CID : 'हा' प्रसिद्ध अभिनेता घेणार शिवाजी साटम यांची जागा? साटम म्हणाले, मला तर काहीच माहिती नाही...

प्रसिद्ध मराठी अभिनेते शिवाजी साटम यांनी २७ वर्षे या सीआयडी या मालिकेत काम केले. एसीपी प्रद्युम्नची भूमिका साकारून त्यांनी प्रेक्षकांच्या मनावर अधिराज्य केले. पण आता शोमधील त्यांची भूमिका संपली आहे. सोनी टीव्हीने सीआयडीमधील शिवाजीच्या भूमिकेचा अंत झाल्याची पुष्टी केली. चॅनेलच्या म्हणण्यानुसार अभिनेत्याचा २७ वर्षांचा दीर्घ प्रवास आता संपत आहे. आता शिवाजी साटम यांच्या जागी कोणता कलाकार येणार, हा खरा प्रश्न आहे. त्याच प्रश्नानंतर एक नाव समोर आले आहे.

साटम यांची रिप्लेसमेंट कोण?

सीआयडी मालिकेत एसीपी प्रद्युम्नची भूमिका साकारणाऱ्या शिवाजी साटमची जागा प्रसिद्ध टीव्ही कलाकार पार्थ समथान घणार आहे. तो एसीपी आयुष्मान म्हणून या मालिकेत दिसेल. तो आता दया (दयानंद शेट्टी) आणि अभिजीत (आदित्य श्रीवास्तव) सोबत नवीन प्रकरणे सोडवेल. सीआयडी २ मधील त्याच्या नवीन पात्राबद्दल बोलताना पार्थने 'सास बहू और बेटियां' ला सांगितले की, 'आम्ही हा शो लहानपणापासून पाहत आलो आहोत. हा एक आयकॉनिक शो आहे, जो अनेक वर्षांपासून सुरू आहे.

साटम नेमकं काय म्हणाले?

शिवाजी साटम यांनी अलिकडेच दिलेल्या एका मुलाखतीत खुलासा केला की, त्यांच्या पात्राला शोमधून काढून टाकल्याबद्दल त्यांना माहिती देण्यात आली नव्हती. ते म्हणाला की त्याने काही काळासाठी ब्रेक घेतला होता आणि त्याला त्याचा ट्रॅक संपल्याचे सांगण्यात आले नव्हते. बॉम्बे टाईम्सशी बोलताना शिवाजी साटम म्हणाले, 'मला याबद्दल कोणतीही माहिती नाही. मी काही काळ ब्रेक घेतला आहे आणि निर्मात्यांना माहिती आहे की शोमध्ये पुढे काय आहे. मी सर्वकाही माझ्या मनाप्रमाणे करायला शिकलो आहे आणि जर माझा मार्ग संपला तर मला काही हरकत नाही. तथापि, माझा ट्रॅक संपला आहे की नाही हे मला सांगण्यात आलेले नाही! सध्या मी या शोचे शूटिंग करत नाहीये.