मौनी अमावस्येला हर्षा रिचारिया अमृत स्नान करणार? म्हणाली 'आता कोणतीही भीती नाही'

Mahakumbh 2025 : महा कुंभमेळ्यात व्हायरल साध्वी म्हणून प्रसिद्ध झालेल्या हर्षा रिचारिया यांच्याबद्दल आखाड्यांमध्ये वाद सुरू झाला आहे. जिथे काही आखाड्यांनी त्यांच्या संतांसोबत स्नान करण्यास आणि भगवे कपडे घालून महाकुंभात फिरण्यास आक्षेप घेतला आहे. दुसरीकडे शंकराचार्य स्वामी अविमुक्तेश्वरानंद सरस्वती यांनी असेही म्हटले आहे की, 'ज्या महिलेने अद्याप संन्यासी व्हायचे की लग्न करायचे हे ठरवलेले नाही, ती कुंभमेळ्यात भगवे कपडे घालून कशी काय फिरू शकते, ती संतांसोबत रथावर कशी फिरू शकते?'

वादांमुळे हर्षाने महाकुंभ सोडण्याची घोषणा केली होती

मॉडेल-अँकर बनलेल्या साध्वी हर्षाने वादांमुळे महाकुंभ सोडण्याची घोषणा केली होती, तर दुसरीकडे निरंजनी आखाडा हर्षा रिचारियाच्या पाठीशी उभा राहिला आहे. आखाड्याचे सचिव श्रीमहंत रवींद्र पुरी म्हणाले की, 'हर्षाची सनातन धर्मावरील ओढ आणि प्रेम अद्वितीय आहे, ती देवावर विश्वास ठेवते आणि तिच्या ओढीमुळेच ती महाकुंभात आली होती, यासाठी तिचे कौतुक केले पाहिजे, टीका नाही. तिला जबरदस्तीने लक्ष्य केले जात आहे. भक्ताला इतके प्रश्न विचारणे योग्य नाही.

निरंजनी आखाड्याचा हर्ष रिचारियाला पाठिंबा

'महिला सक्षमीकरणाचे तिने एक सुंदर उदाहरण मांडले आहे, म्हणून निरंजनी आखाडा तिला पाठिंबा देतो आणि दुसऱ्या शाही स्नानाला म्हणजेच मौनी अमावस्येला ती रथावर बसेल आणि ती संतांसोबत अमृत स्नान करेल.' असं म्हटलं आहे.

मी काहीही चुकीचे केलेले नाही: हर्षा रिचारिया

हर्षाने यावर कोणतीही प्रतिक्रिया दिली नसली तरी एका वृत्तवाहिनीशी बोलताना ती म्हणाली की 'मी काहीही चुकीचे केले नाही. सनातन प्रेमामुळे आणि तिच्या गुरूंच्या आग्रहामुळे महाकुंभाचा भाग बनली आहे, परंतु माझ्यामुळे कोणी माझ्या गुरूवर बोट दाखवले तर मला ते आवडणार नाही, म्हणूनच मी महाकुंभातून परत जाण्याचा निर्णय घेतला होता, पण आता निरंजनी आखाडा ऐकल्यानंतर माझ्या मनात शांती आहे, कोणतीही भीती नाही.

हर्षा ही आचार्य महामंडलेश्वर यांची शिष्य

या आधी हर्षाने म्हटले होते की, "ती निश्चितच साध्वी आहे, पण ती संन्यास घेणार नाही, म्हणून ती भौतिकवादी जीवन जगत आहे आणि सामान्य मुलीप्रमाणे लग्न करेल." अतिशय सुंदर दिसणारी हर्षा रिचारिया आणि तिचे कुटुंब मध्य प्रदेशची राजधानी भोपाळमध्ये राहते , परंतु ती मूळची उत्तराखंडची आहे आणि जातीने ब्राह्मण आहे.

हर्षा ही 31 वर्षांची आहे आणि आचार्य महामंडलेश्वर यांची शिष्या आहे. तिच्या इंस्टाग्राम पेजवर हर्षाने स्वतःचे वर्णन एक अँकर, मेकअप आर्टिस्ट आणि सोशल मीडिया इन्फ्लुएंसर म्हणून केले आहे. अनेक माध्यमांच्या वृत्तानुसार हर्षाच्या घराची आर्थिक परिस्थिती चांगली नव्हती, त्यामुळे तिने खूप लहान वयातच काम करायला सुरुवात केली आहे.

हर्षाच्या जटा वरही प्रश्न उपस्थित

तिच्या सौंदर्य आणि आकर्षक शैलीमुळे ती महाकुंभात लोकप्रिय झाली, पण त्याच वेळी लोकांनी तिला सोशल मीडियावर ट्रोल करायला सुरुवात केली. तिच्या साध्वी रूपावर आणि जटा वरही लोकांनी प्रश्न उपस्थित केले आहेत. बरेच लोक म्हणतात की 'तिच्या जटा खोट्या आहेत आणि तिचे सनातन प्रेम देखील खोटे आहे, तिने लोकप्रियता मिळविण्यासाठी हे सर्व केले आहे.'

'मुलीचे धर्माशी असलेले प्रेम चुकीचे नाही'

हर्षा रिचारियाची आई म्हणते की, मुलीची धर्माशी असलेली ओढ चुकीची नाही, तिने उत्तराखंडमध्ये दीक्षा घेतली आहे. ती तिच्या गुरूंच्या सल्ल्यानुसार महाकुंभमेळ्याला गेली होती. माझ्या मुलीबद्दल चुकीच्या गोष्टी बोलल्या जात आहेत. पण संपूर्ण कुटुंब तिच्यासोबत आहे. ती करत असलेली पूजा करण्यात काहीही गैर नाही.