बिहार निवडणूकीत प्रशांत किशोर फॅक्टरचा धमाका! 5 ओपिनियन पोल्सचे सर्वात मोठे अन् धक्कादायक आकडे वाचा

Bihar election 2025 Prashant Kishor is 'X Factor' in Opinion Polls : बिहार विधानसभा निवडणुकीच्या रिंगणात यंदा नुसती टक्कर नाही, तर थेट भूकंप होण्याची चिन्हे आहेत! पारंपरिक राजकीय पक्षांच्या NDA आणि 'INDIA' आघाडीच्या लढाईत, एक नवीन चेहरा थेट राजकारणाचा केंद्रबिंदू बनला आहे. एकेकाळचे 'रणनीतीकार' आणि आता 'नेता' बनलेले प्रशांत किशोर (पीके) यांनी आपल्या 'जन सुराज' अभियानाने बिहारच्या राजकीय नकाशावर स्वतःचा ठसा उमटवला आहे.

आता सवाल हा आहे की, प्रशांत किशोर केवळ 'किंगमेकर' बनतील की सत्ताधारी आणि विरोधकांची गणितं पूर्णपणे बिघडवतील? आतापर्यंतच्या ५ सर्वात मोठ्या ओपिनियन पोलच्या निष्कर्षांनी जो इशारा दिला आहे, तो दोन्ही प्रमुख आघाड्यांसाठी चिंताजनक आहे. कारण या आकड्यांनुसार, पीके यांना मिळणारा वाढता पाठिंबा स्पष्टपणे दर्शवतोय की, ते युवा आणि नवीन मतदारांना वेगाने आकर्षित करत आहेत. पाहा, या धक्कादायक आकडेवारीतून बिहारच्या राजकारणाची आगामी दिशा काय असू शकते! येथे पाच मोठ्या ओपिनियन पोल्सचे निष्कर्ष दिले आहेत, जे प्रशांत किशोर यांची बिहारच्या राजकारणातील स्थिती स्पष्ट करतात.

पोल/सर्वे मुख्यमंत्री पदासाठी पसंती (PK) जागा/वोट शेअर निष्कर्ष

• १. MATRIZE-IANS ९% - राजकारणात नवे असूनही ९% लोकांची पसंती. ते 'तिसरा पर्याय' म्हणून उभे राहिले आहेत.
• २. Times Now - ४ ते ६ जागा कमी जागा जिंकूनही 'किंगमेकर' च्या भूमिकेत येण्याची शक्यता. पारंपरिक समीकरणे गुंतागुंतीची झाली आहेत.
• ३. JVC सर्वे १५% ४ ते ६ जागा सीएम पदाच्या शर्यतीत ते तिसऱ्या क्रमांकावर आहेत. मतदारांनी त्यांना 'गंभीर स्पर्धक' म्हणून स्वीकारले आहे.
• ४. SPICK Media १३% ० जागा, पण ८% वोट शेअर जागा नसतानाही ८% वोट शेअर हे त्यांची लोकप्रियता वाढत असल्याचे स्पष्ट संकेत आहेत.
• ५. C-Voter सर्वे सप्टेंबरमध्ये २३% पर्यंत वाढ - फेब्रुवारीत १५% वरून सप्टेंबरपर्यंत २३% पर्यंत पसंती वाढली आहे. ही वाढ सर्वात मोठी आणि धक्कादायक आहे.

प्रशांत किशोर 'गेमचेंजर' नव्हे व्होट कटर?

ओपिनियन पोलच्या निष्कर्षावरून एक गोष्ट स्पष्ट होते की, प्रशांत किशोर आता 'फॅक्टर' नसून 'एक्स फॅक्टर' बनले आहेत. भले त्यांच्या 'जन सुराज'ला सध्या कमी जागा मिळण्याची शक्यता असली, तरी त्यांचा वोट शेअर आणि मुख्यमंत्री पदासाठीची वाढती पसंती पाहता, ते बिहारच्या राजकारणाची दिशा बदलू शकतात.

युवा आणि नवीन मतदारांमध्ये त्यांचा प्रभाव वाढत आहे.

हाच ट्रेंड मतांमध्ये बदलल्यास, २०२५ ची निवडणूक बिहारच्या राजकारणात जन सुराज च्या नावाने नवीन अध्याय लिहू शकते.

बिहार विधानसभा निवडणूक २०२५ टप्पे, तारखा

• पहिला टप्पा मतदान: ०६ नोव्हेंबर २०२५
• दुसरा टप्पा मतदान: ११ नोव्हेंबर २०२५
• निकाल घोषित: १४ नोव्हेंबर २०२५