वादग्रस्त रणवीरचा नवा व्हिडीओ आला; त्यापूर्वी म्हणाला, 'मला एक संधी द्या'; व्हिडीओत नेमकं काय? पहा

इंडियाज गॉट लेटेंट शोमध्ये आक्षेपार्ह टिप्पणीनंतर वादात सापडलेला युट्यूबर रणवीर अलाहबादिया एक महिना सोशल मीडियापासून दूर होता. आता त्याने त्याचा ब्रेक तोडला आहे. सोशल मीडिया प्लॅटफॉर्मवर रणवीरने त्याच्या टीमसोबतचे अनेक फोटो पोस्ट केले. मला माफ करा म्हणत त्याने या कठीण प्रसंगात आपल्यासोबत राहिलेल्या लोकांचे आभारही मानले. मला एक संधी द्या, असे आवाहनही त्याने या व्हिडीओतून केले आहे.

इंस्टाग्रामवर नेमके काय म्हटले?

रणवीर घरी आराम करत असतानाचा, सोफ्यावर लॅपटॉप घेऊन बसलेला, आजीसोबत सेल्फी काढताना, पाळीव कुत्र्यासोबतचे असे अनेक फोटो त्याच्या सोशल मिडिया पेजवर शेअर केले आहेत. त्याखाली त्याने लिहिले आहे, "माझ्या प्रियजनांचे आभार (लाल हृदयाचा इमोजी). धन्यवाद, विश्व (हात जोडून इमोजी). एका नवीन धन्य अध्यायाची सुरुवात - पुनर्जन्म..."

प्रियजनांचे मानले आभार

आपल्या बीअरबिसेप्स या इंस्टाग्राम पेजवर जाऊन, त्याने त्याची पोस्ट पुन्हा शेअर केली. त्याने स्टोरीजमध्ये लिहिले, "तुमच्या सर्वांमुळे बरे होत आहे (हृदयावर पट्टी बांधलेले इमोजी). उद्या आमच्यासोबत राहा." त्याने असेही लिहिले, "प्रत्येक संघमित्राचे आभार. या वादळातही, प्रत्येकजण पाठीशी उभा राहिला. खरा 'खजिना'."

नेमकं काय होतं प्रकरण?

समय रैनाच्या इंडियाज गाँट लॅटेंट शोमध्ये रणवीरने पालकांबाबत एक असभ्य वाक्य उच्चारले होते. विनोदाच्या संदर्भात केलेल्या या वक्तव्यामुळे संताप निर्माण झाला होता. त्याने या कार्यक्रमात महिलांबद्दल अनुचित विनोद केला होता. समय रैनाच्या युट्यूब रिअॅलिटी शो इंडियाज गॉट लेटेंटच्या एका भागात रणवीरने केलेल्या वक्तव्यानंतर वाद निर्माण झाला होता. त्याच्यावर अनेक ठिकाणी गुन्हे दाखल झाले. अखेर न्यायालयाने त्याला कार्यक्रम करण्याची परवानगी दिली.

सादर केला माफीनामा

अलीकडेच रणवीरने शोमध्ये केलेल्या आक्षेपार्ह वक्तव्याबद्दल राष्ट्रीय महिला आयोगाकडे लेखी माफीनामा सादर केला आहे. पालक आणि लैंगिक संबंधांबद्दलच्या त्याच्या टिप्पणीबद्दल त्याच्याविरुद्ध बीअरबायसेप्स बद्दल एफआयआर दाखल करण्यात आले होते. सर्वोच्च न्यायालयाने त्याला अटकेपासून अंतरिम संरक्षण दिले असले तरी, त्याने त्याच्या वक्तव्यांना "अश्लील" म्हटले होते. त्यानंतर न्यायालयाने त्याला कार्यक्रम करण्याची परवानगी दिली असे सांगितले जात आहे.

रणवीरचे आहेत लाखो फाॅलोअर्स

रणवीरचे X वर ६,००,००० पेक्षा जास्त फॉलोअर्स आहेत, इंस्टाग्रामवर ४.५ दशलक्ष आणि त्याच्या YouTube चॅनेलवर १.०५ दशलक्ष सबस्क्राइबर्स आहेत. X वर माफी मागणाऱ्या व्हिडिओमध्ये रणवीरने कबूल केले की त्याची टिप्पणी केवळ अयोग्यच नव्हती तर मजेदारही नव्हती. आता तुम्हाला एक नवा रणवीर दिसेल असे त्याने या व्हिडीओतून सांगितले आहे.