‘महावतार नरसिम्हा'चे आतापर्यंतचे सर्वात मोठे वीकेंड कलेक्शन, कमाई पाहून व्हाल थक्क

क्लीम प्रॉडक्शन्सचा 'महावतार नरसिम्हा', जो होम्बले फिल्म्सने सादर केला आहे, खऱ्या अर्थाने एक सरप्राईज हिट ठरला आहे. हा चित्रपट आता बॉक्स ऑफिसवर राज्य करत असून भारतीय सिनेमाला एका नव्या स्तरावर घेऊन जात आहे.

या चित्रपटाने भव्यता, आध्यात्मिकता आणि दमदार कथा यांना नव्या पद्धतीने जोडले आहे. मोठ्या संख्येने प्रेक्षकांना थिएटरकडे आकर्षित करत, या चित्रपटाने सातत्याने वाढत्या कलेक्शनसह बॉक्स ऑफिसवर आपली पकड कायम ठेवली आहे. आठवड्याच्या दिवसांमध्ये सर्वाधिक कमाई करताना, चित्रपटाने गुरुवारी ₹5.92 कोटींचा गल्ला जमवला आहे.

चित्रपटाला प्रेक्षक आणि समीक्षकांकडून सातत्याने उत्कृष्ट प्रतिसाद मिळत आहे. माउथ ऑफ वर्डचा (माहिती एकाकडून दुसऱ्याकडे पसरणे) फायदा मिळत असल्यामुळे चित्रपटाची कमाई वाढत आहे. बॉक्स ऑफिसवर मजबूत पकड कायम ठेवत, या चित्रपटाने गुरुवारी ₹5.92 कोटी कमावले, जे आतापर्यंतचे आठवड्यातील दिवसांचे (weekday) सर्वाधिक कलेक्शन आहे. हे स्पष्टपणे दर्शवते की चित्रपट पाहण्यासाठी प्रेक्षकांची आवड वाढत आहे. उत्तम माउथ ऑफ वर्डमुळे, येत्या काही दिवसांत कलेक्शन आणखी वाढण्याची अपेक्षा आहे.

होम्बले फिल्म्स आणि क्लीम प्रॉडक्शन्सने एकत्र येऊन या भव्य अ‍ॅनिमेटेड फ्रँचायझीची अधिकृत लाइनअप जाहीर केली आहे. पुढील दहा वर्षांत भगवान विष्णूच्या दहा अवतारांची गाथा या माध्यमातून सांगण्यात येईल. या युनिव्हर्सची सुरुवात महावतार नरसिम्हा (2025) पासून झाली आहे, त्यानंतर महावतार परशुराम (2027), महावतार रघुनंदन (2029), महावतार द्वारकाधीश (2031), महावतार गोकुळानंद (2033), महावतार कल्की भाग 1 (2035) आणि महावतार कल्की भाग 2 (2037) हे चित्रपट येतील. हे युनिव्हर्स भारतीय पौराणिक कथांना नवीन तंत्रज्ञान आणि भव्यतेसह प्रेक्षकांसमोर सादर करेल.

'महावतार नरसिम्हा'चे दिग्दर्शन अश्विन कुमार यांनी केले असून, शिल्पा धवन, कुशल देसाई आणि चैतन्य देसाई यांनी क्लीम प्रॉडक्शन्सच्या बॅनरखाली त्याची निर्मिती केली आहे. आकर्षक आशयासाठी प्रसिद्ध असलेल्या होम्बले फिल्म्ससोबतची ही भागीदारी विविध मनोरंजन प्लॅटफॉर्म्सच्या माध्यमातून एक उत्कृष्ट सिनेमाई कलाकृती सादर करण्याचे उद्दिष्ट ठेवते. उत्कृष्ट व्हिज्युअल, सांस्कृतिक विविधता, उत्कृष्ट चित्रपट तंत्रज्ञान आणि मजबूत कथेसह हा चित्रपट 3D मध्ये आणि पाच भारतीय भाषांमध्ये प्रदर्शित झाला आहे.