महाकुंभात झळकले गोल्डन बाबा, संपूर्ण अंगावर सोन्याने दागिने, किंमत ऐकून तुम्हाला बसेल धक्का

Mahakumbh 2025 Golden Baba: प्रयागराजमध्ये होणाऱ्या हिंदूंच्या पवित्र धार्मिक महाकुंभ मेळ्यात देशभरातील साधू आणि संतांचे आगमन झाले आहे. ऋषी-मुनींचे अद्भुत रूप लोकांना आकर्षित करत आहे. "आयआयटी बाबा" नंतर आता महाकुंभात आलेले "गोल्डन बाबा" लोकांचे लक्ष वेधून घेत आहेत. त्याच्या अंगावर इतके सोने आहे की ते पाहून तुमचे डोळे विस्फारतील.

महाकुंभात आलेल्या बाबाच्या अंगावर खूप सारं सोनं आहे, त्यामुळे लोक त्यांना "गोल्डन बाबा" म्हणत आहेत. त्याचे फोटो आणि व्हिडिओ सोशल मीडियावर व्हायरल होत आहेत. चला जाणून घेऊया गोल्डन बाबा कोण आहेत आणि ते इतके सोन्याचे दागिने का घालत आहेत ?

कोण आहे हा "गोल्डन बाबा"?

महाकुंभात सुवर्ण बाबा म्हणून प्रसिद्ध असलेल्या या बाबाचे नाव एसके नारायण गिरी आहे. एसके नारायण गिरी महाराज निरंजनी आखाड्याशी संबंधित आहेत. सध्या ते दिल्लीत राहतात. पण मूळचे हे गोल्डन बाबा केरळचे आहेत. गोल्डन बाबांनी निरंजनी आखाड्याचे अध्यक्ष रवींद्र पुरी महाराज यांच्याकडून बाबा होण्याची दीक्षा घेतली आहे.

गोल्डन बाबाचं सोनं

सोन्याच्या दागिन्यांनी सजलेल्या गोल्डन बाबाने सोन्याचे घड्याळ, बांगड्या, अंगठ्या आणि गळ्यात अनेक हार घातले आहेत. त्याच्या सोन्याच्या काठीवर विविध देवी-देवतांचे लॉकेट आहेत.

67 वर्षीय गोल्डन बाबा यांचा दावा आहे की, त्यांनी घातलेले सोन्याचे दागिने हे दिखाव्यासाठी नाहीत तर ते त्यांच्या आध्यात्मिक जीवनाला आणि त्यांच्या गुरूंना समर्पित आहेत. गोल्डन बाबांनी सांगितले की, हे सर्व दागिने आणि लॉकेट त्यांच्या साधनेचे प्रतीक आहेत.

गोल्डन बाबांचा प्रत्येक रत्न त्यांच्या साधनेशी जोडलेला आहे

गोल्डन बाबा म्हणाले की, मला कोणी काहीही म्हटले तरी काही फरक पडत नाही, मी जे काही सोने घातले आहे ते साधनेशी संबंधित आहे. या प्रत्येक दागिन्यात आध्यात्मिक शक्ती आहे.

गोल्डन बाबाच्या मोबाईलचे कव्हरही सोन्याचे

गोल्डन बाबाकडे एक मोबाईल देखील आहे. या मोबाईलचे कव्हर ही सोन्याचे बनलेले आहे. एवढेच नाही तर ते घालतात त्या चष्म्याची फ्रेमही सोन्याची आहे.

या बाबाने याआधी किती सोने खरेदी केले आहे?

माध्यमांना दिलेल्या मुलाखतीत गोल्डन बाबाने स्वतः खुलासा केला की त्यांच्याकडे जे सोनं आहे. त्या सोन्याची किंमत 6 कोटी रुपये आहे.