क्षणात धाड्धाड् कोळली इमारत! सुरत दुर्घटनेत 7 ठार, अनेकजण ढिगाऱ्याखाली अडकले

Surat Building Collapse : शनिवारी मुसळधार पावसामुळे सुरतमधील बहुमजली इमारत एका क्षणात धाड्धाड् कोसळली. या दुर्घटनेत आतापर्यंत 7 जणांचा मृत्यू झाला. गंभीर बाब म्हणजे अनेक लोक ढिगाऱ्याखाली दबल्याची भीती व्यक्त करण्यात येत आहे.

गेल्या 12 तासांपासून येथे बचावकार्य सुरू आहे. विशेष म्हणजे ही इमारत 2016 -17 या काळात बांधण्यात आली होती. इमारत कोसळल्यानंतर झालेल्या दुर्घटनेत एका महिलेला तातडीने बाहेर काढण्यात आले, तर रात्री उशिरा अन्य तीन जणांचे मृतदेह बाहेर काढण्यात आले. या घटनेनंतर पोलिस आयुक्त अनुपम सिंह गेहलोत माध्यमांशी बोलताना म्हणाले की, बचावकार्य सुरू आहे, लोकांना सर्वतोपरी मदत केली जात आहे.

#WATCH | Gujarat: Surat DCP Rajesh Parmar says, "Rescue operation has been going on for 12 hours. One woman has been saved and 7 dead bodies have been recovered and sent for post-mortem... We are clearing the debris..." https://t.co/HVUp7jB6ro pic.twitter.com/609Qf7wYUt

— ANI (@ANI) July 7, 2024

अनेक लोक दबले, बचावकार्य सुरू

सुरतच्या सचिन भागात एक बहुमजली इमारत कोसळल्याने अनेक लोक मलब्यात अडकले आहेत. दुर्घटनेची माहिती मिळताच पोलीस आणि अग्निशमन दलाचे पथक घटनास्थळी पोहोचले. एसडीआरएफ, एनडीआरएफ, अग्निशमन दलाचे जवानही घटनास्थळी पोहोचले असून बचावकार्य सुरू आहे. आज सकाळी पोलिसांनी सांगितले की, ढिगाऱ्याखालून तीन मृतदेह बाहेर काढण्यात आले आहेत, तर सहा जण अजूनही आत अडकले आहेत. बचाव कार्याच्या सुरुवातीला आत अडकेलेल्या लोकांकडून मदतीसाठी आवाज येत होता.

या घटनेत ढिगाऱ्याखाली दबलेल्या महिलेला बाहेर काढण्यात यश आले आहे. उर्वरित लोकांनाही बाहेर काढण्याचे प्रयत्न सुरू आहेत. या इमारतीत 30 फ्लॅट होते, त्यापैकी 4-5 फ्लॅटमध्ये लोक राहत होते, उर्वरित फ्लॅट्स रिकामे होते. रिपोर्ट्सनुसार, अनेक लोक काम करत होते, तर काही झोपले असताना ते आत अडकले. विशेष म्हणजे ही इमारत 2016 -17 या काळात बांधण्यात आली होती.