मासिक पाळी दरम्यान गणपतीची स्थापना करता येते का? या काळात महिलांसाठी काही नियम आहेत का?

Ganesh Chaturthi 2025 Can women do ganpati sthapana during periods : आज बुधवार, २७ ऑगस्ट २०२५ रोजी गणेश चतुर्थी आहे, आजपासून गणेशउत्सव सुरु झाला असून घरोघरी गणपती मुर्तीची प्राणप्रतिष्ठा केली जात आहे. हिंदू धर्मात हा सण मोठ्या थाटामाटात साजरा केला जातो. भक्त आपल्या घरी गणपती आणतात आणि त्याची स्थापना करतात आणि त्याची पूजा करतात.

घराघरात गणपती स्थापनेचा उत्साह असतो, हा उत्साह उत्सवाचा आणि परंपरेचा आहे, घरातील लग्न किंवा मोठ्या कार्याएवढेच गणेशोत्सवालाही महत्व आहे. पण अनेकदा महिलांच्या मनात एक प्रश्न येतो - मासिक पाळी दरम्यान गणपतीची स्थापना करता येईल का? दर महिन्याला येणारी मासिक पाळी महिलांच्या भक्तीच्या मार्गात येते, अशा परिस्थितीत, अनेक वेळा त्यांना याची चिंता देखील असते.

मासिक पाळी दरम्यान गणपतीची सेवा करता येईल की नाही याबद्दल देखील शंका असते. अनेक महिला या द्विधा मनस्थितीत असतात. जर तुम्हीही तुमच्या घरी गणपती आणण्याचा विचार करत असाल, तर या काळात मासिक पाळी आल्यास काय करावे, कधी पुजा करता येईल हे सविस्तर जाणून घेऊया?

मासिक पाळी दरम्यान गणपतीची स्थापना करता येते का?

महिलांना दर महिन्याला मासिक पाळी येते, ज्यामुळे अनेक वेळा त्यांची पूजा आणि उपवास अपूर्ण राहतात. आता गणेश चतुर्थी असल्याने, बरेच लोक घरात गणपतीची स्थापना करतात. त्याची सेवा केली जाते आणि विधीपूर्वक पूजा केल्यानंतर, त्याने त्याला आणण्याचे व्रत घेतलेल्या दिवसांनंतर त्याचे विसर्जन केले जाते. परंतु जर या काळात एखाद्या महिलेला मासिक पाळी आली तर शास्त्रानुसार, ती गणपतीची स्थापना करू शकत नाही, असे बोल्ड स्कायच्या वृत्तात म्हटले आहे.

मासिक पाळी दरम्यान आपण गणपतीसाठी भोग तयार करू शकतो का?

हिंदू धर्मात, मासिक पाळी दरम्यान पूजा करणे आणि मंदिरात जाणे निषिद्ध मानले जाते. अशा परिस्थितीत, मासिक पाळी असलेल्या महिला गणपतीची स्थापना करू शकत नाहीत किंवा गणपतीसाठी अन्न तयार करू शकत नाहीत अशी धारणा आहे.

मासिक पाळीच्या काळात गणपती पूजा कशी करावी?

• गणेश चतुर्थीचा सण १० दिवस चालतो. जर मासिक पाळीमुळे पहिल्या दिवशी पूजा करता आली नाही, तर उर्वरित दिवशी गणेशाची पुजा करु शकता.
• मासिक पाळी पूर्ण झाल्यानंतर स्नान करा.
• गंगाजल किंवा पवित्र पाण्याने स्वतःला शुद्ध करा.
• शुद्धीकरण झाल्यानंतर, तुम्ही गणपती प्रतिष्ठापना करण्यासाठी तुम्हाला हवे तितके दिवस पूजा करू शकता.
• पूजा करताना भक्ती आणि श्रद्धा मनात ठेवा.