ईडीनंतर भूपेश बघेल यांच्या घरावर सीबीआयची छापेमारी, रायपूर आणि भिलाई येथे केली कारवाई

Chhattisgarh News: छत्तीसगडचे माजी मुख्यमंत्री आणि काँग्रेस नेते भूपेश बघेल यांच्या अडचणीत वाढ झाली आहे. बुधवारी केंद्रीय अन्वेषण ब्युरो (सीबीआय) चे एक पथक बघेल यांच्या रायपूर येथील निवासस्थानी छापा टाकण्यासाठी पोहोचले आहे. आयपीएस अधिकारी आरिफ शेख यांनी बघेल यांच्या निवासस्थानी छापा टाकला आहे.

बेटिंग अॅपशी संबंधित कथित आर्थिक अनियमिततांवर सतत कारवाई केली जात आहे. आज सीबीआयने महादेव बेटिंग अॅप प्रकरणाचा तपास अधिक तीव्र केला आहे, ज्यामध्ये हजारो कोटी रुपयांच्या फसवणुकीचा समावेश आहे. सीबीआयने रायपूर आणि भिलाईमधील अनेक ठिकाणी छापे टाकले आहेत. यात माजी मुख्यमंत्री भूपेश बघेल यांच्या निवासस्थानाचा समावेश आहे. अंमलबजावणी संचालनालयाने (ईडी) केलेल्या अशाच कारवाईनंतर सीबीआयकडून ही कारवाई करण्यात आली आहे.

बुधवारी सकाळी सीबीआयचे अधिकारी माजी मुख्यमंत्री बघेल यांच्या निवासस्थानी पोहोचले आणि त्यांनी छापे टाकून वस्तूंची चौकशी सुरू केली. विविध खेळ आणि निवडणुकांवर बेकायदेशीर सट्टेबाजीसाठी ओळखले जाणारे महादेव बेटिंग अॅप फसव्या कारवायांचे केंद्र बनले आहे.

या अॅपची पोहोच झपाट्याने वाढली. सर्वाधिक खाते नोंदणी प्रामुख्याने छत्तीसगडमध्ये झाली आहे. त्यात पोकर आणि पत्ते खेळ यांसारखे लाईव्ह गेम उपलब्ध होते. परंतु बेकायदेशीर कारवायांना चालना देणारा पैलू, विशेषतः क्रिकेट, बॅडमिंटन, टेनिस, फुटबॉल आणि अगदी निवडणुकांसारख्या खेळांवर सट्टेबाजीचा पैलू होता.

आता सीबीआय आली आहे...

भूपेश बघेल यांच्या कार्यालयाने सोशल मीडिया पोस्टमध्ये म्हटले आहे की, "आता सीबीआय आली आहे. ८ आणि ९ एप्रिल रोजी अहमदाबाद (गुजरात) येथे होणाऱ्या एआयसीसी बैठकीसाठी स्थापन केलेल्या "मसुदा समिती" च्या बैठकीसाठी माजी मुख्यमंत्री भूपेश बघेल आज दिल्लीला जाणार आहेत. त्याआधीच, सीबीआय रायपूर आणि भिलाई येथील निवासस्थानी पोहोचली आहे, असं या ट्टिटमध्ये म्हटलं आहे.

अब CBI आई है.

आगामी 8 और 9 अप्रैल को अहमदाबाद (गुजरात) में होने वाली AICC की बैठक के लिए गठित “ड्राफ़्टिंग कमेटी” की मीटिंग के लिए आज पूर्व मुख्यमंत्री भूपेश बघेल का दिल्ली जाने का कार्यक्रम है.

उससे पूर्व ही CBI रायपुर और भिलाई निवास पहुँच चुकी है.

(कार्यालय-भूपेश बघेल)

— Bhupesh Baghel (@bhupeshbaghel) March 26, 2025