अक्षय कुमार-वीर पहारियाच्या 'स्काय फोर्स'ने जिंकली प्रेक्षकांची मने, जाणून घ्या 4 दिवसांची कमाई

Sky Force Box Office Collection Day 4: बॉलिवूड अभिनेता अक्षय कुमार सध्या त्याच्या नुकत्याच प्रदर्शित झालेल्या 'स्काय फोर्स' चित्रपटामुळे चर्चेत आहे. या चित्रपटात अक्षय कुमारसोबत वीर पहारिया देखील दिसत आहे. या चित्रपटाद्वारे वीरने बॉलिवूडमध्ये पदार्पण केले आहे.

'स्काय फोर्स'चे बॉक्स ऑफिस कलेक्शन

देशभक्तीच्या भावनेने भरलेला हा चित्रपट 24 जानेवारी 2025 रोजी चित्रपटगृहात प्रदर्शित झाला. या चित्रपटाला प्रेक्षकांकडून खूप चांगला प्रतिसाद मिळत आहे. चित्रपटाची सुरुवात खूप चांगली झाली. दुसऱ्या दिवशीही चित्रपटाने चांगला व्यवसाय केला.

चित्रपटाला मिळाला प्रजासत्ताक दिनाच्या सुट्टीचा फायदा

तिसऱ्या दिवशी प्रजासत्ताक दिनाच्या सुट्टीचा फायदा चित्रपटाला झाला असून चित्रपटाच्या कमाईत वाढ झाली आहे. वीर पहारिया आणि सारा अली खान यांच्या जबरदस्त अभिनयामुळे 'स्काय फोर्स' या चित्रपटाने प्रेक्षकांची मने जिंकली आहेत. या चित्रपटाने त्याच्या पहिल्या आठवड्याच्या शेवटी बॉक्स ऑफिसवर चांगली कमाई केली.

सॅकॅनिल्कच्या रिपोर्टनुसार 'स्काय फोर्स'ने रिलीजच्या पहिल्या दिवशी भारतात 15.30 कोटी रुपये कमावले आहेत. दुसऱ्या दिवशी चित्रपटाने 26.30 कोटी रुपये कमावले. तिसऱ्या दिवशी म्हणजेच प्रजासत्ताक दिनानिमित्त चित्रपटाने 31.60 कोटी रुपयांचा व्यवसाय केला. या चित्रपटाने चौथ्या दिवशी म्हणजेच पहिल्या सोमवारी भारतात 6.25 कोटी रुपये कमावले आहेत.

'स्काय फोर्स'ची 4 दिवसांत एकूण कमाई

अशा परिस्थितीत निर्मात्यांच्या मते चित्रपटाने 4 दिवसांत भारतीय बॉक्स ऑफिसवर 79.45 कोटी रुपये कमावले आहेत. सोमवारी म्हणजेच 27 जानेवारी 2025 रोजी स्काय फोर्सच्या कमाईत घट झाली आहे, परंतु तरीही त्यांनी चांगला गल्ला जमवला आहे.

चित्रपटाचे बजेट 160 कोटी रुपये

चित्रपट प्रदर्शित झाल्यानंतर चार दिवसांत चित्रपटाची एकूण कमाई सुमारे 80 कोटी रुपयांवर पोहोचली आहे. अशा परिस्थितीत हा चित्रपट लवकरच 100 कोटींच्या क्लबमध्ये प्रवेश करू शकतो. चित्रपटाचे बजेट 160 कोटी रुपये आहे. दरम्यान चित्रपटाच्या बॉक्स ऑफिस कामगिरीकडे पाहता हा चित्रपट त्याची किंमत वसूल करेल असे दिसते.