नागपूरहून कोलकाता जाणाऱ्या इंडिगोचे इमर्जन्सी लँडिंग, बॉम्बच्या धमकीनंतर विमान रायपूरमध्ये उतरवलं

नागपूरहून कोलकात्याला जाणाऱ्या विमानाचे छत्तीसगडची राजधानी रायपूरमध्ये इमर्जन्सी लँडिंग करावे लागले आहे. बॉम्बची धमकी मिळाल्यानंतर इंडिगोचे विमान रायपूर विमानतळावर उतरवण्यात आलं. प्रवाशांना तातडीने बाहेर काढण्यात आले असून विमानाची तपासणी करण्यात येत आहे. विमानतळावर सुरक्षा व्यवस्था वाढवण्यात आली आहे.

विमानाची कसून चौकशी करण्यासाठी बॉम्ब निकामी पथकाला पाचारण करण्यात आलं . खबरदारीचे उपाय केल्यानंतर सर्व प्रवाशांना तात्काळ बाहेर काढण्यात आले आणि प्रवेशद्वाराजवळील एका सुरक्षितपणे हॉलमध्ये नेण्यात आले. या परिस्थितीमुळे रायपूर विमानतळावरील फ्लाइट ऑपरेशनमध्ये तात्पुरता व्यत्यय आला.

रायपूरचे अतिरिक्त पोलीस अधीक्षक कीर्तन राठौर यांनी बॉम्बच्या धमकीमुळे विमानाचे आपत्कालीन लँडिंग झाल्याच्या वृत्ताला दुजोरा दिला आहे. विमानतळावर संपूर्ण प्रकाराची चौकशी सुरू असल्याचे त्यांनी सांगितले. तपास पूर्ण झाल्यानंतर विमान रायपूरहून पुन्हा प्रवास सुरू होईल, असं त्यांनी सांगितले.अज्ञात व्यक्तीने बॉम्बेची धमकी दिल्याची माहिती आहे. पोलिस अधिकारी सध्या तपास करत आहेत. दरम्यान प्रवाशांची सुरक्षितता सुनिश्चित करण्यासाठी आणि संभाव्य धोका टाळण्यासाठी सुरक्षा प्रोटोकॉल वाढविण्यात आली आहे.

Raipur, Chhattisgarh: A flight from Nagpur to Kolkata made an emergency landing at Raipur airport following a bomb threat. The plane is being checked at the airport and further probe is underway: SSP Santosh Singh

— ANI (@ANI) November 14, 2024

विमानतळाच्या कामकाजावर परिणाम

बॉम्बची धमकी मिळाल्याच्या घटनेमुळे रायपूर विमानतळावरील उड्डाणे काही काळ थांबवावी लागली. अधिकाऱ्यांनी सुरक्षा तपासणीला सर्वप्रथम प्राधान्य दिले. विमानतळ सामान्य कामकाज त्वरीत पूर्ववत करण्यासाठी परिश्रमपूर्वक काम करत आहे. तपास सुरू असताना प्रवाशांच्या सुरक्षिततेला प्रथम महत्व देण्यात आलं आहे.