पहलगाम हल्ल्यानंतर भारताचे मोठे पाऊल;16 पाकिस्तानी युट्यूब चॅनेलवर बंदी घातली, का घेतला असा निर्णय!

Pakistani YouTube channels Banned : जम्मू आणि काश्मीरमधील पहलगाम येथे झालेल्या दहशतवादी हल्ल्यानंतर, भारत सरकारने आणखी एक मोठे पाऊल उचलले आहे.

भारत सरकारने पाकिस्तानातील जवळजवळ सर्व प्रमुख वृत्तवाहिन्यांच्या यूट्यूब चॅनेलवर भारतात पाहण्यास बंदी घातली आहे. ज्यामध्ये जिओ न्यूज, डॉन न्यूज, समा टीव्ही, आर्य न्यूजसह 16 पाकिस्तानी यूट्यूब चॅनेलवर बंदी घालण्यात आली.

सरकारी सूत्रांनी दिलेल्या माहितीनुसार, गृह मंत्रालयाच्या शिफारशींनुसार, भारत सरकारने जम्मू आणि काश्मीरमधील पहलगाम दहशतवादी घटनेच्या पार्श्वभूमीवर, प्रक्षोभक आणि सांप्रदायिकदृष्ट्या संवेदनशील सामग्री, खोटी आणि दिशाभूल करणारी विधाने आणि आपल्या सैन्य आणि सुरक्षा एजन्सींविरुद्ध चुकीची माहिती प्रसारित केल्याबद्दल डॉन न्यूज, समा टीव्ही, आर्य न्यूज, जिओ न्यूजसह 16 पाकिस्तानी यूट्यूब चॅनेलवर बंदी घातली आहे.

On the recommendations of the Ministry of Home Affairs, the Government of India has banned the 16 Pakistani YouTube channels including Dawn News, Samaa TV, Ary News, Geo News for disseminating provocative and communally sensitive content, false and misleading narratives and… pic.twitter.com/AusR1fCkvN

— ANI (@ANI) April 28, 2025

हेरगिरीसाठी चिनी ड्रोनचा वापर- NIA सूत्र

दुसरीकडे, 22 एप्रिल रोजी पहलगामच्या बैसरन व्हॅलीमध्ये झालेल्या दहशतवादी हल्ल्यात 26 पर्यटक अन् 2 स्थानिक अशा 28 लोकांचा मृत्यू झाला. त्यानंतर भारतीय लष्कराच्या वतीने, जम्मू आणि काश्मीरमध्ये आतापर्यंत 10 दहशतवाद्यांची घरे स्फोटात उडवून देण्यात आली आहेत. एनआयए या हल्ल्याचा तपास हाती घेतला आहे. तर सूत्रांनी दिलेल्या माहितीनुसार, हल्ल्यापूर्वी दहशतवाद्यांनी हेरगिरीसाठी चीनी ड्रोनचा वापर केला होता, अशी माहिती समोर आली आहे. ़

शस्त्रास्त्रांच्या पुरवठ्यात चिनी ड्रोनचा वापर केला जाऊ शकतो, असा संशय देखील एनआयए व्यक्त केला आहे. हल्ल्यानंतर दहशतवादी पुलवामा किंवा अनंतनागला पळून जाण्याची शक्यता असल्याचे सूत्रांनी सांगितले. हल्ल्यानंतर या मार्गांवरुन जाताना काही हालचाली दहशतवाद्यांच्या दिसून आल्या आहेत.

सिंधू पाणी करार रद्द, पाकिस्तानी व्हिसा देणे बंद

22 एप्रिल रोजी पहलगाममधील बैसरन खोऱ्यात झालेल्या दहशतवादी हल्लानंतर भारताने पाकिस्तानविरोधात कडक निर्बंध लावण्यास सुरूवात केली. यामध्ये सिंधू पाणी कराराचे निलंबन, अटारी चेकपोस्ट बंद करणे, पाकिस्तानी नागरिकांसाठी सार्क व्हिसा सूट योजना निलंबित करणे आणि दोन्ही देशांमधील राजनैतिक कर्मचाऱ्यांची कपात यांचा समावेश आहे. त्यानंतर आज पुन्हा भारत सरकारच्या वतीने पाकिस्तानातील 16 युट्यूब चॅनेलवर बंदी घालण्याचा निर्णय घेतला.