Bihar exit Poll:14 एक्झिट पोलमध्ये बिहारमध्ये NDA सरकार;जाणून घ्या- कोणत्या पक्षाला किती मिळतील जागा

Bihar exit poll 2025 : बिहार विधानसभा निवडणुकीसाठी दोन टप्प्यातील मतदान आज संपले आहे. तर त्याच्या काही तासानेच विविध एजन्सीचे एक्झिट पोल आले आहेत. त्यानुसार पुन्हा एकदा बिहारमध्ये एनडीए सरकार स्थापन होण्याची शक्यता वर्तविण्यात आली असून बिहारमध्ये पुन्हा नितीश कुमारांचे सरकार स्थापन होण्याचा अंदाज वर्तविण्यात आलाय.

बिहार निवडणुकीच्या एक्झिट पोलमध्ये एनडीएला मोठी आघाडी असल्याचे दिसून आले आहे. १४ एजन्सींच्या सर्वेक्षणात एनडीएला १५४ जागांच्या जवळपास विजय मिळण्याची शक्यता वर्तवण्यात आली आहे. महाआघाडीला ८४ च्या जवळपास जागांवर विजय मिळण्याचा अंदाज आहे, तर इतरांना ५ जागा मिळण्याची शक्यता आहे.

प्रशांत किशोर यांचा जनसूराज पक्ष पहिल्यांदाच निवडणूक लढवत आहे, तो निष्प्रभ दिसत आहे. त्यांना ३-५ जागा मिळण्याचा अंदाज आहे. गेल्या निवडणुकीत एनडीएला १२५, महाआघाडीला ११० आणि इतरांना ८ जागा मिळाल्या होत्या. याचा अर्थ असा की यावेळी एनडीएला अंदाजे २९ जागा जास्त मिळण्याचा अंदाज आहे. तर महाआघाडीला २८ जागा कमी पडण्याचा अंदाज वर्तविण्यात येत आहे.

राज्यातील २४३ जागांसाठी दोन टप्प्यात निवडणुका झाल्या. पहिल्या टप्प्यात १२१ जागांसाठी ६५% मतदान झाले, तर दुसऱ्या टप्प्यात विक्रमी ६७% मतदान झाले. निकाल १४ नोव्हेंबर रोजी जाहीर होणार आहे.

१४ एजन्सीच्या एक्झिट पोलमध्ये कोणाला किती जागा मिळतील याचा अंदाज वर्तविण्यात आलाय, त्याची यादी खालीलप्रमाणे वाचा...!

• एजन्सीचे नाव : एनडीए : महागठबंधन : अन्य
• पीपल्स प्लस : 133-159 :75-101 : 2-13
• पीपल्स इनसाईड:133-148 :87-102 : 3-8
• चाणक्य : 130-138 :100-108 : 3-5
• पोलस्ट्रेट : 133-148 : 87-102 : 3-5
• जेव्हीसी पोल्स :135-150 : 88-103 : 3-6
• पोल डायरी : 184-209 : 32-49 : 1-5
• टाइम्स नाऊ : 143 : 95 : 5
• प्रजा पोल विश्लेषण : 186 : 50 : 7
• पी मार्क : 142-162 :80-98 :3-8
• TIf रिचर्स : 145-163 : 76-95 : 3-6
• न्यूज २४ : 152 : 84 : 7
• दैनिक भास्कर -१४५-१६० : 73-91 :5-10
• मॅट्रिक्स ians -147-167 :70-90 :0
• पोल्स ऑफ पोल्स : 154 : 84 : 5

चाणक्यच्या एक्झिट पोलमध्ये एनडीएला बहुमत!

चाणक्यच्या एक्झिट पोलमध्ये बिहारमध्ये एनडीएला १३०-१३८ जागा मिळण्याचा अंदाज आहे. महाआघाडीला १०० ते १०८ जागा मिळण्याचा अंदाज आहे. इतरांना ३ ते ५ जागा मिळण्याची शक्यता आहे.

पीपल्स पल्सच्या एक्झिट पोलमध्ये एनडीएला जास्तीत जास्त १५९ जागा!

पीपल्स पल्सच्या एक्झिट पोलमध्ये एनडीए बिहारमध्ये सरकार स्थापन करेल असा अंदाज आहे. त्यांना १३३ ते १५९ जागा मिळण्याचा अंदाज आहे. महाआघाडीला ७५-१०१ जागा मिळण्याचा अंदाज आहे. इतरांना २ ते १३ जागा मिळू शकतात.

बिहारमध्ये एक्झिट पोल कधीच अचूक का ठरले नाहीत, वाचा कारणं!

बिहारमध्ये एक्झिट पोल कधीच पूर्णपणे विश्वासार्ह राहिले नाहीत. त्यांची जागांची गणना नेहमीच चुकीची ठरली आहे. काही एक्झिट पोल त्यांच्या मतांच्या अंदाजात जवळपास असले तरी, ते कोणत्या युतीला कोणत्या जागा मिळतील याचे स्पष्ट चित्र देण्यात अपयशी ठरले आहेत.

स्थलांतरित मतदार

बिहारबाहेर काम करणारे लाखो स्थलांतरित मतदार मतदानानंतर परत येण्याची घाई करतात, त्यामुळे त्यांना एक्झिट पोलच्या नमुन्यांमध्ये समाविष्ट करणे कठीण होते.

जाती-आधारित मतदान पद्धती

बिहारमधील जातीय समीकरण गुंतागुंतीचे आहे आणि एक्झिट पोलर्स लहान नमुना आकारांमुळे अनेकदा खालच्या जातींमधील बदल चुकवतात.

मौन मतदार

बिहारच्या लोकसंख्येचा एक मोठा भाग मौन मतदार आहे. ते त्यांच्या राजकीय पसंती किंवा मतदानाचे हेतू पोलर्सना उघड करत नाहीत.

महिला मतदार

बिहारमध्ये महिला मतदारांचे मतदान पुरुषांपेक्षा जास्त आहे (२०२० मध्ये, महिलांचे मतदान ५९.६९% होते, तर पुरुषांचे मतदान ५४.४५% होते). महिला पुरुष आणि तरुणांपेक्षा कमी उघडपणे त्यांचे मत मांडतात, जे सर्वेक्षणाच्या अंदाजांना विचलित करते.

एक्झिट पोल म्हणजे काय?

जनतेच्या भावना मोजण्यासाठी निवडणुकीदरम्यान दोन प्रकारचे सर्वेक्षण केले जातात. मतदानापूर्वी केलेल्या सर्वेक्षणांना ओपिनियन पोल म्हणतात. मतदानादरम्यान केलेल्या सर्वेक्षणांना एक्झिट पोल म्हणतात. मतदानाचा शेवटचा टप्पा संपल्यानंतर एक्झिट पोलचे निकाल सामान्यतः एक तासाने जाहीर केले जातात.

निवडणुकीच्या दिवशी मतदान केंद्रांवर एक्झिट पोलिंग एजन्सीचे स्वयंसेवक उपस्थित असतात. हे स्वयंसेवक मतदान केल्यानंतर परतणाऱ्या मतदारांना निवडणुकीशी संबंधित प्रश्न विचारतात. मतदारांच्या प्रतिसादांवर आधारित, मतदार कोणत्या दिशेने सर्वात जास्त कल ठेवतात हे ठरवण्यासाठी एक अहवाल तयार केला जातो. याचा वापर निवडणूक निकालांचा अंदाज घेण्यासाठी केला जातो.