Delhi Election : 'या' सर्वेने सगळ्यांनाच चक्रावले; एकाच पार्टीचा दाखवला एकतर्फी विजय

दिल्ली विधानसभा निवडणुकीसाठी अवघे काही दिवस शिल्लक आहेत. दिल्लीत यावेळी तिरंगी लढत होत असल्याने चुरस वाढली आहे. आम आदमी पार्टी (आप), भारतीय जनता पक्ष (भाजप) आणि काँग्रेस यांच्यात मुख्य लढत आहे. निवडणुकीपूर्वी विविध पक्षांच्या स्थितीचा ओपिनियन पोलच्या माध्यमातून अंदाज लावला जात आहे.

इंडिया डेली लाइव्हने नुकत्याच केलेल्या सर्वेक्षणात आम आदमी पक्षाचे दिल्लीत पुन्हा सरकार स्थापन होण्याची शक्यता व्यक्त करण्यात आली आहे. सर्वेक्षणानुसार यावेळीही आम आदमी पक्षाला बहुमत मिळण्याची शक्यता आहे. मात्र, भाजप आणि काँग्रेसही सातत्याने आपला दावा मजबूत करत आहेत. इंडिया डेली लाईव्हच्या सर्वेक्षणातून समोर आले आहे की, दिल्लीतील लोकांमध्ये आम आदमी पार्टीला प्रचंड पाठिंबा मिळत आहे. मोफत वीज, पाणी, शिक्षण आणि आरोग्य क्षेत्रातील सुधारणा या पक्षाच्या लोककल्याणकारी योजनांबद्दल लोक समाधानी आहेत. त्यामुळेच अनेक भागात आम आदमी पक्षाची पकड मजबूत आहे.

कोणाला किती जागा?

आम आदमी पार्टी (आप): 50-55 जागा
भारतीय जनता पार्टी (भाजप): 15-20 जागा
काँग्रेस: ​​00 जागा
इतर: 00 जागा

कोणाला किती टक्के मते?

आप: 51.2%
भाजप: 41.8%
काँग्रेस: ​​4%
इतर: 2.9%

भाजपचे निवडणूक मुद्दे

यावेळी कठोर नेतृत्व आणि सुरक्षेच्या मुद्द्यांसह भाजप निवडणुकीच्या मैदानात उतरला आहे. देशाच्या सुरक्षेबाबत आम्ही खूप गंभीर आहोत आणि कठोर निर्णय घेण्यास सक्षम आहोत याच मुद्यावर भाजप यावेळी निवडणुकीत उतरला आहे. पक्षाचे म्हणणे आहे की, त्यांच्या सरकारने शांतता आणि सुरक्षेच्या बाबतीत केलेले काम दिल्लीसाठीही महत्त्वाचे आहे. निवडणुकीच्या मुद्द्यांवर त्यांचा ठाम दृष्टिकोन आणि निर्णय घेण्याची क्षमता लोकांना आकर्षित करेल, असे भाजपला वाटते.

काँग्रेसचीही जोरदार तयारी

काँग्रेसनेही यावेळेस आपले जुने दिवस परत येण्यासाठी काही नवीन रणनीती अवलंबल्याचे दिसत आहे. मात्र आजपर्यंत पक्षाला लोकांमध्ये फारसे आकर्षण निर्माण करता आलेले नाही. निवडणुकीला अवघे काही दिवस उरले आहेत, मात्र जनमत चाचण्यांमध्ये आम आदमी पक्षाचे सरकार स्थापन होण्याची शक्यता पाहता दिल्लीत पुन्हा एकदा राजकीय हालचालींना वेग आला आहे.