Manmohan Singh Funeral :- भारताचे मनमोहन पंचतत्वात विलीन

Former Prime Minister Dr. Manmohan Singh RIP : माजी पंतप्रधान आणि काँग्रेसचे ज्येष्ठ नेते डॉ.मनमोहन सिंग यांच्यावर शनिवारी शासकीय इतमामात अंत्यसंस्कार करण्यात आले. मनमोहन सिंग यांचे पार्थिव प्रथम काँग्रेस मुख्यालयात आणि नंतर निगम बोध घाट येथे नेण्यात आले, जिथे त्यांच्या कुटुंबीयांनी त्यांच्या पार्थिवावर अंत्यसंस्कार केले. यावेळी मनमोहन सिंग जिंदाबाद अशा घोषणांनी निगम बोध घाट दुमदुमला.

माजी पंतप्रधान मनमोहन सिंग यांचे वयाच्या 92 व्या वर्षी 26 डिसेंबर रोजी रात्री दिल्लीतील एम्स रुग्णालयात निधन झाले. डॉ. मनमोहन सिंग यांची प्रकृती गुरुवारी संध्याकाळी खालावली, त्यानंतर त्यांना दिल्ली एम्समध्ये दाखल करण्यात आलं होतं. तिथे माजी पंतप्रधान मनमोहन सिंग यांनी अखेरचा श्वास घेतला. मनमोहन सिंग 2004 ते 2009 आणि 2009 ते 2014 पर्यंत दोनदा पंतप्रधानपद त्यांनी भूषवले. या काळात मनमोहन सिंग यांनी देशाची अर्थव्यवस्था आणखी मजबूत केली होती.

फोटो सौजन्य- पीटीआय

सात दिवस दुखवटा

माजी पंतप्रधान मनमोहन सिंग यांच्या निधनानंतर देशात सात दिवसांचा राष्ट्रीय दुखवटा जाहीर करण्यात आला असून शुक्रवारी सर्व सरकारी कार्यक्रम रद्द करण्यात आले आहेत.