कुंभमेळ्यातील आगीत किती झाली हानी..? मुख्यमंत्री योगी आदित्यनाथ घटनास्थळी दाखल; वाचा लेटेस्ट अपडेट

युपीतील प्रयागराज येथे सध्या महाकुंभमेळा सुरु आहे. कुंभमेळ्यातील काही तंबूत दुपारी अचानक आग लागली. तंबुतील गॅस सिलेंडरचा स्फोट होऊन ही आग लागली. त्यानंतर आसपासच्या तंबुतही आग लागली. एकामागून एक सिलेंडरचे स्फोट होत असल्याने आगीवर काबू मिळविण्यास बराच वेळ लागला. आता आगीच्या ठिकाणी मुख्यमंत्री योगी आदित्यनाथ तातडीने दाखल झाले आहेत.

मुख्यमंत्री घटनास्थळी

कुंभमेळ्यातील दोन-तीन तंबूतील गॅस सिलेंडरचा स्फोट झाला. त्यानंतर अचानक आग लागली. ही आग भयंकर होती. आगीत मनुष्यहानी झाली नसली तरी, मोठे नुकसान मात्र झाले. या घटनेनंतर तत्काळ मुख्यमंत्री योगी आदित्यनाथ घटनास्थळी दाखल झाले. त्यांनी सर्व परिस्थितीचा आढावा घेतला. अगदी काही वेळातच या आगीवर नियंत्रण मिळविण्यात प्रशासनाला यश आले.

किती झाले नुकसान?

प्राथमिक अहवालांनुसार, कॅम्प साइटवर आग लागली आणि त्या भागात बसवलेल्या अनेक तंबूंना या आगीने वेढले. आग विझवण्यासाठी अग्निशमन दलाच्या अधिकाऱ्यांना मदत करण्यासाठी एनडीआरएफचे एक पथकही घटनास्थळी दाखल झाले. आग विझवण्यासाठी स्थानिक प्रशासन, पोलीस आणि अग्निशमन दलाने शर्थीचे प्रयत्न सुरू केले आहेत. या आगीत १८ तंबूंना आग लागली असल्याचे समजते.

प्रशासन काय म्हणते?

उत्तर प्रदेशचे मुख्य अग्निशमन अधिकारी प्रमोद शर्मा यांनी एका वृत्तवाहिनीला दिलेल्या मुलाखतीत आगीची माहिती दिली. ते म्हणाले, सिलिंडरच्या स्फोटामुळे आग लागली. सेक्टर १९ मध्ये दोन-तीन सिलिंडरचा स्फोट झला. त्यामुळे कॅम्पमध्ये मोठी आग लागली. आगीवर नियंत्रण मिळण्यात आले आहे. सर्व लोक सुरक्षित आहेत आणि कोणीही जखमी झालेले नाही.

मेला प्रशासन को परिसर में लगी आग की जानकारी मिलते ही उसने अपनी त्वरित कार्रवाई और तत्परता से आग पर काबू पा लिया है।

सबकुछ पूर्व की तरह सामान्य है।

मेला प्रशासन के कुशल प्रबंधन ने बड़ी अनहोनी से बचा लिया है। मेला प्रशासन और फायर ब्रिगेड बधाई के पात्र हैं।

— MahaKumbh 2025 (@MahaaKumbh) January 19, 2025

अधिकृत माहितीही आली

महाकुंभ २०२५ च्या अधिकृत X हँडलने पोस्ट केले, "खूप दुःखद! महाकुंभला लागलेल्या आगीच्या घटनेने सर्वांनाच धक्का बसला आहे. प्रशासन तात्काळ मदत आणि बचाव कार्य करत आहे. आम्ही सर्वांच्या सुरक्षिततेसाठी माँ गंगाकडे प्रार्थना करतो. या पोस्टमध्ये बाधित भागातून काळ्या धुराचे दाट लोट उठत असलेला व्हिडिओ देखील शेअर करण्यात आला आहे. अग्निशमन दलाचे जवान अजूनही आग विझवण्याचा प्रयत्न करत असल्याचे दिसत आहे.