Kolkata Doctor Murder : 'प्राचार्य-वरिष्ठ डॉक्टरचा हत्येच्या कटात सहभाग', धक्कादायक ऑडिओ आला समोर

Kolkata Doctor Murder : कोलकात्याच्या आरजी कर मेडिकल कॉलेज आणि हॉस्पिटलमध्ये बलात्कार करून हत्या प्रकरणी एका महिला डॉक्टरने धक्कादायक खुलासा केला आहे. प्रशिक्षणार्थीवर डॉक्टरवर आधी प्राणघातक हल्ला झाला, त्यानंतर बलात्कार झाला आणि या हत्येत एका मुलीचाही सहभाग असल्याचा दावा त्यांनी केला आहे. कॉलेजचे प्राचार्य, एक वरिष्ठ डॉक्टर आणि संबंधित विभागाचे प्रमुख या कटात सामील असल्याची माहिती समोर आली आहे.

भाजपचे राष्ट्रीय माहिती आणि तंत्रज्ञान विभागाचे प्रभारी अमित मालवीय यांनी सोशल मीडिया प्लॅटफॉर्म X वर शेअर केलेली ऑडिओ क्लिप व्हायरल झाली आहे. या क्लिपमध्ये महिला डॉक्टरने प्रशिक्षणार्थी डॉक्टरांना टार्गेट करून प्राचार्य आणि इतर कर्मचाऱ्यांवर हातमिळवणी केल्याचा आरोप केला आहे. या डॉक्टरांना त्यांच्या इच्छेनुसार काम करण्यास भाग पाडले जाते आणि प्रबंध सादर करण्यासाठी त्रास दिला जात असल्याचे त्या म्हणाल्या.

वैद्यकीय महाविद्यालयातील कर्मचाऱ्यांवर आरोप

तिच्या ऑडिओ संदेशात महिला डॉक्टरने या घटनेवर आपला अविश्वास व्यक्त केला आहे. त्यांनी सांगितले की, पश्चिम बंगालच्या सरकारी वैद्यकीय महाविद्यालयांमध्ये प्राचार्य आणि विभागप्रमुख वेगवेगळ्या बहाण्याने विद्यार्थ्यांकडून पैसे उकळतात. पैसे न दिल्यास प्रबंध सादर करणार नाही, इंटर्नचे पूर्णत्वाचे प्रमाणपत्र देणार नाही आणि वैद्यकीय नोंदणी करून घेणार नाही, अशी धमकी ते विद्यार्थ्यांना देतात.

This viral audio clip in West Bengal lays open the rot in the healthcare system and RG Kar Medical College & Hospital, in particular.
All this is happening under Mamata Banerjee’s watch, who also happens to be the Health Minister.
Much of it has also been written about in the… pic.twitter.com/N4ZLShB24r

— Amit Malviya (@amitmalviya) August 15, 2024

महिला डॉक्टरांनी विशेषत: संदीप घोष यांचे नाव घेतले, ज्यांनी आरजी कार मेडिकल कॉलेजमधील या संबंधात महत्त्वाची भूमिका बजावली. तिने आरोप केला आहे की, हा गट सेक्स आणि ड्रग रॅकेट चालवत आहे. ज्यामध्ये इंटर्न आणि हाउस स्टाफचा समावेश आहे. विकल्या गेलेल्या औषधांमध्ये हेरॉईन, ब्राऊन शुगर आणि अगदी कमी किमतीच्या प्रिस्क्रिप्शन ड्रग्सचा समावेश आहे. या कामांसाठी कोटय़वधींच्या निविदा काढण्यात आल्या त्यातील मोठा हिस्सा पक्ष निधीत गेला.

पीडितेचा दुःखद अंत

पीडित महिला, प्रशिक्षणार्थी डॉक्टर असून, ती चांगली विद्यार्थिनी होती, तिला तिचा प्रबंध सादर करण्यावरून सतत धमक्या मिळत होत्या. महिला डॉक्टरांच्या म्हणण्यानुसार, त्यांनी या बेकायदेशीर कामांमध्ये गुंतलेल्यांचा पर्दाफाश करण्याचे ठरवले होते. तिच्या मृत्यूच्या सहा महिने आधी, विभाग प्रमुख, वरिष्ठ पीजीटी आणि परिचारिका प्रमुखांच्या सूचनेनुसार तिला सतत रात्रीच्या ड्युटीवर ठेवण्यात आले होते.

कोट्यवधी रुपये पक्ष निधीत जातात

या बेकायदेशीर कामांतर्गत औषध कंपन्यांकडून कोट्यवधी रुपयांची उधळपट्टी कशी झाली, हेही व्हायरल ऑडिओमध्ये सांगण्यात आले आहे. जमा झालेला पैसा पक्षाच्या निधीत वळवला गेला, जो व्यवस्थेत खोलवर रुजलेला भ्रष्टाचार दर्शवतो.

महिला डॉक्टरच्या या खुलाशामुळे लोकांमध्ये संतापाची लाट उसळली असून या आरोपांची सखोल चौकशी करण्याची मागणी होत आहे. अशा घृणास्पद कृत्यांमध्ये उच्च पदस्थ अधिकाऱ्यांच्या सहभागामुळे वैद्यकीय संस्थांमधील सुरक्षा आणि नैतिकतेबाबत गंभीर चिंता निर्माण झाली आहे.