PM Modi in Gujrat :'कुंकू पुसणाऱ्यांच मिटनं निश्चित होतं', मोदीं यांच्या भाषणातील प्रमुख 10 मुद्दे

PM Modi Speech in Gujrat : पंतप्रधान नरेंद्र मोदी दोन दिवसांच्या गुजरात दौऱ्यावर आहेत. सोमवारी त्यांनी दाहोदमध्ये एका जाहीर सभेला संबोधित केले. त्याचबरोबर अनेक विकास योजनांचे उद्घाटनही केले.

पंतप्रधान मोदींनी सार्वजनिक सभेत बोलताना म्हटले की, गुजरातमध्ये परतणे हा घरी परतल्यासारखा अनुभव असल्याचे वर्णन केले. पुढे बोलताना त्यांनी भारतीय सैन्य आणि ऑपरेशन सिंदूरचे कौतुक केले. यावेळी त्यांनी काँग्रेस आणि विरोधकांवर देखील निशाणा साधला. मी रात्रंदिवस देशाच्या सेवेत गुंतलेलो आहे, परंतु, विरोधी पक्षाचे लोक दिवसरात्र मला शिवीगाळ करत असल्याची खंत देखील त्यांनी व्यक्त केली.

PM Modi Speech : जगाने भारतीय सैन्याचे शौर्य पाहिले

ऑपरेशन सिंदूरचा उल्लेख करताना पंतप्रधान नरेंद्र मोदी म्हणाले की, संपूर्ण जगाने भारतीय सैन्याचे शौर्य पाहिले आहे. हे नवीन भारताचे चित्र आहे आणि ऑपरेशन सिंदूर हे आपल्या क्षमतांचे आणि बदलत्या भारताचे चित्र आहे. पंतप्रधान म्हणाले की, आज 26 मे आहे. 2014 मध्ये याच दिवशी मी पंतप्रधान म्हणून शपथ घेतली होती. मायबाप जनतेने माझ्यावर विश्वास टाकला.

#WATCH गुजरात | प्रधानमंत्री मोदी ने दाहोद में जनसभा को संबोधित करते हुए कहा, "आज हम 140 करोड़ भारतीय मिलकर अपने देश को विकसित भारत बनाने के लिए जी जान से जुटे हैं। देश की तरक्की के लिए जो कुछ भी चाहिए वो हम भारत में ही बनाएं ये आज के समय की मांग है। भारत आज तेज गति से… pic.twitter.com/5xNdLKvsLd

— ANI_HindiNews (@AHindinews) May 26, 2025

जो सिंदूर पुसतो तो निश्चितच पुसला जातो

ऑपरेशन सिंदूरचा उल्लेख करताना पंतप्रधान म्हणाले, "दहशतवाद्यांनी स्वप्नातही कल्पना केली नसेल की, त्यांच्यासोबत असे घडू शकते. दहशतवाद्यांनी संपूर्ण भारताला आव्हान दिले. भारताने दाखवून दिले आहे की, जो सिंदूर पुसतो तो निश्चितच पुसला जातो.

जगात भारताच्या वैभवाने बनवलेले

पंतप्रधान मोदी म्हणाले, 'मेड इन इंडिया आज जगभरात लोकप्रिय आहे. भारताने जागतिक बाजारपेठेत एक वेगळी ओळख निर्माण केली आहे. आम्ही विकसित भारतासाठी दिवसरात्र काम करत आहोत. आमच्याद्वारे बनवलेले रेल्वे कोच अनेक देशांमध्ये जात आहेत. भारत स्मार्टफोन, शस्त्रे निर्यात करत आहे.

#WATCH | Gujarat: On PM Modi's roadshow in Vadodara, Sanjay Qureshi, brother of Colonel Sofiya Qureshi, says "It was a great moment when PM Modi came here. We got to see him for the first time. Through gestures, he greeted us. I thank our defence forces and the govt of India… pic.twitter.com/FLABkYVN5K

— ANI (@ANI) May 26, 2025

विकसित भारताचा उल्लेख

विकसित भारताच्या स्वप्नाचा उल्लेख करताना पंतप्रधान मोदी म्हणाले, 'आज देश निराशेच्या अंधारातून बाहेर आला आहे आणि आत्मविश्वासाच्या प्रकाशात तिरंगा फडकवत आहे. आज आपण 140 कोटी भारतीय आपल्या देशाला विकसित भारत बनवण्यासाठी सर्व शक्तीनिशी एकत्र काम करत आहोत.

'भारत उत्पादन केंद्र बनत आहे'

पंतप्रधान मोदी म्हणाले, 'देशाच्या प्रगतीसाठी जे काही आवश्यक आहे, ते आपण भारतातच बनवले पाहिजे, ही आजच्या काळाची मागणी आहे. आज भारत उत्पादन क्षेत्रात वेगाने पुढे जात आहे. देशाला आवश्यक असलेल्या वस्तूंचे उत्पादन असो किंवा आपल्या देशात बनवलेल्या वस्तूंची जगातील विविध देशांमध्ये निर्यात असो, यामध्ये सातत्याने वाढ होत आहे.

कर्नल सोफिया कुरेशी यांचा भाऊ काय म्हणाला?

वडोदरा येथे पंतप्रधान मोदींचा रोड शो पाहण्यासाठी आलेले कर्नल सोफिया कुरेशी यांचे भाऊ संजय कुरेशी म्हणाले, 'आम्ही पंतप्रधानांना पहिल्यांदाच पाहिले. त्यांनी हातवारे करून आमचे स्वागत केले. माझ्या बहिणीला देशसेवा करण्याची संधी दिल्याबद्दल मी संरक्षण दल आणि भारत सरकारचा आभारी आहे. एक महिला असल्याने, माझ्या बहिणीने ज्या महिलांना इतका त्रास सहन करावा लागला आहे, त्यांच्या वतीने बदला घेतला, यापेक्षा चांगले काय असू शकते?, असेही ते म्हणाले.