव्हीएम हॅकिंग' आणि 'मतदार यादीतील घोळ' या मुद्द्यांवर सातत्याने आवाज उठवणारे काँग्रेस नेते तथा लोकसभेतील विरोधी पक्षनेते राहुल गांधी यांनी आज नवी दिल्लीत पत्रकार परिषदेत 'H-फाइल्स' नावाचा 'हायड्रोजन बॉम्ब' फोडला आहे!

उद्या बिहारमध्ये पहिल्या टप्प्यातील मतदान होत असताना, राहुल गांधींनी थेट 'लोकशाहीच्या हत्येचा' आरोप करत, हरियाणामध्ये २५ लाख मतं चोरीला गेल्याचा आणि मतदार याद्यांमध्ये मोठ्या प्रमाणात घोटाळा झाल्याचा दावा केला आहे. त्यांनी या 'वोट चोरी'चे आपल्याकडे १०० टक्के पुरावे असल्याचा दावा केला आहे.

5 महत्त्वाचे मुद्दे: हरियाणामध्ये काय घडले?

राहुल गांधींनी त्यांच्या पत्रकार परिषदेत हरियाणातील 'मतदान चोरी' आणि बोगस मतदार नोंदणीचे अत्यंत गंभीर आणि धक्कादायक पुरावे ५ प्रमुख मुद्द्यांमध्ये मांडले.

१. २५ लाख मतांची चोरी

आरोप: राहुल गांधींनी थेट आरोप केला की, एकट्या हरियाणा राज्यात २५ लाख मतांची चोरी झाली आहे.

हरियाणामधील एकूण मतदार संख्या सुमारे २ कोटी आहे. म्हणजेच, प्रत्येक आठ मतदारांपैकी एक मतदार 'बनावट' होता, असे त्यांनी स्पष्ट केले.

LIVE: Special press briefing by LoP Shri @RahulGandhi | Vote Chori - The H Files | AICC HQ, New Delhi. https://t.co/at2SahEnBt

— Congress (@INCIndia) November 5, 2025

२. पोस्टल बॅलेटचा कल बदलला

नवीन पॅटर्न: हरियाणाच्या निवडणूक इतिहासात पहिल्यांदाच पोस्टल बॅलेट आणि प्रत्यक्ष मतदान यांचा कल पूर्णपणे वेगळा दिसला.

दावा काय?: पोस्टल बॅलेटमध्ये काँग्रेसला ७६ जागा आणि भाजपला केवळ १७ जागा मिळत होत्या, पण प्रत्यक्ष मतदानात हा कल बदलला.

३. एकाच महिलेचा २२ वेळा फोटो वापरला

बोगस मतं: मतदार यादीतील घोळ सिद्ध करण्यासाठी त्यांनी एक धक्कादायक पुरावा सादर केला. एकाच तरुणीचा फोटो मतदार यादीत २२ वेगवेगळ्या नावांनी आणि पत्त्यांवर वापरला गेला होता.

उदाहरण: या तरुणीने कुठेतरी 'सीमा' तर कुठेतरी 'सरस्वती' या नावाने २२ वेगवेगळ्या ठिकाणी मतदान केले.

४. 'ब्राझील कनेक्शन'चा सवाल

परदेशी मतदार? राहुल गांधींनी या बोगस मतदारांमध्ये परदेशी कनेक्शनचा मुद्दा उपस्थित केला. या २२ वेगवेगळ्या ठिकाणी मतदान करणाऱ्या युवतीचा फोटो वापरताना, त्यांनी 'ब्राझीलियन महिला हरियाणामधील मतदार यादीत काय करत आहे?' असा थेट प्रश्न विचारला.

५. 'डुप्लीकेट' मतदारांची ५ लाखांहून अधिक संख्या

आकडेवारी: राहुल गांधींनी सांगितले की, हरियाणात एकूण ५ श्रेणींमध्ये ही 'वोट चोरी' करण्यात आली. यात ५ लाख २१ हजारांहून अधिक 'डुप्लीकेट' मतदार आढळले आहेत. राहुल गांधींनी स्पष्ट केले की, काँग्रेसच्या पराभवाचे कारण हीच मोठ्या प्रमाणावर झालेली 'वोट चोरी' आणि बनावट मतदार नोंदणी आहे.