Goa night club fire : गोवा नाईटक्लबला भीषण आग! सिलेंडर स्फोटात 23 जण ठार! आग कशामुळे लागली? वाचा

Goa night club fire : उत्तर गोव्यातील आरपोरा येथील सुप्रसिद्ध नाईटक्लब 'बर्च बाय रोमियो लेन' मध्ये काल ६ डिसेंबर रोजी रात्री उशिरा लागलेल्या भीषण आगीत २३ जणांचा दुर्दैवी मृत्यू झाला आहे. अधिकाऱ्यांनी दिलेल्या माहितीनुसार, या अपघातात जवळपास ५० हून अधिक लोक जखमी झाले असून, त्यांना तातडीच्या उपचारासाठी गोवा वैद्यकीय महाविद्यालयात दाखल करण्यात आले आहे.

प्राथमिक माहितीनुसार, मृतांमध्ये तीन ते चार पर्यटकांसह नाईटक्लबच्या १९ कर्मचाऱ्यांचा समावेश असल्याची पुष्टी झाली आहे. या घटनेमुळे संपूर्ण गोव्यावर शोककळा पसरली आहे.

स्वयंपाकघराजवळ सिलेंडर स्फोटाचा प्राथमिक अंदाज

गोवा पोलिसांनी दिलेल्या माहितीनुसार, मध्यरात्री सुमारे १:०० वाजता ही आग लागली. स्वयंपाकघराच्या जवळील गॅस सिलेंडरच्या स्फोटामुळे ही दुर्घटना घडल्याची शक्यता वर्तवली जात आहे. स्फोट इतका जोरदार होता की, काही सेकंदातच आगीच्या ज्वाला संपूर्ण इमारतीत पसरल्या आणि अनेकांना आत अडकवले.

तपास अधिकाऱ्यांच्या मते, क्लब बंद करण्याची आणि तयारीची कामे सुरू होती. यावेळी गॅस गळतीमुळे स्फोट झाला असावा, असा प्राथमिक अंदाज आहे. मृतांचे मृतदेह शवविच्छेदनासाठी पाठवण्यात आले आहेत आणि जखमींच्या प्रकृतीची माहिती गोळा करण्याचे काम सुरू आहे.

दोन तास बचावकार्य; तपासणीचे आदेश

आग आटोक्यात आणण्यासाठी अग्निशमन दलाच्या गाड्यांनी सुमारे दोन तास काम केले. रात्रभर बचाव पथकाचे काम सुरू होते. पोलीस महासंचालकांनी (DGP) सांगितले की, या दुर्घटनेमागील नियमांचे उल्लंघन तपासण्यासाठी अग्निसुरक्षा उपाययोजना, गॅस लाइन प्रणाली आणि आपत्कालीन बाहेर पडण्याच्या मार्गांची तपासणी केली जाईल. पोलिसांनी नाईटक्लब सील केला असून, क्लब मालक आणि व्यवस्थापन संघाची चौकशी सुरू आहे.

राष्ट्रपती, पंतप्रधानांकडून तीव्र दुःख व्यक्त

या दुःखद घटनेबद्दल राष्ट्रपती द्रौपदी मुर्मू यांनी शोक व्यक्त केला आहे. "उत्तर गोवा जिल्ह्यात लागलेल्या आगीमुळे मौल्यवान जीव गमवल्याने मला खूप दुःख झाले आहे," असे त्यांनी म्हटले. "दुःख झालेल्या कुटुंबियांप्रति माझ्या मनःपूर्वक संवेदना. या कठीण काळात त्यांना शक्ती मिळो. जखमींच्या त्वरित बरे होण्यासाठी मी प्रार्थना करते," असेही त्या म्हणाल्या.

President of India tweets, "Deeply pained by the tragic fire incident in North Goa district resulting in the loss of precious lives. My heartfelt condolences to the bereaved families. May they find strength during this difficult time. I pray for the speedy recovery of those… pic.twitter.com/xoAylctk2a

— ANI (@ANI) December 7, 2025

पंतप्रधान नरेंद्र मोदी यांनीही या आपत्तीवर शोक व्यक्त केला. "आरपोरा, गोवा येथील आगीची दुर्घटना खूप दुःखद आहे. ज्यांनी आपले प्रियजन गमावले, त्यांच्याबद्दल माझ्या संवेदना आहेत. जखमींनी लवकर बरे व्हावे. मी गोव्याचे मुख्यमंत्री डॉ. प्रमोद सावंत यांच्याशी परिस्थितीबद्दल बोललो आहे. राज्य सरकार बाधितांना सर्वतोपरी मदत करत आहे," असे त्यांनी सांगितले.

Goa CM Pramod Sawant tweets, "Prime Minister Narendra Modi spoke to me regarding the tragic fire incident at Arpora, and I apprised him of the current situation on the ground. The Government of Goa is extending all assistance to the affected families during this difficult time" pic.twitter.com/1fBpCOa2qC

— ANI (@ANI) December 7, 2025

गोव्याचे मुख्यमंत्री डॉ. प्रमोद सावंत यांनी हा दिवस राज्यासाठी अत्यंत वेदनादायक असल्याचे सांगून, सुरक्षा नियमांचे आणि बांधकाम मार्गदर्शक तत्त्वांचे पालन झाले होते की नाही, याची सखोल चौकशी करण्याचे आदेश दिले आहेत. या दुर्घटनेमुळे गोव्यातील मनोरंजन स्थळांवरील सुरक्षा नियमांच्या कठोर अंमलबजावणीची मागणी पुन्हा एकदा जोर धरू लागली आहे.

#WATCH | Arpora, Goa | A local says, "When I was heading home, I heard an explosion. Later, we saw ambulances arriving at the spot. When we reached the location, we saw that the incident had already occurred" https://t.co/ILHAyzftKA pic.twitter.com/ulvtVfvmld

— ANI (@ANI) December 7, 2025