PM Modi: बालपण-हिमालय जीवन ते PM हाऊस; फ्रिडमनसोबतचा मोदींचा खास पॉडकॉस्ट आज होणार रिलीज!

PM Modi Podcast: प्रसिद्ध एमआयटी शास्त्रज्ञ आणि AI संशोधक लेक्स फ्रिडमन यांनी पंतप्रधान नरेंद्र मोदी यांच्याशी पॉडकास्ट द्वारे साधलेला संवाद आज प्रसिद्ध होणार आहे. प्रेक्षकांना हा पॉडकास्ट रविवार, 16 मार्च रोजी सायंकाळी पाहता येणार आहे.

जागतिक स्तरावर लोकप्रिय लेक्स फ्रिडमन पॉडकास्टचे सूत्रसंचालन करणारे फ्रिडमन यांनी भारतीय नेत्यासोबतचे त्यांचे संभाषण "आतापर्यंतच्या सर्वात शक्तिशाली संभाषणांपैकी एक" असे वर्णन केले.

लेक्स फ्रिडमन यांनी सोशल मीडियावर पॉडकास्ट संदर्भातील घोषणा केली. शनिवारी, फ्रिडमन यांनी त्यांच्या फॉलोअर्ससोबत ही बातमी शेअर केली आणि लिहिले, "भारताचे पंतप्रधान @narendramodi यांच्याशी माझे 3 तासांचे पॉडकास्ट संभाषण खूप छान झाले. ते माझ्या आयुष्यातील सर्वात शक्तिशाली संभाषणांपैकी एक होते. ते रविवारी प्रसिद्ध होणार आहे.

दरम्यान, पंतप्रधान नरेंद्र मोदी यांनी देखील फ्रीडमनच्या पोस्टवर रिट्विट करून प्रतिक्रिया दिली. पंतप्रधान मोदींनी लोकांना "मनोरंजक संभाषण" असे संबोधण्याचे आवाहन केले. त्यांनी सांगितले की या पॉडकास्टमध्ये त्यांचे बालपण आणि सुरुवातीची वर्षे, हिमालयात घालवलेला वेळ, सार्वजनिक जीवनातील त्यांचा प्रवास यासह विविध विषयांचा समावेश असणार आहे.

It was indeed a fascinating conversation with @lexfridman, covering diverse topics including reminiscing about my childhood, the years in the Himalayas and the journey in public life.

Do tune in and be a part of this dialogue! https://t.co/QaJ04qi1TD

— Narendra Modi (@narendramodi) March 15, 2025

दोन महिन्यांपूर्वी देखील निखिल कामत यांनी साधला होता संवाद

विशेष बाब म्हणजे, दोन महिन्यांपूर्वी झेरोधाचे संस्थापक निखिल कामथ यांच्याशी झालेल्या संभाषणानंतर, पंतप्रधान मोदींचे हे दुसरे पॉडकास्ट आहे. तथापि, त्यांनी पहिल्यांदाच पाश्चात्य पॉडकास्टरशी संवाद साधला आहे. जो त्यांच्या नेतृत्व आणि दृष्टिकोनाबद्दल जागतिक स्तरावर घेऊन जाणारा ठरणार आहे. आज पॉडकास्टचा प्रीमियर होत असल्याने, राजकीय निरीक्षक आणि तंत्रज्ञानप्रेमी मोदींचे नेतृत्व, प्रशासन आणि तंत्रज्ञानाबद्दलचे अंतर्दृष्टी ऐकण्यास उत्सुक असणार आहेत.