Kapoor Family Education : रणबीर कपूर, करीना कपूरचे शिक्षण किती? कपूर कुटुंबात कोण किती शिकलेले? वाचा

Kapoor Family Education : पृथ्वीराज कपूर, राज कपूर, रणधीर कपूर, ऋषी कपूर, करीष्मा कपूर ते करीना आणि रणवीर अशी कित्येक नावे कपूर फॅमिलीतील आहेत, ज्यांनी बाॅलीवूडमध्ये एकापेक्षा एक सरस सिनेमे देत कला क्षेत्रात अढळस्थान प्राप्त केले.हे कुटुंब कलेचा वारसा जोपासत असून ते बॉलिवूडमधील सर्वात मोठे चित्रपट कुटुंब म्हटले जाते. त्यांची चौथी पिढी चित्रपट उद्योगावर राज्य करत आहे.

कपूर फॅमिलीच्या सर्व पिढ्या 1928 पासून आतापर्यंत चित्रपट उद्योगाशी संबंधित आहेत, प्रेमकथेपासून भयपट ते विनोदी सिनेमापर्यंत सुपरहिट चित्रपट या फॅमिलीतील कलाकारांनी दिले आहेत. या फॅमिलीतील पहिले कलाकार जे होते त्यांचे नाव आहे, पृथ्वीराज कपूर.. हे 1928 मध्ये 'दो धारी तलवार'या हिंदी चित्रपटातून बॉलिवूडमध्ये पदार्पण केले.

कपूर कुटुंबाची दुसरी पिढी?

दुसऱ्या पिढीत पृथ्वीराज कपूर यांचे तीन मुलांचा समावेश आहे. राज कपूर, शम्मी कपूर आणि शशी कपूर अशीही स्टारकास्टची नावे प्रामु्ख्याने घेतली जातात. या तिघांनीही बॉलिवूडमध्ये खूपच लोकप्रियता मिळवली होती.

कपूर कुटुंबाची तिसरी पिढी कोणती?

कपूर कुटुंबाच्या तिसऱ्या पिढीत राज कपूर यांचे 3 मुलांचा समावेश होतो, यामध्ये रणधीर कपूर, ऋषी कपूर आणि राजीव कपूर हे देखील अभिनेते बनले.

कपूर कुटुंबातील चौथी पिढी कोणती?

कपूर कुटुंबाची चौथी पिढीही बॉलिवूडवर राज्य करत आहे. रणधीर कपूर यांच्या दोन्ही मुली करिश्मा कपूर आणि करीना कपूर या प्रसिद्ध बॉलिवूड अभिनेत्री आहेत तर ऋषी कपूर यांचा मुलगा रणबीर कपूर बॉलिवूड स्टार झाला आहे. लोकांना त्याचा अभिनय खूप आवडतो.

कपूर कुटुंबात कोण किती शिकलेले आहेत?

राज कपूर

पृथ्वीराज कपूर यांच्या तीन मुलांपैकी सर्वात मोठे, राज कपूर यांना हिंदी चित्रपटसृष्टीचे शोमन म्हटले जाते. राज कपूर हे एक मजबूत अभिनेता तसेच एक उत्कृष्ट निर्माता आणि दिग्दर्शक होते. त्यांनी मुंबईतील कॅम्पियन स्कूलमधून बारावीपर्यंत शिक्षण घेतले.

शम्मी कपूर

पृथ्वी राज कपूर यांचे दुसरे पुत्र शम्मी कपूर यांचे खरे नाव शमशेर राज कपूर होते. शम्मी कपूर हे हिंदी चित्रपटांचे एक सशक्त अभिनेते होते. त्यांना इंडस्ट्रीचा उत्तम नृत्य राजा म्हणूनही ओळखले जात असे. त्यांनी मुंबईतील न्यू एरा स्कूलमधून बारावीपर्यंत शिक्षण घेतले.

शशी कपूर

पृथ्वी राज कपूर यांचे धाकटे पुत्र शशी कपूर यांचे खरे नाव बलबीर राज कपूर होते. त्यांना बॉलिवूडचा यशस्वी नायक बनायचे होते आणि अशा परिस्थितीत त्यांनी त्यांचे शालेय शिक्षण अर्ध्यावरच सोडले. शशी कपूर मुंबईतील डॉन बॉस्को स्कूलमध्ये शिक्षण घेत असत पण त्यांना दहावीही उत्तीर्ण होता आले नाही.

कपूर कुटुंबातील तिसऱ्या पिढीतील अभिनेते आणि राज कपूर यांचे मोठे पुत्र रणधीर कपूर हे देखील हिंदी चित्रपटांचे एक उत्तम अभिनेते आहेत. त्यांनी मुंबईतील कॅम्पियन स्कूलमधून बारावीपर्यंत शिक्षण घेतले आहे.

ऋषी कपूर

ऋषी कपूर हे कपूर कुटुंबातील तिसऱ्या पिढीतील सर्वात यशस्वी आणि हुशार अभिनेते होते. देहरादूनच्या कर्नल ब्राउन केंब्रिज स्कूल आणि मुंबईच्या कॅम्पियन स्कूलमधून शिक्षण घेतल्यानंतर, त्याने अजमेरच्या प्रसिद्ध मेयो कॉलेजमध्ये प्रवेश घेतला परंतु तो अकरावीत नापास झाला.

राजीव कपूर

राज कपूर यांचा धाकटा मुलगा राजीव कपूर यांनी 'राम तेरी गंगा मैली' या चित्रपटातून बॉलिवूडमध्ये पदार्पण केले. हा चित्रपट सुपरहिट ठरला. अशा परिस्थितीत तो एका रात्रीत स्टार बनला पण त्यानंतर त्याची चित्रपट कारकीर्द चांगली चालली नाही. राजीव कपूर यांनी 'अवर लेडी ऑफ पर्पेच्युअल सकर' स्कूलमधून दहावीपर्यंत शिक्षण घेतले.

करिश्मा कपूर

करिश्मा कपूर ही कपूर कुटुंबातील चौथ्या पिढीतील पहिली अभिनेत्री आहे. तिने वयाच्या 16 व्या वर्षी चित्रपटांमध्ये काम करायला सुरुवात केली. ती बॉलिवूडची एक शक्तिशाली नायिका म्हणून उदयास आली. करिश्मा कपूरने फक्त 10 वीपर्यंत शिक्षण घेतले आहे.

करीना कपूर

करीना कपूर ही बॉलिवूडची एक उत्तम अभिनेत्री आहे. ती करिश्मा कपूरची धाकटी बहीण आहे. शालेय शिक्षण पूर्ण केल्यानंतर तिने मुंबईतील मिठीबाई कॉलेजमध्ये बी.कॉम.मध्ये प्रवेश घेतला, परंतु 2 वर्षांनी तिने अभ्यासक्रम अर्धवट सोडून चित्रपटांमध्ये काम करण्यास सुरुवात केली.

रणबीर कपूर

हा रणबीर कपूर कुटुंबातील सर्वात शिक्षित आहे. तो बॉलीवूडचा एक शक्तिशाली अभिनेता आहे. त्याने मुंबईतील बॉम्बे स्कॉटिश स्कूलमधून 12 वी पर्यंत शिक्षण घेतले. त्यानंतर त्याने मुंबईतील एचआर कॉलेज ऑफ कॉमर्स अँड इकॉनॉमिक्समधून पदवी प्राप्त केली. रणबीर कपूरने न्यू यॉर्कमधून अभिनय आणि चित्रपट निर्मितीचे शिक्षण देखील घेतले आहे.