2024 मध्ये गुगलवर सर्वाधिक सर्च झालेले भारतीय कोण, जाणून घ्या- टॉप 10 लोकांची संपूर्ण यादी

Most Searched Indian In Google 2024 : वर्ष 2024 संपायला आता फक्त काही दिवस उरले आहेत. नवीन वर्षाचे स्वागत करण्यासाठी लोक आता सज्ज झालेले आहेत. अशातच गुगलने त्यांचा डाटा शेअर केला असून भारतात वर्ष 2024 मध्ये सर्वाधिक सर्च केलेल्या भारतीयांची यादी जाहीर केली आहे. 2024 मध्ये गुगलवर कोणत्या भारतीयाला सर्वाधिक सर्च केले गेले आहे. चला तर जाणून घेऊया टॉप 10 लोकांची नावे.

वास्तविक, जगातील सर्वात मोठे सर्च इंजिन गुगलने भारतात सर्वाधिक सर्च केलेल्या टॉप-10 लोकांची यादी जाहीर केली आहे. या यादीत सर्वाधिक सर्च करण्यात आलेली व्यक्ती विनेश फोगाट आहे. याशिवाय क्रीडा, राजकारण आणि मनोरंजन तसेच बिझनेस जगतातील लोकांची नावे यामध्ये आहेत.

Google Search च्या टॉप ट्रेंडमध्ये समाविष्ट असलेल्या टॉप 10 ची यादी जाणून घ्या..

विनेश फोगट

2024 मध्ये गुगलवर सर्वाधिक सर्च केल्या गेलेल्या भारतीय सेलिब्रिटींमध्ये पहिले नाव कुस्तीपटू विनेश फोगटचे आहे. वास्तविक, विनेश फोगटला पॅरिस ऑलिम्पिकमधील महिलांच्या 50 किलो फ्रीस्टाइलच्या अंतिम फेरीत केवळ 100 ग्रॅम वजनामुळे अपात्र ठरवण्यात आले होते. या घटनेमुळे विनेश फोगट सोशल मीडियावर ट्रेंड झाली. तसेच हरियाणा विधानसभा निवडणुकीत विनेश फोगट यांनी काँग्रेसमध्ये प्रवेश केला होता. जुलना मतदारसंघातून निवडणूक लढवून आमदार झाले.

नितीश कुमार

गुगल सर्चमध्ये बिहारचे मुख्यमंत्री नितीश कुमार दुसऱ्या क्रमांकावर आहेत. लोकसभा निवडणुकीपूर्वी नितीश कुमार यांनी आरजेडी सोडली आणि एनडीएमध्ये प्रवेश केला. यामुळे त्याला सोशल मीडियावर खूप ट्रोल करण्यात आले. यासोबतच नितीश कुमार यांनाही त्यांच्या वक्तव्यामुळे गुगलवर सर्च करण्यात आले.

चिराग पासवान

नितीश कुमार यांच्यानंतर आता चिराग पासवान आहेत. चिराग पासवान यांनी चित्रपटांमधून राजकारणात प्रवेश केला आणि लोकसभा निवडणुकीच्या वेळी ते चर्चेत होते. मोदी सरकारमध्ये त्यांना केंद्रीय मंत्री करण्यात आले. इतकेच नाही तर कंगना राणौतसोबतचा त्यांचा एक फोटोही व्हायरल झाला होता, त्यानंतर चिराग पासवानला गुगलवर खूप सर्च करण्यात आले.

हार्दिक पांड्या

या यादीत क्रिकेटपटू हार्दिक पांड्याचेही नाव आहे. हार्दिक पांड्याच्या चाहत्यांनी त्याला गुगलवर सर्वाधिक सर्च केले आहे. खरंतर, हार्दिक पांड्या 2024 मध्ये त्याच्या वैयक्तिक आयुष्यामुळे सर्वाधिक चर्चेत आहे. हार्दिक आणि नताशा स्टॅनकोविचचा घटस्फोट झाला, त्यामुळे तो चर्चेत राहिला. त्याने टी-20 विश्वचषकात चमकदार कामगिरी केली होती.

पवन कल्याण

अभिनेते बनलेले राजकारणी पवन कल्याण हे आंध्र प्रदेशचे उपमुख्यमंत्री आहेत. या वर्षी आंध्र प्रदेशमध्ये विधानसभा निवडणुका झाल्या, ज्यामध्ये पवन कल्याणच्या जनसेना पक्षाने चंद्राबाबू नायडू यांच्या टीडीपी आणि भाजपसोबत निवडणूक लढवली. निवडणूक जिंकल्यानंतर पवन कल्याण यांना आंध्र प्रदेशचे उपमुख्यमंत्री करण्यात आले.

शशांक सिंग

2024 च्या गुगल सर्च लिस्टमध्ये क्रिकेटर शशांक सिंगचे नाव देखील समाविष्ट आहे. 2024 साली झालेल्या आयपीएल सामन्यात शशांक सिंगने अप्रतिम फलंदाजी केली होती, त्याच्या फलंदाजीने सर्वांनाच आश्चर्याचा धक्का दिला होता.

पूनम पांडे

गुगलवर अशी कोणतीही सर्च लिस्ट असू शकत नाही ज्यामध्ये पूनम पांडेचे नाव नसेल. पूनम पांडेने २०१३ मध्ये नशा या चित्रपटातून बॉलिवूडमध्ये पदार्पण केले होते. ती इंडस्ट्रीत तिच्या चित्रपटांपेक्षा तिच्या वक्तव्यांमुळे आणि बोल्ड स्टाइलमुळे जास्त चर्चेत असते. तर 2024 मध्ये पूनम तिच्या खोट्या मृत्यूच्या बातमीमुळे खूप ट्रोल झाली होती. मात्र, नंतर पूनम पांडेच्या मृत्यूची बातमी खोटी असल्याचे सिद्ध झाले.

राधिका मर्चंट

2024 मध्ये गुगलवर राधिका मर्चंटला सर्वाधिक सर्च केले गेले आहे. वास्तविक, राधिका मर्चंटने याच वर्षी मुकेश अंबानी यांचा मुलगा अनत अंबानीसोबत लग्न केले. त्यांचे लग्न जगभर चर्चेचा विषय राहिले. या लग्नाला जगभरातील दिग्गजांनी हजेरी लावली होती. यामुळेच यंदा गुगलवर राधिका मर्चंटचे नाव अग्रस्थानी राहिले.

अभिषेक शर्मा

IPL 2024 मध्ये क्रिकेटर अभिषेक शर्माने अप्रतिम कामगिरी केली होती. या वर्षी त्याने भारतासाठी आंतरराष्ट्रीय क्रिकेटमध्ये पदार्पण केले. अभिषेक शर्मा त्याच्या फलंदाजी आणि तरुण फॅन फॉलोइंगसाठी खूप प्रसिद्ध झाला. याच कारणामुळे त्याला गुगलवर सर्वाधिक सर्च करण्यात आले आहे.

लक्ष्य सेन

उत्तराखंडमधील अल्मोडा येथील रहिवासी 23 वर्षीय सेन या वर्षी झालेल्या पॅरिस ऑलिम्पिक स्पर्धेत बॅडमिंटन पुरुष एकेरीच्या उपांत्य फेरीत पोहोचला होता. मात्र, उपांत्य फेरीतील पराभवामुळे त्याला कांस्यपदकापासूनही वंचित रहावे लागले.