Kamal Haasan : बालकलाकार ते पद्मभूषण! सिनेक्षेत्रातील लखलखता तारा वाचा कमल हसन यांचा जीवनप्रवास!

Kamal Haasan Birthday Special : सनम तेरी कसम, एक नई पहेली, गिरफ्तार, पुष्पक, अप्पू राजा, हिंदुस्तानी, हे राम, मुंबई एक्स्प्रेस, चाची 420 आणि बाॅक्स ऑफिसवर हुकमी एक्का ठरलेला एक दुजे के लिए हा चित्रपट ही यादी जर वाचली तर नक्कीच डोळ्यासमोर एकच नाव येते ते म्हणजे कमल हसन..भारतीय चित्रपट सृष्टीतील सुपरस्टार आणि आपल्या अफलातून अभिनयाने रसिकांच्या हृदयात स्थान मिळवणारा अभिनेता. आज या अभिनेत्याचा जन्मदिन.. 7 नोव्हेंबर 1954 रोजी झाला. आज त्यांना 70 वर्ष पूर्ण झाले आहे, तर त्यांनी आज 71 व्या वर्षात पदार्पण केले आहे.

आज आपण कमल हसन यांची जीवनगाथा, त्यांचे चित्रपट, त्यांचे शिक्षण, सिनेक्षेत्रातील प्रवास,मिळालेले पुरस्कार आदी सर्व गोष्टींबद्दल माहिती जाणून घेणार आहोत. या लेखातून आपण त्यांचे जीवनचरित्र उलगडणार आहोत.

जन्म अन् शिक्षण

फिल्मी बीटच्या माहितीनुसार, परमकुडी (जि. रामानाथपुरम्) येथे कमल हसन यांचा जन्म झाला. त्यांचे वडील डी. श्रीनिवासन हे वकील होते. सध्या ते चेन्नईत राहतात. त्यांना वाचनाचा छंद आहे. प्रसिद्ध अभिनेत्री श्रृती हसन आणि अक्षरा हसन या त्यांच्या मुली आहेत. कमी शिक्षणानंतर त्यांनी 69 व्या वर्षी एआय चे शिक्षण घेण्याचा मानस व्यक्त केला होता त्यानंतर त्यांनी प्रवेशही घेतला असे माध्यमांच्या रिपोर्टनुसार सांगितले जाते. तमिळ, तेलगू,कन्नड आणि हिंदी चित्रपटात त्यांनी अनेक दर्जेदार भूमिका केल्या. त्यांचे बरेच चित्रपट गाजले. यामध्ये एक दुजे के लिए या चित्रपटाने तर बाॅक्स ऑफिसवर धमाल केली होती. पुष्पक हा मुकपटही त्यांचा बराच गाजला.

कमल हसन चरित्र

​​कमल हसन, चाहत्यांमध्ये युनिव्हर्सल हिरो म्हणून ओळखले जातात. जन्मतः एक तामिळ तरुण नंतर भारतीय चित्रपट क्षेत्रातील दिग्गज अभिनेता आणि दिग्दर्शक झाला, जो तमिळ चित्रपटसृष्टीतील आघाडीच्या अभिनेत्यांपैकी एक मानला जातो. 1975 च्या अपूर्व रागंगल या नाटकातील त्याच्या भूमिकेने कमल हसन यांना मुख्य अभिनयात यश मिळाले, यात ते एका वृद्ध स्त्रीच्या प्रेमात असलेल्या बंडखोर तरुणाची भूमिका साकारली होती.

1982 च्या मूंद्रम पिराईमधील लहान मुलांसारखे स्मृतीविकार असलेल्या एका निरागस शाळेतील शिक्षकाच्या भूमिकेसाठी त्यांनी पहिला भारतीय राष्ट्रीय चित्रपट पुरस्कार मिळवला. मणिरत्नमच्या गॉडफाथेरेस्क नायगन (1987) मधील अभिनयासाठी तो विशेषतः प्रख्यात होता, ज्याला टाइम मासिकाने आतापर्यंतच्या 100 सर्वोत्कृष्ट चित्रपटांपैकी एक म्हणून स्थान दिले होते.

करिअरची सुरुवात

1960 मध्ये ए. भीमसिंग दिग्दर्शित कलथूर कन्नम्मा या चित्रपटातून कमल हसन यांनी 6 वर्षांचे असताना बालकलाकार म्हणून चित्रपटसृष्टीत पदार्पण केले. ज्येष्ठ तामिळ अभिनेते जेमिनी गणेशन यांच्यासोबत या चित्रपटात त्यांची भूमिका होती. या भुमिकेने त्यांना सर्वोत्कृष्ट बालकलाकाराचा राष्ट्रीय चित्रपट पुरस्कार मिळवून दिला. त्यानंतरच्या काही वर्षांत त्यांनी बालकलाकार म्हणून इतर पाच तमिळ चित्रपटांमध्ये अभिनय केला, शिवाजी गणेशन आणि एम. जी. रामचंद्रन यांच्यासह त्या काळातील लोकप्रिय अभिनेत्यांसह सहकलाकार म्हणून त्यांनी काम केले.

यशाचे शिखर

• मल्याळम चित्रपट कन्याकुमारी (1974) मधील भूमिकेसाठी कमल हसन यांना प्रथम प्रादेशिक फिल्मफेअर पुरस्कार मिळाला.
• पुढील चार वर्षांत, त्यांनी सलग चार सर्वोत्तम तामिळ अभिनेत्याच्या पुरस्कारांसह सहा प्रादेशिक सर्वोत्कृष्ट अभिनेत्याचे फिल्मफेअर पुरस्कार जिंकले.
• 1970 च्या उत्तरार्धात त्यांच्या वाढलेल्या प्रसिद्धीनंतर, कमल हसन यांना दशकाच्या शेवटी एक प्रमुख तामिळ चित्रपट स्टार मानले जात होते.
• 1980 मध्ये गुरू आणि वरुमायिन निरम सिगप्पू यांच्यासोबत अभिनेत्री श्रीदेवीसोबतची त्यांची लोकप्रिय जोडी कायम राहिली.दोन्ही चित्रपट या अभिनेत्यांसाठी ब्लॉकबस्टर यशस्वी ठरले.
• कमल हसन यांच्या कारकिर्दीचा 100 वा चित्रपट 1981 च्या राजा परवाईमध्ये होता, ज्याने चित्रपट निर्मितीमध्येही पदार्पण केले.
• 'एक दुजे के लिए' मधील त्यांची पुढची भूमिका, हा त्यांचा पहिला हिंदी भाषेतील चित्रपट ठरला.
• 'हे राम'भारताच्या फाळणी आणि महात्मा गांधी यांच्या हत्येभोवती हा चित्रपटातही त्यांनी भूमिका साकारली.

वैवाहिक जीवन

कमल हसन यांनी प्रथम वाणी गणपती आणि नंतर सारिका या अभिनेत्रीशी लग्न केले. त्यांना अक्षरा हसन आणि श्रुती हसन या दोन मुली आहेत. घटस्फोटानंतर ते गौथमी या आणखी एका प्रसिद्ध भारतीय चित्रपट अभिनेत्रीसोबत राहू लागले. यानंतर 2016 मध्ये ते लिव्ह इन रिलेशनशिपमधून वेगळे झाले होते.

कमल हसन यांचे राजकारण

कमल हसन यांनी 21 फेब्रुवारी 2018 रोजी आपला राजकीय पक्ष मक्कल निधि मैयम औपचारिकपणे लाँच केला. पक्षाच्या ध्वजात काळ्या पार्श्वभूमीवर मध्यभागी एक पांढरा तारा असलेल्या वैकल्पिक लाल आणि पांढऱ्या रंगात एका वर्तुळात सहा हात जोडलेले दिसतात. राजकारणात फारसे यश कमल हसन यांना मिळालेच असे नाही.

कमल हसन यांना मिळालेले पुरस्कार

कमल हसन यांना पद्मश्री आणि पद्मभूषण हा भारत सरकारचा अनुक्रमे चतुर्थ अन् तृतीय सर्वोच्च पुरस्कार प्राप्त आहे. बेस्ट स्टोरीसाठी आणि बेस्ट अॅक्टरसाठी त्यांना दोन फिल्मफेअर अवार्ड मिळालेले आहेत. तामिळनाडू, पश्चिम बंगाल, आंध्रप्रदेश सरकारचे पुरस्कारही त्यांना प्राप्त आहेत. याशिवाय त्यांना 1980 ते 2019 पर्यंत अनेक पुरस्कार प्राप्त आहेत.

आज 7 नोव्हेंबरला वयाची सत्तरी पार केली. यानंतर ते आजही रसिकांच्या मनावर गारुड घालणारे अभिनेते आहेत, त्यांच्या अभिनयाची आणि चेहऱ्यावरली हावभावाची मोहीनी आजही रसिकांवर आहे.