लक्झरी टेंट सिटी 'महाकुंभ ग्राम' तयार, जाणून घ्या किती आहे भाडे? कसे बुक करायचे

Maha Kumbh Gram Luxury Tent City: प्रयागराजमध्ये 13 जानेवारीपासून सुरू होणाऱ्या महाकुंभ 2025 साठी भारतीय रेल्वे आणि पर्यटन विभागाने संयुक्तपणे भाविकांसाठी विशेष व्यवस्था केली आहे. यावेळी आयआरसीटीसीने त्रिवेणी संगमाजवळ अरैल किनाऱ्यावर 'महा कुंभ ग्राम' हे आलिशान टेंट सिटी तयार केली आहे.

भारतीय रेल्वे महाकुंभ दरम्यान सुमारे 3000 मेला विशेष गाड्यांसह 1 लाखाहून अधिक प्रवाशांना राहण्यासाठी निवाऱ्याची व्यवस्था करत आहे. आयआरसीटीसीच्या महाकुंभ ग्राममध्ये पर्यटकांना वैद्यकीय आणि सुरक्षा सुविधांसह जागतिक दर्जाची निवास आणि भोजन सुविधा उपलब्ध करून दिली जाईल.

महाकुंभ ग्राम: विशेष काय?

महाकुंभ ग्रामात सुपर डिलक्स टेंट आणि व्हिला टेंट बनवण्यात आले आहेत. ते आधुनिक सुविधांनी सुसज्ज आहेत...

- गरम आणि थंड पाण्याची सोय

- वैयक्तिक स्नानगृह

- एअर ब्लोअर आणि बेड लिनन

- भोजन व्यवस्था

- स्वतंत्र बसण्याची जागा आणि टिव्ही सुविधा असलेले व्हिला तंबू

टेंट सिटी गंगेच्या काठावर स्थित आहे. त्रिवेणी संगम पासून फक्त 3.5 किमी अंतरावर आहे. जिथे अतिथी नैसर्गिक सौंदर्य आणि आध्यात्मिक वातावरणाचा आनंद घेऊ शकतात.

#WATCH | Uttar Pradesh's Prayagraj is all set to host the 2025 Maha Kumbh Mela which will start on January 13 and end on February 26. pic.twitter.com/kRpb5DaqLO

— ANI (@ANI) December 24, 2024

भाडे आणि बुकिंग भाडे:

- प्रति दिन 18,000 ते 20,000 रुपये भाडे

- बुकिंग: ऑनलाइन बुकिंग IRCTC वेबसाइट ([www.irctctourism.com/mahakumbhgram (http://www.irctctourism.com/mahakumbhgram)) वर उपलब्ध आहे.

- 10 जानेवारी ते 28 फेब्रुवारी दरम्यान बुकिंग करता येईल.

- Make My Trip आणि Go IBIBO सारख्या वेबसाइटवर बुकिंग सुविधा देखील उपलब्ध आहेत.

- सुरक्षा आणि इतर सुविधा

- महाकुंभ ग्रामच्या सुरक्षेसाठी सीसीटीव्ही कॅमेऱ्यांद्वारे देखरेख ठेवली जाणार आहे. प्रथमोपचार सेवा देखील उपलब्ध आहेत.

- महाकुंभ 2025 साठी विशेष व्यवस्था: 3000 विशेष गाड्या चालवल्या जातील.

- सुमारे 1 लाख प्रवाशांच्या निवासाची व्यवस्था करण्यात आली आहे.

- हा कार्यक्रम दर 12 वर्षांनी होतो आणि जगभरातून लाखो भाविक यात सहभागी होतात.

#WATCH | Uttar Pradesh | Prayagraj Police is using horses for patrolling ahead of the Maha Kumbh Mela 2025

Prayagraj will host Maha Kumbh Mela 2025 from 13th January to 26th February 2025 pic.twitter.com/hX9Owo5eBb

— ANI (@ANI) December 24, 2024

सर्व सुविधांनी सुसज्ज असे रेल्वे स्थानक

महाकुंभापूर्वी प्रयागराज रेल्वे स्थानकाच्या तयारीबाबत उत्तर मध्य रेल्वेचे सीआरपीओ शशिकांत त्रिपाठी म्हणाले की, महाकुंभ 2025 जवळ येत आहे.या ठिकाणी मोठ्या संख्येने भाविक श्रद्धेच्या संगमात स्नान करतील. अनेक भाविक विशेषत प्रयागराज येथून येथे येतात ते जवळच्या स्थानकांवरून वाहतुकीसाठी रेल्वेचा उपयोग करतील.

कुंभच्या प्राचीन सनातन परंपरेचे प्रदर्शन करून प्रयागराजला येणाऱ्या भाविकांचा आध्यात्मिक अनुभव वाढवणे हा आमचा उद्देश आहे. भाविकांसाठी प्रसन्न वाटेल यासाठी रेल्वे परिसर कुंभशी संबंधित पेंटिंग्जने सजवण्यात आला आहे. जसे आपण सणासुदीच्या वेळी आपली घरे सजवतो, त्याचप्रमाणे अतिथींना सेवा देण्यासाठी आम्ही सज्ज आहोत.