Kannappa BO Collection: 'कन्नप्पा'ला मिळाला दमदार स्टारकास्टचा लाभ; पहिल्याच दिवशी कमाईत लावली आग!

Kannappa Box Office Collection Day 1 : विष्णू मंचू हा अभिनेता दक्षिणेत त्याच्या अ‍ॅक्शन स्टाईलसाठी ओळखला जातो. अलीकडेच या अभिनेत्याचा 'कन्नप्पा' हा चित्रपट संपूर्ण भारतात प्रदर्शित झाला. हा तेलुगू चित्रपट इतर दक्षिण भारतीय भाषांसह हिंदीमध्ये प्रदर्शित झाला आहे.

या चित्रपटाबद्दल सोशल मीडियावर जोरदार चर्चा सुरु झालेली आहे. त्याचे दुसरं कारण म्हणजे, अक्षय कुमार देखील त्यात एका महत्त्वाच्या भूमिकेत दिसला आहे. तसेच, चित्रपटात लोकप्रिय दक्षिणात्य कलाकारा देखील आहेत. त्यामुळे पहिल्याच दिवशी कन्नप्पा हा चित्रपट बॉक्स ऑफिसवर चांगलाच लोकांच्या पसंदीस पडला आहे. कारण, विविध स्टार एकत्र असल्याने पहिल्याच दिवशी चित्रपटाने छप्पर फाड कमाई केली आहे.

पहिल्या दिवसाचे कलेक्शन (Kannappa Box Office Collection Day 1)

आतापर्यंत मिळालेल्या आकडेवारीनुसार, 'कन्नप्पा' चित्रपटाने पहिल्या दिवशी 6.5 कोटी रुपये कलेक्शन केले आहेत. अखेर चित्रपटाला त्याच्या दमदार स्टारकास्टचा फायदा मिळाला आहे.

विष्णू मंचू व्यतिरिक्त, अक्षय कुमार, काजल अग्रवाल, प्रभास, रघु बाबू आणि मधू देखील या चित्रपटात महत्त्वाच्या भूमिका साकारताना दिसत आहेत.

हे सर्व कलाकार आपापल्या उद्योगात खूप लोकप्रिय आहेत. पडद्यावर इतके कलाकार एकत्र पाहणे हा प्रेक्षकांसाठी एक अनोखा अनुभव आहे.

चित्रपटाची कथा काय आहे

जर आपण 'कन्नप्पा' या पौराणिक, अ‍ॅक्शन ड्रामा चित्रपटाच्या कथेबद्दल बोललो तर ते कन्नप्पा नावाच्या शिवभक्ताची पौराणिक कथा दाखवते. चित्रपटात विष्णू मंचूने कन्नप्पाची भूमिका साकारली आहे, तो एक आदिवासी योद्धा आहे. सुरुवातीला तो देवावर विश्वास ठेवत नाही, परंतु नंतर तो सर्वात मोठा शिवभक्त बनतो. ही कथा एका नास्तिकाचा आस्तिक होण्याचा प्रवास दाखवते.

भगवान शिवाच्या भूमिकेत अक्षय कुमार!

या चित्रपटात अक्षय कुमार भगवान शिवाची भूमिका साकारत आहे. सध्या अक्षय कुमारचा हा लूक खूप चर्चेत आहे. 'कन्नप्पा' चित्रपटाचा भाग असल्याचा अक्षय कुमार देखील खूप आनंदी आहे.

त्याने 'ओ माय गॉड -2' मध्ये भगवान शिवाची भूमिका साकारली आहे. वास्तविक जीवनातही तो भगवान शिवाचा भक्त आहे.

स्पर्धेत असलेले हे बॉलीवूड-हॉलिवूड चित्रपट

दक्षिण भारतीय चित्रपट 'कन्नप्पा'ने पहिल्या दिवशी चांगला कलेक्शन केले आहे. पण त्याचा पुढचा मार्ग सोपा नसेल. या चित्रपटाशी स्पर्धा करणारे अनेक चित्रपट आहेत. आमिर खानचा 'सितारे जमीन पर' आणि दाक्षिणात्य चित्रपट 'कुबेर' हे चित्रपट आधीच थिएटरमध्ये आहेत.

याशिवाय काजोलचा 'मा' हा चित्रपटही आज म्हणजेच शुक्रवारी प्रदर्शित झाला आहे. याशिवाय 'एफ1' हा हॉलिवूड चित्रपटही भारतात प्रदर्शित झाला आहे. इतक्या चित्रपटांमध्ये 'कन्नप्पा' आपला कलेक्शन कसा टिकवून ठेवेल हे येणारे काही दिवसांच्या काळातच कळणार आहे.