Priya marathe : "देवा तुझी एकही चूक माफ होणार नाही!" प्रिया मराठेंच्या निधनानंतर शंतनु मोघेची पोस्ट

Priya marathe death one month shantanu moghe emotional tribute post : प्रसिद्ध अभिनेत्री प्रिया मराठे यांच्या निधनाला आज, एक महिना पूर्ण झाला आहे. या निमित्ताने, तिच्या कुटुंबियांनी समाज माध्यमांवर एक भावूक कृतज्ञता पोस्ट शेअर केली आहे. प्रियाच्या अकाली आणि दुर्दैवी निधनानंतर ज्या असंख्य लोकांनी कॉल, ई-मेल, व्हॉट्सअॅप, एक्स (X) आणि इंस्टाग्राम सारख्या विविध माध्यमांतून प्रेम आणि आशीर्वाद व्यक्त केले, त्या सर्वांचे त्यांनी मनःपूर्वक आभार मानले आहेत.

जगातून आलेल्या शुभेच्छांनी विश्वास वाढवला

कुटुंबियांनी पोस्टमध्ये म्हटले आहे की, "सर्व कुटुंबीय, मित्र, चाहते, अनुयायी आणि अनोळखी व्यक्तींनी अत्यंत उदारपणे त्यांच्या भावना व्यक्त केल्या. तुम्ही व्यक्त केलेली आपुलकी, प्रामाणिकपणा, दुःख आणि काळजी निःसंशयपणे आमच्यापर्यंत पोहोचली." जगातून आलेल्या अगणित शुभेच्छांनी आणि आशीर्वादांनी या कठीण काळात माणुसकीवरील आमचा विश्वास अधिक दृढ केल्याचे त्यांनी स्पष्ट केले.

'निर्मळ आत्म्या'च्या आठवणींनी हृदय दुःखी

आपले वैयक्तिक दुःख शब्दांत मांडणे अशक्य असल्याचे सांगत, त्यांनी प्रियाबद्दलच्या आपल्या भावना व्यक्त केल्या. "आम्हाला माहीत असलेल्या एका प्रेमळ, सकारात्मक आणि अत्यंत निर्मळ आत्म्याने घेतलेला हा अकाली, अन्यायकारक आणि अनपेक्षित निरोप आमच्या हृदयाला वेदना देऊन गेला आहे."

प्रिया मराठेने तिच्या कामातून, कलेतून, प्रेम, दयाळूपणा, वर्तन, संवेदनशीलता आणि सर्वात महत्त्वाचे म्हणजे 'कृती आणि सकारात्मक स्पंदनां' मधून असंख्य लोकांच्या हृदयाला स्पर्श केला, असे कुटुंबाने नमूद केले.

'देवहो, सावध राहा!' शंतनु मोघेंचे कठोर संदेश

पोस्टच्या शेवटी, कुटुंबाने प्रियाच्या आठवणीत एक अत्यंत भावूक आणि कठोर संदेश दिला आहे. त्यांनी लिहिले आहे की, "देवहो, सावध राहा... तिची काळजी घेण्यामध्ये किंवा तिच्यावर प्रेम करण्यामध्ये आता तुमच्याकडून एकही चूक झाली, तर ती माफ केली जाणार नाही. माझ्या प्रिया देवदूता... पुन्हा भेटेपर्यंत." शेवटी, सुख-दुःखात सोबत राहिलेल्या सर्व चाहत्यांचे आणि शुभचिंतकांचे त्यांनी अंतःकरणातून आभार मानले आहेत.

{video1}

शंतनू मोघेची इन्स्टाग्राम पोस्ट

प्रिया मराठे-शंतनु मोघेंबद्दल सेलिब्रेटींच्या भावना

शंतनु मोघेच्या पोस्टवर अनेकांनी भावना व्यक्त केल्या. सुप्रिया विनोद यांनी लिहिले की, तू जोडीदार कसा असावा याचा धडा घालून दिला आहेस...यापुढे तरी तुझ्या वाटेत काटे न पसरण्याची जबाबदारी देवाने घ्यावी हीच प्रार्थना... तर प्रिया मराठेची पवित्रा रिश्ता या मालिकेतील सहकारी राहीलेली अभिनेत्री प्रार्थना बेहरे हिने तिची रोज आठवण येते, अशी भावना कमेंटमध्ये व्यक्त केली आहे. अभिनेत्री संयोगिता भावे हिनेही प्रियाची देवाने खूप चांगल्या प्रकारे काळजी घ्यायला हवी, प्रियाच्या जाण्याचे तुला हे दुःख पचवायला शक्ती मिळो असे म्हटले आहे. तर एका युजर्सने पवित्र रिश्ता, पासुन सर्व घरात पहोचली होती जोडी अशी पोस्ट केली आहे.