सकाळी उठताच 'ही' लक्षणे दिसून येत असतील, तर समजा कर्करोगाचा धोका; वेळीच व्हा सावध अन् घ्या काळजी!

Indicate Cancer Risk : अलिकडच्या काळात कर्करोगाच्या रुग्णांच्या संख्येत झपाट्याने वाढ होताना दिसत आहे. या दुर्धर आजाराने अनेक उच्चपदस्थ व्यक्तींचाही बळी घेतला आहे. कर्करोग हा एक असा आजार आहे. ज्याच्या २०० हून अधिक प्रकारांमध्ये वेगवेगळी लक्षणे दिसून येतात.

या आजारावर यशस्वीपणे मात करण्यासाठी त्याचे लवकर निदान होणे अत्यंत आवश्यक आहे. मात्र, कर्करोगाची सुरुवातीची लक्षणे नेहमीच स्पष्ट नसल्यामुळे लोक त्याकडे सहज दुर्लक्ष करतात, त्यापैकीच एक म्हणजे रात्री जास्त घाम येणे.

कर्करोगाची लक्षणे : दुर्लक्ष केले जाणारे 'रात्रीचे घाम'

कर्करोगाशी संबंधित सामान्य लक्षणे म्हणजे अस्पष्ट वजन कमी होणे, सतत थकवा, त्वचेत बदल, शरीरावर गाठी किंवा अस्पष्ट रक्तस्त्राव. ही लक्षणे अनेकदा तपासली जातात, परंतु लोक ज्या एका महत्त्वाच्या लक्षणाकडे वारंवार दुर्लक्ष करतात, ते म्हणजे रात्री जास्त घाम येणे.

रात्रीचा घाम म्हणजे काय?

वैद्यकीय तज्ज्ञांच्या मते, जर तुमच्या खोलीचे तापमान सामान्य असतानाही तुम्ही सकाळी उठल्यावर तुमचे चादरी आणि कपडे पूर्णपणे ओले झालेले आढळले, तर तो सामान्य घाम नसून रात्रीचा घाम असू शकतो.

गांभीर्याची गरज

एनएचएस नुसार, जर ही स्थिती वारंवार उद्भवत असेल आणि तुमच्या झोपेमध्ये यामुळे अडथळा येत असेल, तर त्याकडे गांभीर्याने लक्ष देणे आवश्यक आहे.

कर्करोग आणि रात्रीचा घाम यांचा संबंध

कर्करोग संशोधन संस्थेनुसार, शरीरात कोणताही संसर्ग झाल्यास घाम येणे सामान्य आहे. मात्र, काही विशिष्ट प्रकारच्या कर्करोगांमध्येही रात्री जास्त घाम येऊ शकतो. विशेषत: रोगाच्या प्रगत अवस्थेत असलेल्या रुग्णांमध्ये हे लक्षण अधिक ठळकपणे दिसून येते.

जास्त घाम असेल या कर्करोगाचा धोका!

लिम्फोमा (Lymphoma)

ल्युकेमिया (Leukemia)

प्रोस्टेट कर्करोग (Prostate Cancer)

हाडांचा कर्करोग (Bone Cancer)

प्रगत थायरॉईड कर्करोग (Advanced Thyroid Cancer)

कार्सिनॉइड ट्यूमर (Carcinoid Tumours)

मेसोथेलिओमा (Mesothelioma)

मूत्रपिंडाचा कर्करोग (Kidney Cancer)

डॉक्टरांना कधी भेटावे?

रात्री घाम येणे हे नेहमीच कर्करोगाचे लक्षण असतेच असे नाही, कारण ते मधुमेह, रजोनिवृत्ती किंवा इतर संसर्गामुळे देखील होऊ शकते. तरीही, जर तुम्हाला खालीलपैकी कोणतीही लक्षणे आढळल्यास त्वरित डॉक्टरांचा सल्ला घेणे हेच खरे शहाणपण राहील. रात्रीचा घाम सतत येत असेल आणि त्यामुळे झोपेचा त्रास होत असेल.

तसेच घामासोबत तुम्हाला उच्च ताप, खोकला, थंडी वाजून येणे किंवा अतिसार अशी इतर लक्षणे जाणवत असतील. नियमीत येत असलेल्या घामासोबत तुमचे वजन अस्पष्टपणे कमी होत असेल. कर्करोग हा एक असा आजार आहे, ज्यावर लवकर उपचार न केल्यास त्याचे व्यवस्थापन करणे कठीण होऊ शकते. त्यामुळे, ही असामान्य लक्षणे हलक्यात न घेता त्वरित वैद्यकीय तपासणी करणे महत्त्वाचे आहे.

(अस्वीकरण : ही माहिती इंटरनेटवरील विविध स्त्रोतावरुन घेतलेली आहे, हा कोणताही वैद्यकीय सल्ला नाही, कृपया कोणताही उपचार किंवा क्रिया करण्यापूर्वी तुमच्या तज्ज्ञ डॉक्टरांचा सल्ला जरूर घ्यावा)