बीग बी अमिताभ बच्चनच्या यांच्या या कृतीमुळे नेटक-यांकडून होतय कौतूक, पहा व्हिडीओ

Manoj Kumar Funeral: बॉलिवूडचे सुपरस्टार मनोज कुमार यांचे वयाच्या 87 व्या वर्षी निधन झाले आहे. त्यानंतर आज त्यांचे अंतिम संस्कार केले जात आहेत. मनोज कुमार यांचे पार्थिव आदरपूर्वक भारतीय राष्ट्रध्वजात गुंडाळण्यात आले होते. अंत्यसंस्कारापूर्वी मनोज कुमार यांचे अंतिम दर्शन घेण्यासाठी बॉलिवूडमधील अनेक सेलिब्रिटी पोहोचत होते. यादरम्यान अमिताभ बच्चन आणि सलीम खान (Amitabh Bachchan Salim Khan Video) यांचा एक व्हिडिओ समोर आला आहे जो खूप वेगाने व्हायरल होत आहे.

अमिताभ बच्चन यांनी सलीम खान यांना आधार देत चौकशी केली

दरम्यान 89 व्या वर्षी सलीम खान यांना चालताना आधाराची गरज भासत आहे. हे सर्व असूनही सलीम खान मनोज कुमार यांच्या अंतिम संस्कारासाठी आणि त्यांना श्रद्धांजली वाहण्यासाठी पोहोचले. यावेळी अमिताभ बच्चन आणि त्यांचा मुलगा अभिषेक बच्चनसोबत येथे आले होते. अमिताभ बच्चन यांनी सलीम खानला पाहताच त्यांना भेटले आणि काही काळ त्यांना आधारही दिला.

अमिताभ बच्चन आणि सलीम खान यांचा व्हिडिओ व्हायरल

अमिताभ बच्चन आणि सलीम खान यांचा हा व्हिडिओ सोशल मीडियावर मोठ्या प्रमाणात व्हायरल होत आहे. अमिताभ बच्चन यांची ही कृती नेटकऱ्यांना खूप भावली आहे. यासोबतच व्हिडिओला खूप लाईक आणि शेअर केले जात आहे.

मनोज कुमार यांचे निधन

रुपेरी पडद्यावर 'भारत कुमार' म्हणून प्रसिद्ध असलेल्या या अभिनेत्याने शुक्रवारी सकाळी मुंबईतील कोकिलाबेन रुग्णालयात अखेरचा श्वास घेतला. मनोज कुमार यांचा मुलगा कुणाल गोस्वामी याने एएनआय या वृत्तसंस्थेला सांगितले की, त्यांचे वडील बऱ्याच काळापासून प्रकृतीच्या समस्यांमुळे त्रस्त होते. शेवटच्या क्षणी त्यांना फारसा त्रास झाला नाही आणि त्याने शांततेने जगाचा निरोप घेतला.

मनोज कुमार यांच्यावर अंत्यसंस्कार

ज्येष्ठ अभिनेते मनोज कुमार यांच्यावर आज, शनिवार 5 एप्रिल रोजी अंतिम संस्कार करण्यात आले. मनोज कुमार बऱ्याच काळापासून सिरोसिस या आजाराने ग्रस्त होते. त्यांची प्रकृती बिघडल्यानंतर 21 फेब्रुवारी 2025 रोजी त्यांना रुग्णालयात दाखल करण्यात आलं होतं.

'उपकार', 'पूरब-पश्चिम, 'क्रांती' आणि 'रोटी-कपडा' यांसारख्या सुपरहिट चित्रपटांसाठी प्रसिद्ध असलेल्या अभिनेत्याच्या निधनाबद्दल पंतप्रधान नरेंद्र मोदी यांनीही शोक व्यक्त केला आहे. मनोज कुमार यांना त्यांच्या चित्रपट कारकिर्दीत 7 वेळा फिल्मफेअर पुरस्कार मिळाला आहे. 1992 मध्ये त्यांना पद्मश्री पुरस्काराने सन्मानित करण्यात आले होते तर 2016 मध्ये त्यांना दादासाहेब फाळके पुरस्काराने सन्मानित करण्यात आले होते.