धक्कादायक! विमानांना बॉम्बने उडवण्याचे सत्र थांबेना,आजही 27 विमानांना इशारा, उदयपूरात प्रवाशी उतरवले

देशांतर्गत व आंतरराष्ट्रीय स्तरावर उड्डान घेणाऱ्या विमानांना बॉम्बने उडवून घेण्याची धमकी देण्याचे सत्र अद्यापही थांबलेले नाही. विशेष म्हणजे केंद्रसरकारच्या वतीने सोशल मिडिया प्लॅटफॉर्म कंपन्यांना सूचना देखील दिलेले आहेत. परंतु, सोशल मीडियावरुन अज्ञाताकडून धमक्यांचे सत्र काही केल्या थांबेना. आज शुक्रवारी (दि.25) रोजी देखील 27 विमानांना बॉम्बने उडवून देण्याच्या धमक्या मिळाल्या आहेत. यात इंडिगो, स्पाइसजेट, एअर इंडिया कंपन्यांचा समावेश आहे.

मिळालेल्या माहितीनुसार, शुक्रवारी 27 फ्लाइट्सवर बॉम्बच्या धमक्या आल्या होत्या. मीडिया रिपोर्ट्सनुसार, इंडिगो, विस्तारा आणि स्पाइसजेटच्या प्रत्येकी 7 फ्लाइट्स, तर एअर इंडियाच्या 6 फ्लाइट्सना धमक्या आल्या आहेत.

बॉम्बच्या धमक्या मिळालेल्या सातपैकी 6 इंडिगो फ्लाइट्समध्ये 6E 2099 (उदयपूर ते दिल्ली), 6E 11 (दिल्ली ते इस्तंबूल), 6E 58 (जेद्दा ते मुंबई), 6E 17 (मुंबई ते इस्तंबूल), 6E 108 (हैदराबाद ते चंदिगड) यांचा समावेश आहे. आणि 6E 133 (पुणे ते जोधपूर).

उदयपूरमध्ये विमानातील प्रवाशांना उतरवले...!

उदयपूरहून दिल्लीला जाणाऱ्या फ्लाइट 6E 2099 ला टेक ऑफच्या 10 मिनिटे आधी धमकी मिळाली, त्यानंतर विमानातील प्रवाशांना खाली उतरवण्यात आले. फ्लाइटच्या आत आणि प्रवाशांच्या बॅगा तपासल्या. बॉम्बचा इशारा खोटा असल्याचे निष्पन्न झाल्यानंतर 3.5 तासांनंतर विमान रवाना करण्यात आले.

12 दिवसांत 280 हून अधिक विमानांना धमकी

दुसरीकडे, गेल्या 12 दिवसांत 280 हून अधिक भारतीय विमानांना बॉम्बच्या धमक्या मिळाल्या आहेत. सोशल मीडियाच्या माध्यमातून सर्वाधिक धमक्या देण्यात आल्या आहेत. केंद्र सरकारने सोशल मीडिया प्लॅटफॉर्म Meta आणि X यांना बनावट बॉम्बच्या धमकीच्या संदेशांचा डेटा शेअर करण्यास सांगितले आहे.

केंद्राने एक्स-मेटाला फटकारले

23 ऑक्टोबर रोजीच, आयटी मंत्रालयाने सोशल मीडिया प्लॅटफॉर्म X, मेटा आणि एअरलाइन कंपन्यांसोबत या धमक्यांबाबत आभासी बैठक घेतली होती. सरकारने सोशल मीडिया कंपन्यांना विचारले होते की, 'या धोकादायक अफवांचा प्रसार रोखण्यासाठी तुम्ही काय केले? तुम्ही गुन्ह्याला प्रोत्साहन देत आहात हे या परिस्थितीवरून दिसून येते.

21 ऑक्टोबर रोजी नायडू म्हणाले होते की फ्लाइटमध्ये बॉम्बची धमकी देणाऱ्यांची नावे 'नो फ्लाय लिस्ट'मध्ये समाविष्ट केली जाऊ शकतात. सरकार विमान वाहतूक सुरक्षा नियम आणि नागरी विमान वाहतूक सुरक्षा कायदा, 1982 विरुद्ध बेकायदेशीर कायद्यांचे दडपण सुधारण्याची योजना करत आहे. ब्युरो ऑफ सिव्हिल एव्हिएशन सिक्युरिटी (बीसीएएस) या विषयावर गृह मंत्रालयाच्या सतत संपर्कात आहे.