Maha Kumbh 2025: सर्व खलाशांना मिळणार 2 लाख रुपयांचे विमा संरक्षण, बोटींच्या भाड्यात 50 टक्के वाढ

Maha Kumbh 2025: उत्तरप्रदेशच्या प्रयागराजमध्ये महाकुंभच्या तयारीसाठी प्रशासनाकडून जोरदार तयार सुरु आहे. प्रशासनाकडून आवश्यक सर्व उपयोजना करण्यात येत आहेत. हा कुंभमेळा 13 जानेवारी ते 26 फेब्रुवारी या कालावधीत गंगा आणि यमुनेच्या संगमाववर आयोजीत केले जाणार आहे.

प्रयागराजच्या नुकत्याच झालेल्या भेटीदरम्यान पीएम मोदी म्हणाले होते की, 'प्रयागराजचा महाकुंभ संस्कृती आणि अध्यात्माचा ऐतिहासिक अध्याय लिहीला जाईल.'

प्रशासनाकडून महाकुंभातील बोटींच्या भाड्यात 50 टक्के वाढ करण्यास करण्यात आली आहे. ही मागणी अनेक दिवसांपासून खलाशांकडून केली जात होती. प्रयागराज जिल्हा खलाशी संघटना आणि मेळा प्रशासन यांच्यातील बैठकीनंतर हा निर्णय घेण्यात आला, अशी माहिती अतिरिक्त जिल्हा दंडाधिकारी महाकुंभ विवेक चतुर्वेदी यांनी माध्यमांना दिली आहे. प्रयागराज जिल्हा खलाश संघटनेचे अध्यक्ष पप्पू लाल निषाद यांनी या निर्णयाचे स्वागत करत प्रशासनाचे आभार व्यक्त केले.

हे एक सकारात्मक पाऊल

'आम्ही प्रशासनाचे आभार व्यक्त करतो, बऱ्याच दिवसांपासून खलाशांचा विचार केला जात नव्हता, पण आता प्रशासनाने आमचा विचार केला आहे, हे एक सकारात्मक पाऊल आहे.' असं खलाशी युनियन म्हटलं आहे.

भाड्याची सुधारित यादी जारी केली जाईल

खलाशी नागरिकांकडून मनमानी भाडे आकारू नयेत, यासाठी प्रशासनाकडून यासंदर्भात भाडेवाढीची सुधारित यादी जारी करण्यात येणार आहे. तो मार्गदर्शक तत्त्वे देखील जारी करेल ज्यामध्ये खालील महत्वाचे मुद्दे असतील.

- महाकुंभाचे वातावरण प्रदूषित होऊ नये आणि रस्त्यांना अडथळा होऊ नये यासाठी वाहनांच्या हालचालींवर निर्बंध घालण्यात येणार आहेत.

- मोटारबोटींवरही बंदी घालण्यात येणार असून संगम पारंपारिक बोटी चालवण्यात येणार आहेत.

- उपविभागीय दंडाधिकारी महाकुंभ अभिनव पाठक म्हणाले की, सणासुदीच्या काळात बोटी चालवणे हे हवामान आणि गर्दीच्या परिस्थितीवर अवलंबून असेल.

- संगम येथे सध्या 1,455 बोटी धावत असून महाकुंभ दरम्यान त्यांची संख्या 4,000 पेक्षा जास्त होईल.

- परवाना मिळवण्यापूर्वी सर्व बोटींची सुरक्षा तपासणी केली जाईल.

- सर्व खलाशांना लाईफ जॅकेट दिले जातील. प्रत्येक खलाशीला 2 लाखांचे विमा संरक्षण मिळेल.