Bihar Election 2025 Date : बिहार निवडणुकीचे बिगुल वाजले; 2 टप्प्यात मतदान, जाणून घ्या निकाल कधी?

Bihar Election 2025 Date : राजकीय दृष्ट्या देशात नेहमीच केंद्रस्थानी असलेल्या बिहार विधानसभा निवडणुकीचे बिगुल वाजले आहे. निवडणूक आयोगाने २०२५ च्या या महत्त्वाच्या निवडणुकीचा कार्यक्रम जाहीर केला असून, ही निवडणूक दोन टप्प्यात घेतली जाणार आहे. एकूण ४० दिवसांची निवडणूक प्रक्रिया असणार आहे.

बिहारमध्ये दोन टप्प्यात निवडणूक होणार आहे. 6 आणि 11 नोव्हेंबर रोजी दोन टप्प्यात मतदान होणार आहे. तर निकाल 14 नोव्हेंबरला लागणार आहे. एकूण 40 दिवसांची निवडणूक प्रक्रिया असणार असेल. बिहारमध्ये 243 जागा आहेत, त्यापैकी 38 जागा अनुसूचित जातींसाठी आणि 2 जागा अनुसूचित जमातींसाठी राखीव आहेत.

निवडणूक आयोगाला 22 नोव्हेंबर 2025 पर्यंत निवडणूक प्रक्रिया पूर्ण करायची आहे. सर्व पक्षांनी आयोगाला छठ पूजेच्या सणानंतर मतदान घेण्याची विनंती केली होती. परंतु, आयोगाने राज्यात दोन टप्प्यात मतदान करण्याचा निर्णय घेतला.

निवडणूक आयोगाने म्हटले- मतदारांच्या सोयीची काळजी घेतली जातेय

निवडणूक आयोगाच्या आकडेवारीनुसार, बिहारमध्ये एकूण ९०,७१२ मतदान केंद्रे उभारण्यात आली आहेत, प्रत्येक केंद्रावर सरासरी ८१८ नोंदणीकृत मतदार आहेत. यापैकी ७६,८०१ मतदान केंद्रे ग्रामीण भागात आहेत, तर १३,९११ शहरी भागात आहेत. सर्व मतदान केंद्रांवर (१००%) वेबकास्टिंग उपलब्ध आहे. याव्यतिरिक्त, मतदारांना चांगल्या सुविधा देण्यासाठी १,३५० मॉडेल मतदान केंद्रे स्थापन करण्यात आली आहेत.

एकूण मतदार किती?

बिहार विधानसभेच्या 243 जागांसाठी एकूण 74.3 कोटी मतदार, 14 लाख पहिल्यांदाच मतदान करतील; प्रत्येक बूथवर सरासरी 818 मतदार असतील, मुख्य निवडणूक आयुक्त ज्ञानेश कुमार यांनी महत्त्वाची माहिती दिली. आयोगाने ही निवडणूक प्रक्रिया २२ नोव्हेंबर २०२५ पर्यंत पूर्ण करण्याचे नियोजन केले.

मतदार यादी अपडेट

निवडणूक आयोगाने या निवडणुकांसाठीची मतदार यादी 'एसआयआर' (SIR - Summary Revision) अंतर्गत अद्ययावत केली आहे. ज्या मतदारांची नावे यादीत नाहीत, त्यांना नामांकनाच्या 10 दिवस आधीपर्यंत आपली नावे जोडता येणार आहेत. अशा नव्याने नाव जोडलेल्या मतदारांना नवीन मतदार कार्ड (Voter ID Card) मिळतील.

महत्त्वाचे मतदार आणि सुविधा

बिहार विधानसभेत एकूण २४३ जागा असून, या सुमारे ७.४२ दशलक्ष (७ कोटी ४२ लाख) मतदारांचे प्रतिनिधित्व करतात. ज्येष्ठ नागरिक आणि सुविधा: बिहारमध्ये १०० वर्षांपेक्षा जास्त वयाचे १४,००० मतदार आहेत.

घरून मतदान (Vote from Home): मतदान केंद्रांवर प्रत्यक्ष प्रवास करण्यास असमर्थ असलेले मतदार फॉर्म १२डी (Form 12D) भरून घरूनच मतदान करू शकतील.

ECI नेट अॅप लाँच होणार

मुख्य निवडणूक आयुक्त ज्ञानेश कुमार यांनी घोषणा केली की निवडणूक आयोगाचे नवीन 'ECI नेट' सिंगल-विंडो अॅप बिहार विधानसभा निवडणुकीदरम्यान लाँच केले जाईल.

हे अॅप बिहार निवडणुकीदरम्यान पूर्णपणे कार्यरत आणि सक्रिय असेल, ज्यामुळे निवडणूक-संबंधित सर्व प्रमुख प्रक्रियांचे रिअल-टाइम निरीक्षण करणे शक्य होईल.

बिहार निवडणुकीत फक्त एका कॉलवर मतदार कार्यालयाशी बोला

मतदारांच्या सोयीसाठी, निवडणूक आयोगाने आता संपूर्ण निवडणूक यंत्रणा एकाच कॉलमध्ये आणली आहे. बिहारमध्ये एकूण ९०,७१२ BLO, २४३ ERO आणि ३८ DEO नियुक्त करण्यात आले आहेत, ज्यांच्याशी आता थेट संपर्क साधता येईल.

मतदार १९५० (मतदार हेल्पलाइन) वर कॉल करून माहिती मिळवू शकतात. फक्त +९१-STD कोड-१९५० डायल करा आणि त्यानंतर संबंधित जिल्ह्याचा STD कोड, जसे की पाटणा साठी +९१-६१२-१९५० डायल करा. तसेच, मतदार त्यांच्या बीएलओ कडून ECINet अॅपद्वारे कॉल बुक करू शकतात.

नवीन मतदार

या निवडणुकीत राज्यातील १४ लाख लोक पहिल्यांदाच मतदान करतील, ज्यामुळे युवा मतदारांची संख्या लक्षणीय वाढणार आहे.

मतदान केंद्रांवर मोबाईलला परवानगी

बिहारमधील मतदान केंद्रांवर मतदारांना मोबाईल फोन घेऊन जाण्याची परवानगी असेल.

यापूर्वी कधी व कशा झाल्या निवडणूक?

२०२० मध्ये बिहार निवडणुका तीन टप्प्यात झाल्या होत्या. २० ऑक्टोबर ते ७ नोव्हेंबर या कालावधीत मतदान झाले. निकाल १० नोव्हेंबर रोजी जाहीर झाले. यापूर्वी २०१५ मध्ये पाच टप्प्यात मतदान झाले. १२ ऑक्टोबर ते ५ नोव्हेंबर या कालावधीत मतदान झाले. निकाल ८ नोव्हेंबर रोजी जाहीर झाले.