मणिपूरमध्ये पुन्हा हिंसाचार भडकला, इंटरनेट सेवा विस्कळीत, संचारबंदी लागू

Manipur Hinsa: मणिपूरमध्ये पुन्हा एकदा जातीय हिंसाचाराला घटना घडल्या आहेत. इंफाळ पूर्व, इंफाळ पश्चिम, बिष्णुपूर आणि थौबल जिल्ह्यात संपूर्ण कर्फ्यू लागू करण्यात आला आहे. डोंगर, खोऱ्यातील जिल्ह्यांतील इंटरनेट सेवाही 2 दिवसांसाठी बंद करण्यात आली आहे. दरम्यान जमावाने मुख्यमंत्री एन बिरेन सिंह यांच्या निवासस्थानावरही हल्ला करण्याचा प्रयत्न केला.

जिरीबाम जिल्ह्यात आठवड्याभरात वाढत्या हिंसाचारामुळे इंफाळमधील कायदा आणि सुव्यवस्थेची स्थिती बिघडली आहे. शनिवारी इम्फाळ पूर्व आणि इफाळ पश्चिम जिल्ह्यांतील अनेक आमदारांच्या घरांवर जमावाने हल्ले केला. डोंगर खोऱ्यातील जिल्ह्यात सुरु असलेल्या हिंसाचार आता राजधानी इंफाळपर्यंत पोहोचला आहे.

शनिवारी परिस्थिती गंभीर झाली तेव्हा मणिपूरचे मुख्यमंत्री एन. बिरेन सिंग यांच्या खाजगी निवासस्थानावर हल्ला करण्याचा प्रयत्न करण्यात आला. शनिवारी दिवसभर खोऱ्यातील अनेक भागांतून तोडफोड झाल्याच्या वृत्त समोर आले आहे. कारण राज्य सरकारने निषेध दडपण्यासाठी पुन्हा एकदा संचारबंदी लागू केली आणि इंटरनेट सेवा निलंबित केली आहे.

मणिपूरमधील सद्य परिस्थिती 11 नोव्हेंबर रोजी जिरीबाममधील एका मदत शिबिरातून बेपत्ता झालेल्या सहा लोकांच्या कुटुंबाचा शोध घेण्यात सरकारला अपयश आल्याने दिसून येते. यानंतर शनिवारी संतप्त जमावाने इंफाळ पूर्व आणि इंफाळ पश्चिम जिल्ह्यांतील राज्य विधानसभेच्या अनेक सदस्यांच्या घरांवर हल्ला केला. जिरीबाममध्ये परिस्थिती तणावपूर्ण आहे. आपल्या मिझो समुदायातील अनेक चर्च आणि घरांची तोडफोड करुन आग लावण्यात आली आहे.

शनिवारी संध्याकाळी लुवांगसांगबम येथे मणिपूरचे मुख्यमंत्री एन. बिरेन सिंग यांच्या खासगी निवासस्थानालाही घेराव घालण्यात आला. मुख्यमंत्री आणि त्यांच्या पत्नी सरकारी बंगल्यात असताना मुख्यमंत्र्यांच्या निवासस्थानाबाहेर जमाव जमला होता. मात्र आसाम रायफल्स आणि केंद्रीय राखीव पोलीस दल आणि पोलिसांनी जमावाला नियंत्रित केले.