Salman Khan Religion: सलमान खान हिंदू आहे की मुस्लिम? भाईजानच्या धर्माबद्दल खुलासा

Salman Khan Religion: बॉलिवूडचा भाईजान सलमान खान सध्या त्याच्या आगामी 'सिकंदर' चित्रपटामुळे चर्चेत आहे. चाहते त्यांच्या चित्रपटाच्या प्रदर्शनाची आतुरतेने वाट पाहत आहेत. या चित्रपटाचे अ‍ॅडव्हान्स बुकिंग 25 मार्चपासून सुरू झाले आहे. हा चित्रपट 30 मार्च 2025 (रविवार) रोजी ईदच्या खास प्रसंगी थिएटरमध्ये प्रदर्शित होणार आहे.

'सिकंदर' चित्रपटातील गाण्यांनी आधीच सोशल मिडीयावर चांगलाच धुमाकुळ घातला आहे. यामध्ये होळी आणि ईदचे सेलिब्रेशन दिसून येत आहे. पण सलमान खान प्रत्यक्षात कोणत्या धर्माचे पालन करतो हे तुम्हाला माहिती आहे का?

सलमान खान हिंदू आहे की मुस्लिम?

सलमान खानने स्वतः एकदा तो कोणत्या धर्माचे पालन करतो हे उघड केले होते. मग त्याने सांगितले होते की, तो एकाच वेळी तीन धर्मांवर विश्वास ठेवतो. खरं तर 2017 मध्ये जेव्हा काळे हरण मारल्याच्या आरोपाखाली त्याच्या खटल्याची सुनावणी सुरू होती, तेव्हा अभिनेत्याला त्याच्या धर्माबद्दल विचारण्यात आले. मग सलमान खानने असे उत्तर दिले की ते ऐकल्यानंतर लोक थक्क झाले.

सलमान खान कोणत्या धर्माचे पालन करतो?

सलमान खानने एका मुलाखतीत सांगितले होते की, तो मुस्लिम आहे आणि हिंदू धर्मावरही विश्वास ठेवतो. पण सर्वप्रथम तो भारतीय आहे आणि हा त्याच्यासाठी एक धर्म देखील आहे. न्यायालयात उत्तर देताना सलमान खानने प्रथम हिंदीत म्हटले होते की, मी हिंदू आणि मुस्लिम दोन्ही आहे. मी भारतीय आहे. यानंतर तो इंग्रजीत म्हणाला, मी भारतीय आहे.

सलीम खान यांनी त्यांच्या मुलाबद्दल काय म्हटलं होतं ?

नॅशनल हेराल्डच्या बातमीनुसार, सलमान खानचे वडील सलीम खान यांनीही त्यांच्या कुटुंबाबद्दल आणि त्यांच्या मुलांच्या धर्माबद्दल उघडपणे बोलले होते. एका जुन्या मुलाखतीत सलमान खानचे वडील सलीम खान म्हणाले होते की, मी मुस्लिम आहे आणि माझी पत्नी हिंदू आहे, म्हणून आमच्या सर्व मुलांना स्वतंत्र मूल्यांसह वाढवले ​​गेले आहे.

सलीम खान यांनी सांगितले होते की, त्यांचे संपूर्ण कुटुंब ईद आणि गणेश चतुर्थी दोन्ही सण साजरे करतात. त्यांचा मुलगा सलमान खानच्या धर्माबद्दल त्यांनी म्हटले होते की, ते स्वतःला हिंदू किंवा मुस्लिम मानत नाहीत; तो फक्त भाईजान आहे, जो लोकांच्या हृदयात राहतो. तो स्वतःला फक्त एक माणूस मानतो.