Har Ghar Tiranga 2025: हर घर तिरंगा मोहिमेत तुमचा फोटो कसा अपलोड करायचा, प्रमाणपत्र कसे मिळवाल? वाचा

Har Ghar Tiranga 2025 How to upload your photo : देशात 'हर घर तिरंगा' मोहिमेला सुरुवात झाली असून आजपासून पुढील तीन दिवस 13 ऑगस्ट ते 15 ऑगस्ट या दरम्यान तीन दिवस घरावर तिरंगा लावता येणार आहे. केंद्रीय गृहमंत्री आणि सहकार मंत्री अमित शहा यांनी आज नवी दिल्ली येथील त्यांच्या निवासस्थानी 'हर घर तिरंगा' मोहिमेअंतर्गत तिरंगा फडकावला.

एक्स प्लॅटफॉर्मवरील एका पोस्टमध्ये केंद्रीय गृहमंत्री आणि सहकार मंत्री अमित शहा म्हणाले की, पंतप्रधान नरेंद्र मोदी यांच्या नेतृत्वाखाली सुरू झालेले 'हर घर तिरंगा' अभियान आज देशाला एकतेच्या धाग्यात बांधण्यासाठी आणि देशभक्तीची भावना बळकट करण्यासाठी एक जन मोहीम बनली आहे. गृहमंत्र्यांनी सांगितले की, असंख्य स्वातंत्र्यसैनिकांनी त्यांच्या त्याग, तपस्या आणि समर्पणाद्वारे स्वतंत्र भारताचे स्वप्न साकार केले. या मोहीमद्वारे १४० कोटी देशवासीय विकसित आणि सर्वोत्तम भारतासाठी कटिबद्ध आहेत.

#WATCH | Union Home Minister Amit Shah hoists Tiranga at his residence in Delhi, under #HarGharTiranga campaign. pic.twitter.com/Brw0LzR2Rp

— ANI (@ANI) August 13, 2025

"हर घर तिरंगा" अभियान, भारत सरकारचा एक महत्त्वाचा उपक्रम असून या अभियानाचा उद्देश प्रत्येक भारतीयाने आपल्या घरात किंवा कार्यालयात राष्ट्रध्वज फडकावून देशभक्तीची भावना आणि अभिमान वाढवणे हा आहे. या मोहिमेचा एक महत्त्वाचा भाग म्हणजे तिरंग्यासह काढलेले आपले फोटो ऑनलाइन शेअर करणे हाही आहे. आज आपण ध्वजासह फोटो काढून तो अपलोड कसा करायचा आणि प्रमाणपत्र कसे मिळवायचे हे जाणून घेऊया.

हर घर तिरंगा अभियानात फोटो अपलोड करण्याची प्रक्रिया

• तुमचा फोटो अपलोड करण्याची प्रक्रिया खूप सोपी आहे आणि ती तुम्ही अधिकृत वेबसाइटद्वारे करू शकता.
• सर्वप्रथम तुम्हाला "हर घर तिरंगा" च्या अधिकृत वेबसाइटवर, म्हणजेच harghartiranga.com वर जावे लागेल. हे पोर्टल फोटो अपलोड आणि सर्टिफिकेट डाउनलोड करण्यासाठी खास तयार करण्यात आले आहे.
• वेबसाइटच्या होमपेजवर तुम्हाला "Upload a Selfie" किंवा असेच काहीतरी बटण दिसेल. वेबसाइट वापरण्यास सोपी असल्याने हा पर्याय लगेच लक्षात येईल.
• तुम्हाला फोटो अपलोड करण्यासाठी दोन मुख्य पर्याय मिळतील:
• "Click Picture" यावर क्लिक केल्यास तुमच्या डिव्हाइसचा कॅमेरा सुरू होईल आणि तुम्ही तिरंग्यासह थेट सेल्फी घेऊ शकता.
• "Browse Files" या पर्यायामुळे तुम्ही तुमच्या फोन किंवा कम्प्युटरमध्ये आधीपासूनच सेव्ह केलेला फोटो निवडू शकता.
• फोटो निवडल्यानंतर तुम्हाला तुमचे नाव आणि ठिकाण (पिन कोड) यांसारखी काही मूलभूत माहिती भरावी लागेल. सर्व माहिती भरल्यावर "Submit" बटणावर क्लिक करून तुमची प्रक्रिया पूर्ण करा.

फोटो अपलोड केल्यानंतर प्रमाणपत्र कसे मिळवाल?

• तुमचा फोटो यशस्वीरित्या अपलोड झाल्यावर तुम्हाला एक कन्फर्मेशन मेसेज येईल. त्यानंतर तुम्ही खालील गोष्टी करू शकता.
• इमेज डाउनलोड करा: तुम्ही तुमचा अपलोड केलेला फोटो डाऊनलोड करू शकता. या फोटोवर "हर घर तिरंगा" चा लोगो किंवा हॅशटॅग असू शकतो.
• या अभियानांतर्गत तुम्हाला सहभागाचे डिजिटल प्रमाणपत्र (Certificate) सुद्धा दिले जाते. तुम्ही हे प्रमाणपत्र PDF स्वरूपात डाउनलोड करू शकता. हे प्रमाणपत्र तुमच्या देशभक्तीचा अभिमान दर्शवते.

हरघर तिरंगा बद्दल महत्त्वाची माहिती

उद्देश: या मोहिमेचा मुख्य उद्देश प्रत्येक नागरिकाच्या मनात देशाभिमानाची भावना जागृत करणे आणि राष्ट्रध्वजाशी असलेले आपले नाते अधिक दृढ करणे आहे.

ध्वज संहिता: या अभियानात सहभागी होताना, ध्वज संहितेनुसार (Flag Code of India) तिरंग्याचा मान राखणे आणि योग्य पद्धतीने फडकावणे महत्त्वाचे आहे.

या सोप्या पायऱ्या वापरून तुम्ही "हर घर तिरंगा" मोहिमेत सहभागी होऊ शकता आणि हजारो भारतीयांसोबत देशाभिमानाचा हा उत्सव साजरा करू शकता.