दुसऱ्या गर्भधारणेत कॉमेडियन भारतीला 'या' आजाराने ग्रासले; कुटुंब चिंतेत! नेमकं काय घडलं!

Bharti Singh Health : प्रसिद्ध विनोदी कलाकार आणि लोकप्रिय सूत्रसंचालक भारती सिंग (Bharti Singh) सध्या तिच्या दुसऱ्या गर्भधारणेमुळे चर्चेत आहे. आनंद आणि उत्साहाच्या या वातावरणात, तिच्या आरोग्यासंबंधी एक चिंताजनक बातमी समोर आली आहे.

भारती सिंगने तिच्या नवीनतम यूट्यूब व्लॉगमध्ये खुलासा केला आहे की, तिच्या रक्तातील साखरेची पातळी जास्त असल्यामुळे तिला मोठा मानसिक ताण येत आहे.

"मी गोड खात नाहीये तरीही साखर का वाढली?"

गर्भवती भारती सिंगने तिच्या व्लॉगमध्ये आपल्या आरोग्याच्या समस्या आणि चिंता उघड केल्या आहेत. साखरेची पातळी नियंत्रणाबाहेर गेल्यामुळे ती गोंधळलेली आहे आणि तिने आपला आहार काटेकोरपणे सांभाळला असूनही असे का होत आहे, असा प्रश्न तिला पडला आहे.

"मी गोंधळलेली आहे कारण मी काहीही गोड खात नाही. मी सकाळी फक्त एक कप चहा पिते, दुसरे काही नाही. माझी साखरेची पातळी तरीही जास्त का आहे?" अशी चिंता भारती सिंगने व्यक्त केली.

"माझी साखरेची पातळी कशी जास्त असू शकते?"

भारतीने स्पष्ट केले की ती तणावग्रस्त नाही किंवा आहारात कोणतीही चूक करत नाही, तरीही तिची साखरेची पातळी नियंत्रणाबाहेर आहे.

पती हर्ष लिंबाचिया दुबईला गेल्याने आणि तो रात्री परत येणार असल्याने, त्याच्याशिवाय तिला खूप एकटेपणा जाणवत आहे आणि तिला रडावेसे वाटत आहे, अशी भावनिक कबुलीही तिने दिली.

डॉक्टरांनी भारती सिंगला फटकारले!

उच्च साखर पातळीच्या स्थितीबद्दल डॉक्टरांनी तिला फटकारल्याचे भारती सिंगने उघड केले. भारती तिच्या आहाराबद्दल किती कडक आहे, हेही तिने सांगितले: "मी माझ्या आहाराबाबत खूप कडक आहे. मी गहू खात नाही, फक्त बाजरी खात आहे. तरीही, हे का घडत आहे हे मला समजत नाही. या सगळ्यापेक्षा तिला सर्वात जास्त भीती वाटते आहे ती म्हणजे, या वाढलेल्या साखरेच्या पातळीचा तिच्या बाळावर परिणाम होईल का?

गरोदरपणात साखरेची पातळी वाढणे हे 'गर्भकालीन मधुमेह'चे लक्षण असू शकते, जो गरोदरपणात तात्पुरता असतो, पण आई आणि बाळ दोघांसाठीही काळजी घेण्याची गरज असते.

भारती दुसऱ्यांदा होणार आई

भारती सिंsग आणि हर्ष लिंबाचिया हे दुसऱ्या मुलाची अपेक्षा करत आहेत. त्यांना 'गोल' नावाचा एक मुलगा आहे. अलीकडेच, स्वित्झर्लंडमध्ये कुटुंबासोबत केलेल्या प्रवासादरम्यान भारती सिंगने एका खास पद्धतीने तिच्या दुसऱ्या गर्भधारणेची घोषणा केली होती. भारतीचे चाहते आणि कुटुंब तिने लवकरात लवकर या समस्येवर नियंत्रण मिळवावे आणि निरोगी राहावे यासाठी प्रार्थना करत आहेत.