सोनाक्षी-झहीरने साजरी केली पहिली गणेश चतुर्थी, सोशल मीडियावर झाले ट्रोल

Sonakshi Sinha : सोनाक्षी सिन्हा आणि झहीर इक्बाल यांचे लग्न झाल्यापासून ही जोडी रोजच चर्चेत असते. लग्नानंतर दोघांनी पहिला गणेश चतुर्थीचा सण साजरा केला. त्यामुळे हे कपल पुन्हा एकदा ट्रोलर्सचे लक्ष्य बनले आहे.

सोनाक्षी सिन्हा आणि झहीर इक्बाल यांनी लग्नानंतरची पहिली गणेश चतुर्थी मोठ्या थाटामाटात साजरी केली. ज्याचा व्हिडिओ अभिनेत्रीने तिच्या इंस्टाग्रामवर शेअर केला आहे. व्हिडिओमध्ये सोनाक्षी आणि झहीर एथनिक लूकमध्ये दिसत आहेत.

व्हिडिओमध्ये सोनाक्षी सिन्हा निळ्या रंगाच्या ड्रेसमध्ये दिसत आहे. तर, झहीर हलका निळा आणि पांढरा कॉम्बिनेशन दिसत आहे. यादरम्यान दोघेही एकत्र गणपतीची आरती करताना दिसले. व्हिडीओ पाहून हे जोडपे एकमेकांच्या धर्माचा आदर करत असल्याचे दिसते. मात्र, चाहत्यांना या जोडप्याला ट्रोल केले आहे.

सोनाक्षी सिन्हा आणि झहीर इक्बालचा हा व्हिडिओ समोर आल्यानंतर चाहत्यांनी त्यांच्या धर्मावर प्रश्न उपस्थित केले आहेत. एका यूजरने कमेंट केली की, "ती मशिदीत जाऊन प्रार्थना करेल का? तिला फक्त मूर्तींची पूजा करायची आहे, अल्लाहची नाही." आणखी एका यूजरने लिहिले की, 'आरती करणारा हा कसला मुस्लिम आहे.' एकाने लिहिले की, 'ती नमाज अदा करते की नाही ते पाहू.' सोनाक्षी आणि झहीरचा हा व्हिडिओ सोशल मीडियावर व्हायरल होत आहे.

सोनाक्षी सिन्हा आणि झहीर इक्बाल यांनी 7 वर्षे एकमेकांना डेट केल्यानंतर 23 जून रोजी लग्न केले. या जोडीने कुटुंबातील सदस्य आणि जवळच्या मित्रांच्या उपस्थितीत कोर्ट मॅरेज केले. मात्र, आंतरधर्मीय लग्न केल्यामुळे त्यांना चांगलेच ट्रोल करण्यात आले. त्यामुळे सोनाक्षीने तिच्या इन्स्टावरील कमेंट सेक्शन बंद केले. सध्या ते दोघे त्यांच्या वैवाहिक जीवनाचा आनंद घेत आहे.