सोनाक्षीचे नाव वडीलांच्या संपत्तीत नाही, शत्रुघ्न सिन्हांकडून मिळणार नाही एक पैसा

मुंबई: बॉलिवूड अभिनेत्री सोनाक्षी सिन्हा सध्या तिच्या लग्नामुळे भलतीच चर्चेत आहे. 23 जून रोजी तिचा झहीर इक्बालसोबत विवाह झाला. जर आपण सोनाक्षीच्या एकूण संपत्तीबद्दल बोलयचं झालं तर तिच्याकडे प्रचंड पैसा आणि संपत्ती आहे.

सोनाक्षी सिन्हाकडे आलिशान घर, आलिशान कार आणि याशिवाय तिची संपत्तीही करोडोंमध्ये आहे. वडील शत्रुघ्न सिन्हा यांच्याबद्दल बोलायचे झाले तर त्यांची एकूण संपत्ती 210 कोटी रुपये आहे. मीडिया रिपोर्ट्सनुसार, त्याच्या रामायण नावाच्या घराची किंमत 88 कोटी रुपये आहे.

मिळालेल्या माहितीनुसार, शत्रुघ्न सिन्हा यांची चार घरे आहेत जी पाटणा, मुंबई, मेहरौली, डेहराडून आणि दिल्ली येथे आहेत. मात्र आश्चर्याची गोष्ट म्हणजे शत्रुघ्न सिन्हा यांनी ही सर्व मालमत्ता त्यांच्या मुलांच्या नावावर ठेवली असली तरी सोनाक्षी सिन्हाच्या नावावर काहीही नाही. सोनाक्षीने तिचे घर बांधण्यासाठी तिच्या वडिलांकडून पैसेही घेतले होते.

रिपोर्ट्सच्या माहितीनुसार सोनाक्षी सिन्हाने तिचे वडील शत्रुघ्न सिन्हा यांच्याकडून मुंबईतील अपार्टमेंट खरेदी करण्यासाठी 11.58 कोटी रुपये घेतले होते. या घराची एकूण किंमत 14 कोटी रुपये आहे. आता सोनाक्षी सिन्हाने झहीर इक्बालसोबत लग्न केले आहे. सोनाक्षीचा नवरा म्हणजे झहीरला इंडस्ट्रीत विशेष ओळख मिळवता आली नसली तरी त्याचे वडील मोठे उद्योगपती आहेत.

सोनाक्षी सिन्हा आणि झहीर इक्बाल यांचे 23 जून रोजी लग्न झाले आहे. ज्यामध्ये या जोडप्याचे कुटुंबीय, जवळचे मित्र आणि बॉलिवूडचे सर्व स्टार्स सहभागी झाले होते. दोघांचे फोटो आणि व्हिडिओ सोशल मीडियावर व्हायरल होत आहेत. मात्र, या खास प्रसंगी सोनाक्षीचे दोन्ही भाऊ लव-कुश गायब होते. त्यानंतर असे अंदाज लावले जात आहेत की, तिचे दोन्ही भाऊ अजूनही सोनाक्षीच्या लग्नावर नाराज आहेत. मात्र, सत्य काय आहे, याबाबत काहीही सांगता येणार नाही.