ख्रिश्चन धर्म सोडून बनली हिंदू, आज आहे 200 कोटींच्या संपत्तीची मालकीण; कोण आहे ही लेडी सुपरस्टार?

भारतीय चित्रपटसृष्टीत अनेक अभिनेत्री आल्या, पण फार थोड्यांना 'सुपरस्टार' असा दर्जा मिळवता आला. दक्षिणेतील चित्रपटांमधून घराघरात पोहोचलेली, आणि आता संपूर्ण देशात आपली ओळख निर्माण केलेली अभिनेत्री म्हणजेच नयनतारा. ती चाहत्यांकडून 'लेडी सुपरस्टार' म्हणून ओळखले जाते आणि तिचं खाजगी आयुष्य जितकं ग्लॅमरस आहे, तितकंच ते उत्सुकता वाढवणारंही आहे.

ख्रिश्चन कुटुंबातून सुरुवात, पुढे हिंदू धर्म स्वीकारला

नयनताराचा जन्म 18 नोव्हेंबर 1984 रोजी बेंगळुरूमध्ये 'डायना मरियम कुरियन' या नावाने झाला. ती भारतीय हवाई दलातील अधिकारी कुरियन कोडियाट्टू आणि ओमाना कुरियन यांची मुलगी आहे. तिचं बालपण गुजरात, दिल्ली आणि जामनगर या ठिकाणी गेलं. शिक्षण घेत असतानाच तिने मॉडेलिंग सुरू केलं आणि याच माध्यमातून चित्रपटसृष्टीत प्रवेश केला.

वयाच्या 27व्या वर्षी, 2011 मध्ये तिने हिंदू धर्म स्वीकारला आणि नाव बदलून 'नयनतारा' ठेवलं. तिच्या या निर्णयाने त्यावेळी मोठी चर्चा झाली होती.

सिनेकारकीर्दीत झपाट्याने भरारी

2003 साली 'मनसिनक्कारे' या मल्याळम चित्रपटातून तिने पदार्पण केलं. पहिल्याच चित्रपटात तिने प्रेक्षकांचं लक्ष वेधून घेतलं. पुढे 2005 मध्ये 'अय्या' या तामिळ सिनेमातून ती प्रचंड गाजली आणि यशाची नवी वाट मिळाली.

हिंदी प्रेक्षकांसमोर ती 2023 साली 'जवान' चित्रपटातून आली. शाहरुख खानसोबत तिची जोडी आणि भूमिकेला भरभरून दाद मिळाली. या सिनेमाने 1000 कोटी रुपयांहून अधिक कमाई केली.

प्रेम, विवाह आणि मातृत्व

नयनताराचं नाव अतीतामध्ये अभिनेता प्रभूदेवासोबत जोडलं गेलं होतं. त्याआधी अभिनेता सिम्बूसोबत तिचं नातं चर्चेत होतं. मात्र 2022 मध्ये तिने दिग्दर्शक विग्नेश शिवनसोबत पारंपरिक विवाह केला. या दोघांनी सरोगसीद्वारे जुळ्या मुलांचे स्वागत केलं असून, त्यांच्या कुटुंबाचे फोटो सतत सोशल मीडियावर व्हायरल होत असतात.

झगमगती संपत्ती आणि आयुष्य

आज नयनतारा ही दक्षिणेतील सर्वाधिक मानधन घेणाऱ्या अभिनेत्रींपैकी एक मानली जाते. एका सिनेमासाठी ती 5 ते 10 कोटी रुपये आकारते. तिची एकूण मालमत्ता 200 कोटी रुपयांपेक्षा जास्त आहे. ती एका आलिशान 4BHK मुंबईतील फ्लॅटची मालकीण असून तिच्याकडे महागड्या लक्झरी कार्स आणि खासगी जेटही आहे.

आगामी प्रोजेक्ट्स

नयनतारा सध्या 'मूकुथी अम्मान 2' या चित्रपटाच्या चित्रीकरणात व्यस्त आहे. याशिवाय ती अनिल रविपुडी दिग्दर्शित आणि चिरंजीवी अभिनीत आगामी चित्रपटात महत्त्वाच्या भूमिकेत दिसणार आहे.