CJI BR Gavai shoe throw attempt : खळबळजनक! सरन्यायाधीश बी.आर. गवई यांच्यावर बूट फेकण्याचा प्रयत्न!

CJI BR Gavai shoe throw attempt : भारताचे मुख्य न्यायाधीश आणि महाराष्ट्राचे सुपूत्र (CJI) बी.आर. गवई यांच्यावर आज सोमवार, 6 ऑक्टोबर 2025 सर्वोच्च न्यायालयाच्या कोर्ट रूममध्ये एका वकिलाने बूट फेकण्याचा धक्कादायक प्रयत्न केल्याची मोठी बातमी समोर आली आहे. वनइंडिया हिंदीने यासंदर्भात वृत्त दिले आहे. कोर्टाचे कामकाज सुरू असताना अचानक झालेल्या या अप्रिय घटनेने एकच खळबळ उडाली. मात्र, सुरक्षा कर्मचाऱ्यांनी कमालीची तत्परता दाखवत, लगेचच आरोपी वकिलाला ताब्यात घेतले.

'सनातन'च्या मुद्द्यावरून घोषणाबाजी

वकिलाला ताब्यात घेतले जात असताना त्याने "सनातन का अपमान नहीं सहेगा हिंदुस्तान" अशा जोरदार घोषणा दिल्या. प्राथमिक माहितीनुसार, वकिलाचे हे कृत्य लॉर्ड विष्णू यांच्याशी संबंधित एका खटल्यात CJI गवई यांनी केलेल्या कथित टिप्पणीच्या निषेधार्थ होते. वकिलाच्या या घोषणांवरून हा हल्ला धार्मिक भावनांतून प्रेरित असल्याचा कयास आहे.

सुरक्षिततेवर प्रश्नचिन्ह, बुट फेकण्याचा उद्देश काय?

सर्वोच्च न्यायालयासारख्या अत्यंत सुरक्षित परिसरात झालेली ही घटना सुरक्षा व्यवस्थेबद्दल गंभीर प्रश्न निर्माण करते. पोलिसांनी या घटनेची गंभीर दखल घेतली असून, आरोपी वकिलाची कसून चौकशी सुरू आहे. या कृत्यामागील नेमके कारण आणि वकिलाचा उद्देश काय होता, याचा शोध घेतला जात आहे.

#WATCH | Delhi: Advocate Rohit Pandey, former secretary of the Supreme Court Bar Association, says, "Today's incident is a very sad one. If a lawyer has committed or attempted to commit assault in a court, we strongly condemn it. He is a member of our bar. We recently inquired… pic.twitter.com/XX8235hQvk

— ANI (@ANI) October 6, 2025

सुप्रीम कोर्ट बार असोसिएशनचे माजी सचिव अ‍ॅडव्होकेट रोहित पांडे म्हणाले, "आजची घटना अत्यंत दुःखद आहे. जर एखाद्या वकिलाने न्यायालयात हल्ला केला असेल किंवा हल्ला करण्याचा प्रयत्न केला असेल तर आम्ही त्याचा तीव्र निषेध करतो. तो आमच्या बारचा सदस्य आहे. आम्ही अलीकडेच चौकशी केली आणि आम्हाला कळले की तो २०११ च्या बारचा सदस्य आहे. पण ही एक अतिशय दुःखद घटना आहे. भगवान विष्णू प्रकरणाच्या प्रकरणात सरन्यायाधीशांनी केलेल्या टिप्पणीच्या आधारे त्याने हा प्रयत्न केला. ही एक अतिशय दुःखद घटना आहे. आम्ही याचा तीव्र निषेध करतो आणि जर ही घटना खरी असेल तर कारवाई केली पाहिजे."