प्रभासच्या सिनेमाची नायिका इमानवी इस्माईल आहे कोण? पाकिस्तानी असल्याच्या अफवा, काय दिले स्पष्टीकरण?

Who is Prabhass film actress Imanvi Ismail : नृत्यांगणा आणि नृत्यप्रशिक्षिका असलेली इमानवी इस्माईल ही प्रभासच्या चित्रपटातील अभिनेत्री आहे; पहलगाम हल्ल्यानंतर ती पाकिस्तानी असल्याच्या अफवावरुन ट्रोल होत आहे. आता या अभिनेत्रीने आपण पाकिस्तानी नसल्याचे स्पष्ट केले असून तिने इन्स्टाग्रामवर लांबलचक एक पोस्ट टाकत खुलासा केला आहे.

पहलगाममध्ये झालेल्या हल्ल्यानंतर देशात संतापाची लाट आहे आणि सर्वांचे डोळ्यात पाणी आहे. अशा स्थितीत भारतात व्हिसावर आलेल्या पाकिस्तानी नागरिकांना 48 तासात देश सोडण्याचे सांगण्यात आले आहे. अशातच सोशल मीडियावर अनेकजण व्यक्त होत असतानाच इमानवी इस्माईल हिला सुद्धा ट्रोल करण्यात आले आहे. इमानवीने आपण भारतीय असल्याचे स्पष्ट करत खुलासा केला आहे. आज आपण प्रभासच्या सिनेमाची ही अभिनेत्री कोण आहे हे जाणून घेऊया.

कोण आहे इमानवी इस्माईल?

• चित्रपटाची कोणतीही फिल्मी पार्श्वभूमी नसलेल्या कुटुंबात इमानवीचा जन्म झाला.
• इमानवी नृत्य दिग्दर्शिका आणि नृत्यांगना आहे.
• डान्स व्हिडिओ बनवून सोशल मीडियावर लोकप्रिय झाली आहे.
• इमानवी केवळ पाश्चात्यच नाही तर कुचीपुडी आणि भरतनाट्यम देखील करते.
• इमानवीने तिच्या कलेने रातोरात लाखो फॉलोअर्स मिळवले आहेत.
• परदेशात नृत्याचे प्रशिक्षण घेतलेल्या इमानवी सर्व भाषांमध्ये चित्रपटातील गाणी हिट करण्यासाठी नृत्य करून लाखो फॉलोअर्स मिळवले.
• नुकतीच प्रभासच्या एका चित्रपटात काम करण्याची संधी मिळाल्यानंतर सोशल मीडियावर या अभिनेत्रीची क्रेझ आणखीनच वाढली आहे.

पाकिस्तानी असल्याची अफवा

पाकिस्तानी असल्याचा अफवावरुन इमानवीने आपण भारतीय असल्याचे स्पष्ट केले असून आपल्याबाबत चुकीच्या अफवा पसरवल्या जात आहेत. यासंदर्भात तिने इन्स्टाग्रामवर पोस्ट केली आहे. त्यात तिने सर्व गोष्टी स्पष्ट केल्या आहेत.

अफवांवर काय म्हणाली इमानवी इस्माईल?

इमानवी इस्माईल म्हणते. सर्वप्रथम, मी पहलगाममध्ये घडलेल्या दुःखद घटनेबद्दल माझ्या मनापासून आणि मनापासून शोक व्यक्त करू इच्छिते. ज्यांनी आपले प्राण गमावले आणि त्यांचे प्रियजन गमावले त्या सर्वांना माझी भावपूर्ण श्रद्धांजली आहे. निष्पाप जीवनाचे कोणतेही नुकसान दुःखद आहे आणि माझ्या हृदयावर भारी आहे. मी हिंसक कृत्यांचा तीव्र निषेध करते. कलेद्वारे प्रकाश आणि प्रेम पसरवणे हे ज्याचे ध्येय नेहमीच राहिले आहे, मला आशा आहे की लवकरच एक दिवस दिसेल जिथे आपण सर्व एकत्र येऊ शकू.

माझ्या कुटुंबातील कुणीही...

मला माझ्या ओळखीबद्दल आणि माझ्या कुटुंबाविषयी अफवांबद्दल बोलायचे आहे. पहिली गोष्ट म्हणजे, माझ्या कुटुंबातील कोणीही कधीही पाकिस्तानी लष्कराशी कोणत्याही प्रकारे संबंधित नाही. हे आणि इतर अनेक खोटे द्वेष पसरवण्याच्या एकमेव उद्देशाने ऑनलाइन ट्रोल्सने बनवले आहेत.

मी कोरीओग्राफर आणि नृत्यांगना

इमानवी म्हणते, हिंदी, तेलुगु, गुजराती आणि इंग्रजी बोलणारे अभिमानास्पद भारतीय अमेरिकन. माझे पालक तरुणपणी कायदेशीररित्या युनायटेड स्टेट्समध्ये स्थलांतरित झाल्यानंतर माझा जन्म लॉस एंजेलिस, कॅलिफोर्निया येथे झाला. लवकरच ते अमेरिकन नागरिक झाले. यूएसएमध्ये माझे विद्यापीठ शिक्षण पूर्ण केल्यानंतर, नृत्यदिग्दर्शक आणि नृत्यांगना म्हणून कला क्षेत्रात मी करिअर केले. या क्षेत्रात खूप काम केल्यानंतर, भारतीय चित्रपट उद्योगात काम करण्याच्या संधी मिळाल्याबद्दल मी अत्यंत कृतज्ञ आहे.

भारतीय अस्मिता आणि संस्कृती माझ्या रक्तात

इमानवी म्हणते, भारतीय अस्मिता आणि संस्कृती माझ्या रक्तात खोलवर रुजलेली व्यक्ती म्हणून, मला आशा आहे की या माध्यमाचा उपयोग एकतेच्या रूपात व्हावा, फूट पाडण्यासाठी नाही. दुःखद मृत्यूबद्दल शोक व्यक्त करत असताना, आपण प्रेमाचा प्रसार करत राहू आणि एकमेकांना उन्नत करू या. संपूर्ण इतिहासात, कला हे एक माध्यम आहे जे संस्कृती, लोक आणि अनुभवांमध्ये जागरूकता, सहानुभूती आणि कनेक्शन निर्माण करते. हा वारसा माझ्या कामातून पुढे चालू ठेवण्यासाठी आणि माझ्या भारतीय वारशाच्या अनुभवांना उंचावण्यासाठी मी कठोर परिश्रम करेन.