Sikandar: ईदच्या आधी सलमान खानचा होळीला धमाका, 'सिकंदर' चित्रपटातील 'बम बम भोले' गाण्याचा टीझर रिलीज

Sikandar: सलमान खानच्या बहुप्रतिक्षित 'सिकंदर' चित्रपटाची चाहते आतुरतेने वाट पाहत आहेत, हा चित्रपट ईदला प्रदर्शित होणार आहे. मात्र सलमान खानला आपल्या चाहत्यांना खूश करण्याचा खास अंदाज असतो. त्याने अलीकडेच सलमान खानवर चित्रित करण्यात आलेलं होळीचं गाणं "बम बम भोले" चा टीझर रिलीज केला आहे. हा टिझर होताच सोशल मीडियावर चांगलाच धुमाकूळ घालत आहे.

या गाण्याची सुरुवात एका दमदार रॅपने होते जी गाण्याला एक वेगळाच उत्साह देते आहे. रंगीबेरंगी, अॅक्शन दृश्ये आणि उत्साही ताल यामुळे हे गाणे परिपूर्ण होळीचे गाणे बनले आहे. या टीझरने प्रेक्षकांची उत्सुकता अजून वाढवली आहे, आता प्रत्येकजण त्याच्या पूर्ण वर्जनची आतुरतेने वाट पाहत आहे!

गाणं कधी रिलीज होणार ?

दरम्यान 'बम बम भोले'चे संपूर्ण गाणे 11 मार्च रोजी दुपारी 1:11 वाजता प्रदर्शित होणार आहे. "बम बम भोले" हे गाणे शेक्सपियर, वाय-अॅश आणि हुसेन (बॉम्बे लोकल) यांनी लिहिले आणि सादर केले आहे. ज्यामध्ये एक दमदार रॅपचा समाविष्ट करण्यात आला आहे. ज्यामुळे गाणे आणखी उत्साही बनवते. शिवाय, या रॅपमध्ये किड रॅपर्स भीमराव जोगु, सरफराज शेख आणि फैजल अन्सारी (द धारावी ड्रीम प्रोजेक्ट) देखील आहेत, जे ट्रॅकमध्ये एक रॉ, उत्साही वातावरण जोडतात.

बीट्स कमी होताच सलमान खान त्याच्या ट्रेडमार्क स्वॅगसह एन्ट्री घेतो. त्याची दबंग शैली प्रत्येक हालचालीत प्रतिबिंबित होते, ज्यामुळे हा होळी ट्रॅक आणखी खास बनलं आहे. एक उत्साह, रंग आणि संगीताचे हे जबरदस्त मिश्रण "बम बम भोले" या वर्षीच्या होळीतील सर्वात मोठे हिट गाणे बनवण्यासाठी सज्ज झालं आहे. "बम बम भोले" मध्ये तुम्हाला दमदार डान्स दृश्ये, उत्साही बीट्स आणि रंगांचा एक धमाका पाहायला मिळेल जो तुम्हाला पूर्णपणे नाचण्यास भाग पाडेल.

संगीतकार प्रीतम यांनी संगीतबद्ध केलेले, साजिद नाडियाडवाला यांनी निर्मित आणि ए.आर. मुरुगादोस दिग्दर्शित बम बम भोले हा चित्रपट शोस्टॉपर ठरेल अशी खात्री देतोय. हे गाणे उद्या प्रदर्शित होणार आहे. संगीत, ताल आणि सलमान खानच्या खास डान्स स्टेपमूळे भव्य उत्सवासाठी सज्ज व्हा. अलिकडेच त्याचे 'जोहरा जबी' हे गाणेही रिलीज झाले. जे प्रेक्षकांना खूप आवडले आहे. या गाण्यात सलमान खान आणि रश्मिका मंदान्ना यांच्यातील केमिस्ट्री चांगली दिसत आहे.