कंगना रानावतच्या ‘इमर्जन्सी' चित्रपट रिलीजसाठी निर्मात्यांनी ठोठावले कोर्टाचे दार, हे केले आरोप

kangana ranauts film emergency : कंगणा रानावत हिची भूमिका असलेला इमर्जन्सी हा चित्रपटाचा मोठा गाजावाजा केला जात आहे. एकीकडे हा चित्रपट काँग्रेसवर अॅटॅक केला जात असल्याचे बोलले जात आहे.

बॉलिवूड अभिनेत्री कंगना राणौतचा आगामी चित्रपट 'इमर्जन्सी' चित्रपटाच्या निर्मात्यांनी चित्रपट प्रदर्शित करण्याची मागणी करत न्यायालयात धाव घेतली आहे. इमर्जन्सी चित्रपटाची सहनिर्माती झी एंटरटेनमेंट एंटरप्रायझेसने बुधवारी मुंबई उच्च न्यायालयात अपील केले आहे. 'इमर्जन्सी' चित्रपटाच्या सहनिर्मात्याची ही याचिका न्यायमूर्ती बीपी कुलाबावाला आणि फिरदौस पूनीवाला यांच्या खंडपीठासमोर तातडीने सुनावणीसाठी सादर करण्यात आली आहे.

या याचिकेवर आज, 4 सप्टेंबर रोजी मुंबई न्यायालयात सुनावणी होण्याची शक्यता आहे. कंगना रानावतचा हा चित्रपट सहा सप्टेंबरला प्रदर्शित होत आहे, मात्र अद्याप सेन्सॉर प्रमाणपत्र मिळालेले नाही. झी एंटरटेनमेंट एंटरप्रायझेसने चित्रपटाचे प्रदर्शन आणि सेन्सॉर प्रमाणपत्र मागितले. सेन्सॉर बोर्डाने प्रमाणपत्र देण्यास तयार असतानाही ते मनमानी आणि बेकायदेशीरपणे रोखले आहे, असा दावा याचिकेत करण्यात आला आहे.

का होत आहे चित्रपटाला विरोध

कंगना रानावतच्या 'इमर्जन्सी' चित्रपटाला शिरोमणी अकाली दलासह अनेक शीख संघटना विरोध करत आहेत. शीख समुदायाने चित्रपटात दाखवण्यात आलेल्या दृश्यांवर आक्षेप व्यक्त केला आहे. या चित्रपटात शीख समाजाचे चुकीचे चित्रण करण्यात आले असून ऐतिहासिक तथ्यांचा विपर्यास करण्यात आल्याचा आरोप त्यांनी केला आहे.
त्यामुळेच या चित्रपटाला प्रदर्शनापूर्वीच विरोध आणि आव्हानांचा सामना करावा लागत आहे.

अजूनही सेन्साॅर प्रमाणपत्र नाही

उल्लेखनीय हे की, इमर्जन्सी हा चित्रपट एक चरित्रात्मक चित्रपट आहे. ज्यामध्ये कंगना रानावत मुख्य भूमिकेत आहे आणि कंगनाने या चित्रपटाचे दिग्दर्शन आणि सह-निर्मिती देखील केली आहे. या चित्रपटात कंगना रानावत भारताच्या माजी पंतप्रधान इंदिरा गांधी यांची भूमिका साकारली आहे.'आणीबाणी'संदर्भात न्यायालयात दाखल केलेल्या याचिकेनुसार, सेन्सॉर बोर्डाने प्रमाणपत्र देण्यास केलेला विलंब मनमानी आणि बेकायदेशीर दोन्ही प्रकारचा आहे. यामुळे झी एंटरटेनमेंट एंटरप्रायझेसने वेळेवर सोडण्यासाठी न्यायालयीन हस्तक्षेपाची मागणी केली आहे.

English summary

kangana ranauts film emergency