CA विद्यार्थ्यांची प्रतीक्षा संपली! सप्टेंबरचा अंतीम निकाल आज जाहीर, निकाल कुठे आणि कसा तपासाल? वाचा

icai ca final inter foundation result september 2025 today out : इन्स्टिट्यूट ऑफ चार्टर्ड अकाउंटंट्स ऑफ इंडिया (ICAI) च्या सीए परीक्षा देणाऱ्या लाखो विद्यार्थ्यांची प्रतीक्षा आज, सोमवार, ३ नोव्हेंबर २०२५ रोजी संपली. जगातील सर्वात कठीण परीक्षांपैकी एक असलेल्या सीए फाउंडेशन, इंटरमीडिएट आणि अंतिम परीक्षांचे निकाल आज जाहीर झाले आहेत.

'चार्टर्ड अकाउंटंट' निकालासंदर्भात ICAI ने अधिकृतपणे ही घोषणा केली असून, विद्यार्थ्यांना आपला निकाल ऑनलाईन पद्धतीने तपासता येणार आहे. या निकालासोबतच, प्रत्येक टप्प्यातील ऑल इंडिया रँक धारकांची यादी आणि उत्तीर्ण होण्याची टक्केवारी देखील जाहीर केली जाईल. निकालाची वेळ आणि टप्पे ICAI ने तिन्ही स्तरांवरील निकाल जाहीर करण्यासाठी विशिष्ट वेळा निश्चित केल्या आहेत.

निकाल कुठे आणि कसा तपासाल?

• विद्यार्थी खालील अधिकृत संकेतस्थळांवर आपला निकाल तपासू शकतात.
• लॉगिन करण्यासाठी नोंदणी क्रमांक आणि रोल नंबर तयार ठेवा.

निकाल तपासण्यासाठी संकेतस्थळे

• icai.nic.in
• icai.org
• icaiexam.icai.org

निकाल तपासण्याची सोपी प्रक्रिया

१. ICAI च्या अधिकृत निकाल पोर्टलला (icai.nic.in) भेट द्या.

२. संबंधित निकालाच्या लिंकवर क्लिक करा

३. नवीन विंडोमध्ये तुमचा ६ अंकी रोल नंबर आणि नोंदणी क्रमांक किंवा पिन टाका.

४. स्क्रीनवर दिसणारा कॅप्चा कोड अचूक भरा.

५. 'Submit' (सबमिट) बटणावर क्लिक करा.

६. तुमचा निकाल स्क्रीनवर दिसेल. तो डाउनलोड करून प्रिंट काढून घ्या.

उत्तीर्ण होण्याचे निकष

• सीए फाउंडेशन, इंटर आणि फायनल परीक्षांमध्ये उत्तीर्ण होण्यासाठी ICAI ने निश्चित केलेले किमान गुण मिळवणे आवश्यक आहे.
• किमान गुण: प्रत्येक विषयात किमान ४० टक्के गुण आणि सर्व विषयांचे मिळून एकूण ५० टक्के गुण मिळवणे आवश्यक आहे.
• 'पास विथ डिस्टिंक्शन': फाउंडेशन परीक्षेत एकूण ७०% पेक्षा जास्त गुण मिळवणाऱ्या विद्यार्थ्यांना 'पास विथ डिस्टिंक्शन' असा विशेष दर्जा दिला जातो.

महत्त्वाचे अपडेट्स

• टॉपर्सची यादी: निकालासोबतच ऑल इंडिया रँक १, २ आणि ३ मिळवलेल्या विद्यार्थ्यांची नावे आणि गुणांसह गुणवत्ता यादी जाहीर केली जात आहे.
• पुढील नोंदणी: सप्टेंबर २०२५ परीक्षेचा निकाल जाहीर झाल्यानंतर, जानेवारी २०२६ मध्ये होणाऱ्या पुढील सीए परीक्षांसाठी नोंदणी प्रक्रिया देखील आजपासूनच (३ नोव्हेंबर) सुरू होण्याची शक्यता आहे.