'अनंत शस्त्र' क्षेपणास्त्र! शत्रूचा खात्मा करण्यासाठी आर्मीकडून मोठी खरेदी; जाणून घ्या डिटेल्स!

Anant Shastra missile deal : भारतीय लष्कराने आपल्या हवाई संरक्षण क्षमतांना बळ देण्यासाठी एक मोठी खरेदी प्रक्रिया सुरू केली आहे. लष्कर सरकारी मालकीच्या भारत इलेक्ट्रॉनिक्स लिमिटेडकडून ३०,००० कोटी रुपयांची QRSAM क्षेपणास्त्र प्रणाली खरेदी करणार आहे. ही प्रगत प्रणाली आता "अनंत शास्त्र" या नावाने ओळखली जाईल.

QRSAM: हवेतच शत्रूच्या क्षेपणास्त्राला नष्ट करण्याची क्षमता

उत्कृष्ट वेग

'अनंत शस्त्र' क्षेपणास्त्र प्रणाली शत्रूच्या क्षेपणास्त्रांवर इतर क्षेपणास्त्रांपेक्षा खूप वेगाने प्रतिहल्ला करते. शत्रूचे क्षेपणास्त्र जमिनीवर येऊन कोणतेही नुकसान करण्यापूर्वी, ही प्रणाली शत्रूच्या क्षेपणास्त्राला हवेतच नष्ट करते.

मारकरी क्षमता

संरक्षण संशोधन आणि विकास संस्थेने (DRDO) विकसित केलेल्या या QRSAM क्षेपणास्त्राची मारक क्षमता (Range) सुमारे ३० किलोमीटर आहे.

रेजिमेंट उभारणी

अधिकृत माहितीनुसार, लष्कराने या निविदेद्वारे किती क्षेपणास्त्रे खरेदी केली जातील हे उघड केलेले नाही, परंतु ३०,००० कोटी रुपयांच्या या व्यवहारामुळे लष्कर ५ ते ६ रेजिमेंट (Regiments) उभे करू शकेल, असा अंदाज आहे.

चीन आणि पाक सीमेवर 'अनंत शस्त्र' तैनात करण्याची तयारी

भारताच्या सीमा सुरक्षा धोरणात हा निर्णय अत्यंत महत्त्वाचा मानला जातो आहे. भारतीय सैन्य आता चीन आणि पाकिस्तानच्या सीमावर्ती भागांमध्ये ही QRSAM क्षेपणास्त्र प्रणाली तैनात करण्याची तयारी करत आहे.

ऑपरेशन सिंदूर दरम्यान झालेल्या एका घटनेचा या निर्णयामागे संदर्भ आहे. या ऑपरेशनमध्ये एक पाकिस्तानी फतह क्षेपणास्त्र हरियाणातील सिरसा हवाई तळावर पोहोचण्यात यशस्वी झाले होते. त्या काळात सिरसामध्ये एक पाकिस्तानी क्षेपणास्त्र हवेत पाडण्यात आले, तर दुसरे आदमपूरमध्ये रिकाम्या शेतात पडले.

पाकिस्तानी क्षेपणास्त्राने भारताचे कोणतेही मोठे नुकसान केले नसले तरी, भविष्यात कोणतीही क्षेपणास्त्रे सीमा ओलांडू नयेत यासाठी भारतीय सैन्य आता QRSAM क्षेपणास्त्र खरेदी करून आपली हवाई सुरक्षा भिंत अधिक मजबूत करत आहे.

सरकारी कंपनी BEL करणार उत्पादन!

DRDO ने विकसित केलेली QRSAM क्षेपणास्त्र प्रणाली सरकारी मालकीचे संरक्षण सार्वजनिक क्षेत्रातील युनिट (PSU) भारत इलेक्ट्रॉनिक्स लिमिटेड (BEL) द्वारे उत्पादित केली जाते. BEL ही प्रणाली 'अनंत शास्त्र' हवाई संरक्षण प्रणाली म्हणून लष्कराला पुरवणार आहे.

DRDO ची प्रगत चाचणी!

गेल्या महिन्यातच DRDO ने एअर डिफेन्स वेपन सिस्टम (IWS) ची यशस्वी चाचणी घेतली होती. या चाचणीत DRDO ने एकाच वेळी QRSAM, अ‍ॅडव्हान्स्ड व्हेरी शॉर्ट रेंज एअर डिफेन्स सिस्टम (VSHORAD) आणि हाय-पॉवर लेजर-आधारित डायरेक्ट एनर्जी वेपन चा एकत्रित वापर करून आपल्या प्रगत हवाई संरक्षण क्षमतांचे प्रदर्शन केले. 'अनंत शास्त्र' प्रणालीच्या समावेशामुळे भारताच्या हवाई सुरक्षेला अभूतपूर्व बळ मिळेल, यात शंका नाही.