धक्कादायक..! भाजपच्या आमदारावर गोळीबार, पत्नीसोबत वाँकिंग करत असताना घडली घटना

उत्तर प्रदेशातील लखीमपूरचे भाजप आमदार सौरभ सिंग यांच्यावर गोळीबार करण्याची घटना समोर आली आहे. सौरभ सिंग हे कास्ता विधानसभा मतदारसंघाचे आमदार आहेत. सोमवारी रात्री उशिरा त्यांच्यावर लखीमपूर खेरी येथील शिव कॉलनी परिसरात गोळीबार झाल्याची घटना समोर आली. वडील आणि माजी राज्यसभा खासदार जुगल किशोर यांच्यासोबत ते येथे राहतात. घराजवळच त्यांच्यावर गोळीबार झाल्याने एकच खळबळ उडाली आहे.

काय म्हणाले सौरभ सिंग?

आपल्यावरील गोळीबाराची माहिती देताना आमदार सौरभ सिंग म्हणाले की, नेहमीप्रमाणे ते पत्नीसोबत जेवण करून घराबाहेर फिरायला गेले होते. यावेळी त्यांना घरापासून सुमारे 100 मीटर अंतरावर दोन तरुण दारू पिताना दिसले. त्यांनी तरुणांना अडवल्यानंतर दोघांनी त्यांच्याशी वाद घालण्यास सुरुवात केली. यानंतर तरुणांनी पिस्तूल काढून हवेत गोळीबार केला. त्यानंतर दोघेही दुचाकीवरून घटनास्थळावरून पळून गेले.

काय केला आरोप?

आमदार सौरभ सिंह यांनी या घटनेला हत्येचा प्रयत्न असल्याचे म्हटले आहे. ते म्हणतो की, या घटनेत त्याला टार्गेट करण्यात आले. मी रोज संध्याकाळी फिरायला जातो, हे अनेकांना माहिती आहे. घटनेच्या वेळी त्यांचा बाँडीगार्ड काही अंतरावर होता, त्यामुळे मोठी दुर्घटना टळली. आमदाराने सांगितले की, परिसराचा दौरा केल्यानंतर ते रात्रीचे जेवण करून घरी परततात आणि दररोज पत्नीसोबत फिरायला जातात. आ. सौरभ सिंग हे सोमवारी जेवण करून फिरायला बाहेर पडले. घरापासून 100 मीटर अंतरावर आले असता त्यांना दोन मुले दारू पिताना दिसली. त्यानी दोन्ही मुलांना अडवल्यावर त्यांच्यात हाणामारी सुरू झाली. एका मुलाने पिस्तूल काढले. दोघांनी गोळीबार करून दुचाकीवरून पळ काढला.

पोलिसांचा तपास सुरू

घटनेची माहिती मिळताच पोलिसांनी तत्काळ घटनास्थळ गाठले. पोलिसांनी तत्काळ परिसरातील सीसीटीव्ही फुटेज गोळा करण्याचे काम सुरु केले आहे. सध्या दोन्ही तरुणांची ओळख पटलेली नाही. लखीमपूर खेरी येथील सदर कोतवाली परिसरात घडलेल्या या घटनेने परिसरात खळबळ उडाली आहे. लवकरच आरोपींना अटक करण्यात येईल, असे पोलीस प्रशासनाचे म्हणणे आहे. या घटनेनंतर स्थानिक जनता आणि भाजप कार्यकर्त्यांमध्ये संतापाचे वातावरण आहे.