'अल्लू'सारखी दाढी अन् तोंडात बीडी, 'पेड्डी'चा फर्स्ट लूक आला; चाहत्यांची 'पुष्पा'शी तुलना, वाद काय?

साऊथचा सुपरस्टार असलेला रामचरण बाॅलिवूडमध्ये मात्र कमाल दाखवू शकला नाही. एकच फ्लाॅप चित्रपट करुन त्याने बाॅलिवूडला बायबाय केला. मात्र आता त्याच्या 'RC16' या नव्या कोऱ्या चित्रपटाची चांगलीच चर्चा सुरु आहे. रामचरण आज (२७ मार्चला) त्याचा ४० वा वाढदिवस साजरा करत आहे. त्यानिमित्त निर्मार्त्यांनी त्याच्या पुढच्या चित्रपटाचे शीर्षक 'पेड्डी' असेल असे जाहीर करुन टाकले. आजच या पेड्डीमधील राम चरणचा फर्स्ट लूक आणि चित्रपटाचे दोन पोस्टर्सही रिलीज करण्यात आले. जे पाहून चाहते त्याच्या लूकवर प्रतिक्रिया देऊ लागले आहेत. या लूकवर युजर्स 'मिनी पुष्पा' अशाही कमेंट करत आहेत.

कसा आहे 'पेड्डी'चा लूक?

'पहचान की लढाई' असे कॅप्शन लिहीत निर्मात्यांनी राम चरणच्या 'पेड्डी' चित्रपटातील अभिनेत्याचा पहिला लूक शेअर केला आहे. चित्रपटाचे दोन पोस्टर्सही शेअर करण्यात आले आहेत. त्यापैकी एका पोस्टरमध्ये अभिनेता लांब दाढी आणि केस आणि तोंडात जळत्या बिडीसह दिसत आहे. तर, दुसऱ्या पोस्टरमध्ये, राम चरण लाल आणि निळ्या रंगाचा पट्टेदार शर्ट घातलेला आणि हातात शस्त्र धरलेला दिसत आहे.

View this post on Instagram

A post shared by Ram Charan (@alwaysramcharan)

काय म्हणतात प्रेक्षक?

आता हे पोस्टर पाहिल्यानंतर राम चरणचे चाहते आनंदी आहेत. त्याच वेळी, काही लोक याला पुष्पाची प्रत म्हणत आहेत. एका वापरकर्त्याने पोस्टखाली लिहिले, "पुष्पाच्या पहिल्या लूकची कॉपी, सिगारेट जोडली आणि बस्स." दुसऱ्या वापरकर्त्याने लिहिले, 'मिनी पुष्पा.' दुसऱ्या वापरकर्त्याने कमेंट केली, 'पुष्पाची दुसरी आवृत्ती.'

कशी आहे 'पेड्डी'ची स्टारकास्ट?

या चित्रपटात राम चरणसोबत अभिनेत्री जान्हवी कपूर मुख्य भूमिकेत दिसणार आहे. याशिवाय शिवा राजकुमार देखील याचा एक भाग असतील. मिथ्री मुव्हीजच्या बॅनरखाली निर्मित 'पेड्डी' हा चित्रपट बुची बाबू सना दिग्दर्शित करणार आहे. सध्या, निर्मात्यांनी चित्रपटाच्या प्रदर्शन तारखेबाबत कोणतीही माहिती शेअर केलेली नाही.