Chandra grahan 2025: या वर्षातील दुसरे चंद्रग्रहण कधी; भारतात दिसणार का? तारिख अन् वेळ घ्या जाणून

Chandra grahan 2025 date and time : दरवर्षी अनेक खगोलीय घटना घडतात, त्यातील मुख्य म्हणजे ग्रहण. सूर्य आणि चंद्रग्रहण दरवर्षी होतात आणि 2025 मध्येही होणार आहेत. या वर्षात दोन चंद्रग्रहण आहेत, त्यापैकी एक होळीच्या दरम्यान झाले तर आता दुसरे चंद्रग्रहण या वर्षातील पुढील काही महिन्यांत असेल.

चंद्रग्रहण असो की, सूर्यग्रहण याला खगोलीय महत्व जेवढे आहे तेवढेत महत्व धार्मिकदृष्ट्या मानले जाते. सांगायचे झाले तर, 2025 मध्ये चार ग्रहणे होत आहेत, ज्यात दोन चंद्रग्रहण आणि दोन सूर्यग्रहणांचा समावेश आहे. मात्र यापैकी फक्त एकच ग्रहण भारतात दिसणार आहे, बाकीचे ग्रहण भारतात दिसणार नाही. भारतात दिसणारे ग्रहण हे संपूर्ण चंद्रग्रहण असेल जे 7-8 सप्टेंबरच्या मध्यरात्री होणार आहे.

2025 वर्षातील दुसरे चंद्र ग्रहण कधी?

2025 वर्षातील दुसरे चंद्र ग्रहण हे संपूर्ण चंद्रग्रहण असेल आणि संवत 2082 भाद्रपद शुक्ल पौर्णिमा रविवार दिनांक 7-8 सप्टेंबर 2025 रोजी ते होणार आहे. हे चंद्रग्रहण हे भारतात दिसणार आहे.

भारतात दिसणारे चंद्रग्रहणाची वेळ काय?

संपूर्ण चंद्रग्रहण विक्रम संवत 2082 भाद्रपद शुक्ल पौर्णिमा रविवार, 7-8 सप्टेंबर 2025 रात्री, हे चंद्रग्रहण संपूर्ण भारतात दिसेल.

चंद्रग्रहण प्रारंभ 7 सप्टेंबर रोजी रात्री 9 वाजून 58 मिनिटांनी होणार आहे. हे पुर्ण चंद्रग्रहण होणार आहे.

चंद्रग्रहणाचा सुतक काळ कधी सुरु आणि समाप्त होणार?

7 सप्टेंबरला दुपारी 12 वाजून 35 मिनिटांनी सुरु होईल.

चंद्रग्रहणाचा सुतककाळ समाप्ती 8 सप्टेंबर रोजी रात्री 1 वाजून 26 मिनिटांनी होईल.

2025 वर्षातील दुसरे सूर्यग्रहण कधी?

2025 वर्षातील दुसरे सूर्यग्रहण हे संपूर्ण सूर्यग्रहण आहे आणि ते संवत 2082 आश्विन कृष्ण अमावस्या रविवार, दिनांक 21 सप्टेंबर 2025 रोजी दिसणार आहे. हे सूर्यग्रहण भारतात दिसणार नाही.

सुतक काळात काय करावे काय नको?

• सुतक कालावधी सुरू होताच, खाणे, झोपणे आणि इतर सांसारिक सुखांचा त्याग केला पाहिजे.
• ग्रहण काळात एखाद्याने आपल्या इष्टदेवाची पूजा करावी.
• लहान मुले, वृद्ध, आजारी व्यक्ती आणि चिंताग्रस्त व्यक्ती ग्रहण सुरू होण्याच्या पाच तास आधी आवश्यकतेनुसार सात्विक अन्नपदार्थांचे सेवन करू शकतात.
• ग्रहण काळात आपल्या आवडत्या देवतेची पूजा करावी.
• सात्विक अन्न सेवन करता येते. मध्यरात्री 1.27 नंतर, गंगा, यमुना, नर्मदा, क्षिप्रा इ. आणि इतर नद्या, तलाव आणि जलाशयांच्या पवित्र पाण्याने (ग्रहणकाळात परिधान केलेल्या सर्व कपड्यांसह) स्नान करा आणि चंद्राची शुद्ध प्रतिमा पहा.
• ग्रहण संपल्यानंतर शुद्ध सात्विक अन्नाचे सेवन करता येते.