सहीसाठी जबरदस्ती, सुनंदा पुष्कर प्रकरणात धमकी मिळाली; ललित मोदींचा सोनिया गांधी-शशी थरुरवर आरोप

Lalit Modi Attack on Shashi tharur : आयपीएलचे माजी आयुक्त ललित मोदी यांनी अलीकडेच एका पॉडकास्टमध्ये गांधी कुटुंब आणि शशी थरूर यांच्याबद्दल धक्कादायक खुलासा केला आहे. कोची IPL फ्रँचायझीमध्ये कोणतीही गुंतवणूक न करता 25% भागभांडवल देणाऱ्या कागदपत्रांवर स्वाक्षरी करण्यास भाग पाडण्यात आल्याचा आरोप त्यांनी केला. सोनिया गांधी यांच्या निवासस्थानातून आणि खुद्द थरूर यांच्याकडून धमक्या आल्याचा आरोप मोदींनी केला आहे.

ललित मोदींनी एका घटनेचा उल्लेख केला ज्यामध्ये त्यांनी सुनंदा पुष्कर यांना शेअर्स वाटपावर प्रश्न उपस्थित केले होते. ते म्हणाले की, मला काँग्रेस खासदार शशी थरूर यांचा धमकीचा फोन आला होता. मोदींच्या म्हणण्यानुसार, थरूर यांनी सुनंदा पुष्कर यांच्या करारातील सहभागावर प्रश्न उपस्थित केल्याबद्दल त्यांना ED, आयकर कारवाई आणि तुरुंगात टाकण्याची धमकी देण्यात आली होती.

सोनिया गांधींच्या निवासस्थानावरुन फोन आला

बीसीसीआयचे तत्कालीन प्रमुख शशांक मनोहर यांनी हस्तक्षेप केल्याने प्रकरण आणखी चिघळले. मोदी म्हणाले की, मनोहर यांना सोनिया गांधींच्या 10 जनपथ निवासस्थानातून अनेक फोन आले आणि रात्री करारावर स्वाक्षरी करण्यासाठी त्यांच्यावर दबाव आणला. मोदींनी नकार दिल्यावर मनोहर यांनी त्यांना नकार दिल्यास बडतर्फ करण्याची धमकी दिली.

गुंतवणुकीशिवाय मोठा नफा

युट्युबर राज शामनी यांच्याशी झालेल्या संभाषणात, ललित मोदींनी या घटनांची तपशीलवार माहिती शेअर केली आणि सांगितले की सुरुवातीला ते कागदपत्रांवर स्वाक्षरी करण्यास टाळाटाळ करत होते. त्याने पुनरुच्चार केला की संघाशी कोणताही संबंध नसतानाही सुनंदा पुष्कर यांना या कराराचा खूप फायदा झाला.

जाणून घ्या ललित मोदी काय म्हणाले?

ब्रॉडकॉस्टवर बोलताना ललित मोदी म्हणाले, मला कोची आयपीएल संघात 25% स्टेक देण्याच्या कागदपत्रांवर स्वाक्षरी करण्यास भाग पाडले गेले. शशी थरूर यांची पत्नी सुनंदा पुष्कर यांचा संघाशी काहीही संबंध नसतानाही. त्यावर सही करायला मी अजिबात तयार नव्हतो. यासाठी बीसीसीआय प्रमुखांना थेट सोनिया गांधी यांच्या घरातून धमकीचे फोन आले होते, त्यानंतर मलाही धमकी देण्यात आली होती.

मोदींनी दबावाला बळी पडून अनिच्छेने कागदपत्रांवर स्वाक्षरी केल्यानंतर लग्नाच्या बातमीने धक्का बसला, अशी धक्कादायक बातमी समोर आली आहे. शशी थरूर आणि सुनंदा पुष्कर यांच्या लग्नाच्या बातम्या वृत्तपत्रांच्या मथळ्यात झळकल्या. या खुलाशाने मोदी आश्चर्यचकित झाले, कारण त्यांना त्यांच्या नात्याबद्दल कोणतीही पूर्व माहिती नव्हती. आता ललित मोदींच्या आरोपानंतर भाजपही काँग्रेसवर हल्लाबोल करणारा ठरला आहे.