आसाममध्ये पुन्हा रेल्वे अपघात; आगरतळा-लोकमान्य टिळक एक्स्प्रेसचे 8 डबे रुळावरून घसरले

नवी दिल्ली : आसाममधून रेल्वे अपघातची बातमी समोर आली आहे. आसमच्या डिब्लॉन्ग स्टेशनवर आगरतळा-लोकमान्य टिळक एक्स्प्रेसचे आठ डबे रुळावरून घसरले आहेत. हा अपघात आज दुपारी 3.55 च्या सुमारास घडला आहे. लोकमान्य टिळक एक्स्प्रेस ही मुंबईकडे रवाना झाली होती. मिळालेल्या माहितीनुसार या रेल्वे अपघातात अद्याप कोणतीही जीवितहानी झालेली नाही.

एएनआय या वृतसंस्थेने याबाबतचं वृत दिलं आहे. आगरतळा-लोकमान्य टिळक एक्सप्रेस आसाममधील डिब्लॉन्ग स्टेशनवर दुपारी 3:55 च्या सुमारास रुळावरून घसरली. आसाममधील दिमा हासाओ जिल्ह्यात ही घटना घडली. या घटनेवर आसामचे मुख्यमंत्री हिमंता बिस्वा सरमा यांची प्रतिक्रियाही समोर आली आहे.

मदत आणि बचाव कार्यासाठी पथके रवाना

आगरतळा-लोकमान्य टिळक एक्स्प्रेस गुरुवारी सकाळी निघाली होती. रेल्वे अधिकारी आणि पोलिसांचे पथकही घटनास्थळी रवाना झाले आहे. अपघाताची माहिती मिळताच रेल्वे विभागाचे वरिष्ठ अधिकारीही घटनास्थळी रवाना झाले. ते लुमडिंग येथून मदत आणि बचाव कार्यासाठी निघाले. लुमडिंग बदरपूर सिंगल लाईन सेक्शनवर झालेल्या रेल्वे अपघातानंतर गाड्यांची वाहतूक बंद करण्यात आली आहे.

8 coaches of Agartala-Lokmanya Tilak Express derails in Assam

Read @ANI Story | https://t.co/kD72eltdz3#Derailment #Train #AgartalaLokmanyaTilak pic.twitter.com/eMFJ20CAlH

— ANI Digital (@ani_digital) October 17, 2024

मुख्यमंत्री हिमंता बिस्वा सरमा यांनी दिली माहिती

आसामचे मुख्यमंत्री हिमंता बिस्वा सरमा यांनी आपल्या सोशल मिडिया या X वर लिहिले आहे की 12520 आगरतळा-एलटीटी एक्स्प्रेसचे 8 डबे गुरुवारी दुपारी 15:55 वाजता लुमडिंगजवळ डिब्लॉन्ग स्टेशनवर रुळावरून घसरले. तेथे कोणतीही जीवित वा वित्तहानी झालेली नाही. सर्व प्रवासी सुरक्षित आहेत. आम्ही रेल्वे अधिकाऱ्यांशी समन्वय साधत आहोत आणि लवकरच मदत गाडी घटनास्थळी पोहोचेल. लुमडिंग दुर्घटनेत हेल्पलाइन क्रमांक 03674 263120, 03674 263126 जारी करण्यात आले आहेत.

8 coaches of Train 12520 Agartala –LTT Express derailed at Dibalong station near Lumding at 15:55 Hrs today. 𝐓𝐡𝐞𝐫𝐞 𝐡𝐚𝐬 𝐛𝐞𝐞𝐧 𝐧𝐨 𝐦𝐚𝐣𝐨𝐫 𝐜𝐚𝐬𝐮𝐚𝐥𝐭𝐲 𝐨𝐫 𝐢𝐧𝐣𝐮𝐫𝐲 𝐚𝐧𝐝 𝐚𝐥𝐥 𝐩𝐚𝐬𝐬𝐞𝐧𝐠𝐞𝐫𝐬 𝐚𝐫𝐞 𝐬𝐚𝐟𝐞.

We are coordinating railway authorities…

— Himanta Biswa Sarma (@himantabiswa) October 17, 2024